ព្រះវិហារ ៖ លោក រៀម ខេត មេបញ្ជាការវរ: សេនាតូច លេខ 405 ការពារព្រំដែនកម្ពុជាថៃត្រូវបានគេសង្ស័យថា ជាអ្នកបើកភ្លើងខៀវ អោយមានការប្រមូលទិញ និងគៀងគរពលករខ្មែរឆ្លងដែនខុសច្បាប់ចូលលួចកាប់ឈើក្រញ៉ួងនៅប្រទេសថៃ។
ខេត្តព្រះវិហារ មានសេចក្តីរាយការណ៍ពីស្រុកជាំក្សាន្តបានអោយដឹងថា សព្វថ្ងៃការប្រម៉ូលទិញឈើក្រញ៉ូងតាមខ្សែរបន្ទាត់ព្រំដែនសមរភូមិមុខទិសទី 1 កំពុងតែមានភាពគគ្រឹកគ្រេងនិងបើកដៃអោយពលករខ្មែរឆ្លងដែនខុសច្បាប់ចូលទៅកាប់ឈើក្រញ៉ូងនៅក្នុងប្រទេសថៃថៅកែឈើក្រញ៉ូងដែលកំពុងធ្វើសកម្មភាពខាងលើត្រូវបានគេស្គាល់ឈ្មោះ គឹម ប៊ុនស្រួចជាមេឈ្មួញរកស៊ីឈើក្រញ៉ូងជាច្រើឆ្នាំមកហើយ ។
ជាក់ស្តែងកាលពីថ្ងៃទី 24 ខែសីហាឆ្នាំ 2017 នៅចំនុចច្រករង្វង់មូលម្លប់ព្រីងស្ថិតភូមិឈើទាលគងឃុំស្រុកជាំក្សាន្តខេត្តព្រះវិហារមានកម្មករសំពាយឈើក្រញ៉ូងប្រម៉ានជាង 60 នាក់ដែលស្ពាយឈើមកលក់អោយឈ្មួញខាងលើដោយមិនមានការរំខានពីមន្ត្រីយោធាដែលឈរជើងនៅភូមិសាស្ត្រខាងលើនោះឡើយ។
សេចក្តីរាយរាការណ៍ដដែលនោះបានអោយដឹងទៀតថា ឈើក្រញ៉ូងខាងត្រូវបានគេដឹកតាមម៉ូតូនិងតាមរថយន្តយកមកស្តុបទុកនៅនុច 95 (ជាចំនុចបរិវេនបញ្ជាការរដ្ឋានអង្គរ)ស្ថិត ភូមិ ស្រអែមខាងជើងនិងភូមិធម្មជាតិឃុំស្រអែមស្រុកជាំក្សាន្តខេត្តព្រះវិហារមុនពេលគេដឹកជញ្ជូនយកទៅប្រទេសវៀតណាម។
ពលរដ្ឋលើកឡើងថា បើមិនមានការឃុបខិតពីមន្ត្រីយោធាដែលឈរជើងនៅភូមិសាស្ត្រខាងលើក៍ដូចជាលោក រៀម ខេត ដែលជាមេបញ្ជាការផងនោះបទល្មើសឈើក្រញ៉ូងមិនអាចប្រព្រិត្តបានជាដាច់ខាត។
ពាក់ពន្ធការចោទប្រកាន់់ថាលោក រៀម ខេត មេបញ្ជាការវរ:សេនាតូច លេខ 405 ការពារព្រំដែន ជានាក់បើកដៃអោយពលករខ្មែរចូលទៅលួចកាប់ឈើក្រញ៉ូងខុសប្បាប់នៅប្រទេសថៃនិងអោយមានការប្រម៉ូលទិញផងនោះបានអោយក្រុមការងារដឹងថាចំពោះករណីខាងលើលោកមិនបានដឹងទេហើយភូមិសាស្ត្រនោះលើក៏មិនមែនស្ថិតនៅក្រោមការគ្រប់គ្រងរបស់លោកដែរ ៕
