ខេត្តពាយ័ព ទិសភូមិភាគទី៥ ៖ ឈ្មួញនៅដឹកឈើគ្រញូងបន្តតាមច្រករបៀង ខេត្តបាត់ដំបង ខេត្តប៉ៃលិននិងខេត្តបន្ទាយមានជ័យជាប់ព្រំប្រទល់ប្រទេសថៃ។
តាមប្រភពបានអោយដឹងថា ឈ្មួញរកស៊ីឈើគ្រញូង មានឈ្មោះភ័ក្ត្រ (អតីតកូនប្រសារលោក អ៊ី ឈាន) ឈ្មោះវិរៈ ឈ្មោះ សៅ សុខ ឈ្មោះ ជាតិ ឈ្មោះទីសុខា ឈ្មោះ ហេង តុលា បានដឹកឈើជញ្ជូន តាមច្រករបៀង នៃខេត្តទាំងនេះ ដូចជាច្រករបៀង ៩៣ ស្រុកម៉ាឡៃ ខេត្តបន្ទាយមានជ័យ ច្រកឃុំតាតោក ស្រុកសំឡូត ខេត្តបាត់ដំបង ច្រកព្រំ និងចំការខ្នោ ស្រុកសាលាក្រៅ ខេត្តប៉ៃលិន ។ ពួកគេបានជួលកម្មករ ឡើងលីឈើគ្រញូងពីប្រទេសថៃម្តង ២០ ទៅ ៣០ នាក់ ហើយកាលពីខែតុលា ឆ្នាំ២០១៤ ពួកថៅកែឈើគ្រញូងក៏បានបោកប្រាស់កម្មករ មិនអោយថ្លៃឈ្នួលលីសែងផងដែរ រួចពួកកម្មករបានប្តឹងសមត្ថកិច្ចខេត្តប៉ៃលិន អោយជួយចាត់ការតែរឿងនេះ ចាត់ទុកគ្មានបានការអ្វីទាំងអស់ ។
ប្រភពបានបញ្ជាក់ថា ការចាប់ឈ្មួញរកស៊ីឈើ ឬកម្មករឈើគ្រញូង នៅខេត្តប៉ៃលិន តាមតំបន់ច្រកព្រំដែនដោយលោក ទី សុខា ប្រធានទំនាក់ទំងព្រំដែនកម្ពុជាថៃ (ប៉ៃលិន) កន្លងមក មិនបានប្រគល់ជនសង្ស័យ ជូនសមត្ថកិច្ចជំនាញត្រឹមត្រូវឡើយ ដូចជាចាប់បាន ២ នាក់ ប្រគល់ ១ នាក់ជាដើម ។ ថៅកែឈើគ្រញូង ដែលនាំកម្មករឡើងរកឈើគ្រញូង ក្នុងទឹកដីថៃត្រូវបង់ជូនសមត្ថកិច្ច ក្នុងម្នាក់ចំនួន ២០០ ដុល្លា បើមានកម្មករ២០នាក់ ត្រូវបង់២ពាន់ដុល្លា ហើយពេលដឹកឈើចេញមកត្រូវបង់ប្រាក់ផ្សេងទៀត ។
លោក ទី សុខា ក៏ជាឈ្មួញរកស៊ីទំនិញគេចពន្ធខុសច្បាប់ និងបង្គាប់ឈើគ្រញូង តាមរថយន្តដឹកទំនិញទាំងនេះផងដែរ ។
ក្រុមរកស៊ីឈើគ្រញូងខុសច្បាប់ទាំងនេះ មានសំណាងល្អ រហូតមិនទាន់មានសមត្ថកិច្ចណាបង្ក្រាបបានឡើយ ដោយពួកគេមានខ្នងបង្អែកអ្នកធំ ៕
