ឯកឧត្តម ឧកញ៉ា គង់ ក្រឹង បានអញ្ជើញចូលរួមក្នុងពិធីបុណ្យសពប្រពន្ធលោក ជាង គឿង អាយុ ៥១ឆ្នាំ ដែលបាន ទទួលមរណៈភាពវេលាម៉ោង ១១:១០នាទី ថ្ងៃទី ៣០ ខែសីហា ឆ្នាំ២០១៧ ដោយរោគាពាធ ។
លោក ជាង គឿង បានជួយកសាងធ្វើសណ្ឋាគាររបស់ឯកឧត្តម ឧកញ៉ាតាំងតែពីដើមរហូតរួចរាល់ ដោយការប្រឹង ប្រែងអស់ពីទឹកចិត្ត ដូច្នេះហើយលោកឧកញ៉ា មានចិត្តសណ្តោសប្រណីជួយឧបត្ថម្ភថវិកាចំនួន ១០០០ដុល្លារ ដល់គ្រួសារសព ។
តាមសេចក្តីរាយការណ៍ពីប្រជាពលរដ្ឋបានឱ្យដឹងថា ឯកឧត្តម គង់ ក្រឹង តែងតែជួយឧបត្ថម្ភថវិកាគ្រឿងឧបភោគ បរិភោគដល់ប្រជាពលរដ្ឋទីទ័លក្រ ក្មេងកំព្រា ស្ត្រីមេម៉ាយគ្រប់ពេលវេលា នេះសបញ្ជាក់ពីទឹកចិត្តស្រឡាញ់អ្នកក្រីក្រពិតៗ ហៅនៅថ្ងៃទី ២៩ ខែសីហា ឆ្នាំ២០១៧ នៅវត្តស្រែរនាម ភូមិស្រែរនាមខាងកើត ឃុំឃ្សឹម ស្រុកអង្គស្នួល ខេត្តក្រចេះ រូបគាត់ជាចុងភៅដាំស្លរនៅក្នុងវត្តដែលមានជំងឺធ្ងន់ អាយុ ៧០ឆ្នាំ ជរាពាធ ឯកឧត្តម ឧកញ៉ា ជួយទឹកប្រាក់ ៤០ម៉ឺនរៀលដល់គាត់ ។ បន្តទៀត ឯកឧត្តម ឧកញ៉ា គង់ ក្រឹង បានជួយលោកតាកុល អតីតប្រធានក្រុមហ៊ុនចំការកៅស៊ូ នូវទឹកប្រាក់ ៣០០ដុល្លារ ជូនគាត់ដែលមានជំងឺជាទំងន់ ។ ហើយថ្មីៗនេះទៀត នៅក្នុងឃុំឃ្សឹមដដែល គាត់បានជួយឧបត្ថម្ភ ដល់បុណ្យសពប្តីស្លាប់ចំនួន ២០០ដុល្លារ នឹងថ្លៃម្ឈូស ២០០ដុល្លារ ផងដែរ ។
ក្តីរំភើបដ៏ជ្រាលជ្រៅរបស់ប្រជាពលរដ្ឋ ចំពោះឯកឧត្តម លោកឧកញ៉ា គង់ ក្រឹង ដែលមានទឹកចិត្តជ្រះថ្លាជួយឧបត្ថម្ភ ថវិកា ជួយប្រជាពលរដ្ឋមិនប្រកាន់ពូជសាសន៍ ឬពណ៌សម្បុរនោះទេ ដូច្នេះសារព័ត៌មានយើង សូមជូនពរឯកឧត្តម អ្នកឧកញ៉ា គង់ ក្រឹង ព្រមទាំងលោកជំទាវ និងបុត្រាបុត្រី ទទួលនូវសេចក្តីសុខសាន្ត សុខភាពរឹងមាំ ប្រាជ្ញាឈ្លាសវៃប្រកបដោយសុភមង្គលគ្រប់ពេលវេលា ៕
