មកទល់ពេលនេះគេ មិនទាន់ឃើញក្រសួងសង្គមកិច្ច និងអតីតយុទ្ធជន ធ្វើពិធីប្រកាសជាផ្លូវការស្តីការផ្លាស់ប្តូរតំណែងប្រធានមន្ទីរសង្គមកិច្ចនិងអតីតយុទ្ធជនរាជធានីភ្នំពេញជាផ្លូវការនៅឡើយទេ មិនដឹងមកពីមូលហេតុអ្វី?
ដោយគ្រាន់តែដកមេចាស់ចេញហើយដាក់អ្នកថ្មីជាមេស្តីទីជំនួស ពោលគឺ ដកលោក សន សុផល ចេញ ហើយដាក់លោកស្រី មុំ ចាន់ដានី ជាប្រធានស្តីទី ជំនួសរហូតមកដល់ពេលនេះ គឺមានរយៈពេលប្រមាណជាពីរខែហើយ ។ ប៉ុន្តែ ក្រោយការដកមេចាស់ចេញនេះគឹមានការបែកធ្លាយរឿងអាស្រូវនៅក្នុងមន្ទីរនេះរហូរឈានដល់សមត្ថកិច្ចចាប់ខ្លួនបុគ្គលិកបណ្តែត(ជាប់កិច្ចសន្យា)ចំនួន៣នាក់ក្រោមបទចោទញុះញង់កេងប្រវ័ញ្ចលើកម្លាំងពលកម្មកុមារនិងជនអនាថាសុំទានតាមទីសាធារណៈ ដែលបើតាមដឹងគឺ បុគ្គលិកទាំង៣នាក់នោះជាមនុស្សរបស់មេចាស់ធ្លាប់ប្រើធ្វើការងារក្នុងមន្ទីរ នេះជាយូរមកហើយ តាំងពីនៅទីតាំងចាស់ក្នុងក្រុងមកម្លេះមិនដែលមានរឿងនោះទេ តែពេលមេត្រូវដកតំណែង ទើបមានការចាប់ខ្លួនកូនចៅជំនិតៗ ។ តិចលោមានរឿងអីវែងឆ្ងាយទៀតទៅ?៕
