ខេត្តបន្ទាយមានជ័យ ៖ ឯកឧត្តម ឧបនាយករដ្ឋមន្ត្រី កែ គឹមយ៉ាន សមាជិកអចិន្ត្រៃយ៍គណៈកម្មាធិការកណ្ដាល គណបក្សប្រជាជនកម្ពុជានិងជាប្រធានក្រុមការងារថ្នាក់ជាតិ ចុះជួយខេត្តបន្ទាយមានជ័យបានដឹកនាំ សមាជិក-សមាជិកាក្រុមការងារថ្នាក់ជាតិ និងថ្នាក់ក្រោមជាតិ ជាអធិបតីក្នុងពិធី ប្រកាសបញ្ចូល សមាជិក សមាជិកា គណបក្សប្រជាជនកម្ពុជា ជា (យុវជន ) ទូទាំងខេត្តចំនួន៣០០០នាក់ នាព្រឹកថ្ងៃទី០១ខែមិថុនាឆ្នាំ២០១៧ នៅស្នាក់ការគណបក្សប្រជាជនខេត្តបន្ទាយមានជ័យ។
ឯកឧត្តម ឧបនាយករដ្ឋមន្ត្រី កែ គឹមយ៉ាន បានពាំនាំនូវប្រសាសន៍ផ្ដាំផ្ញើសួរសុខទុក្ខ ពីសំណាក់ សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាច្រកម្ពុជា និង សម្ដេចចក្រី ហេង សំរិន សម្ដេចក្រឡាហោម ស ខេង សម្ដេចវិបុលសេនាភក្ដី សាយ ឈុំ និងថ្នាក់ដឹកនាំគណបក្សប្រជាជនកម្ពុជា ដ៏ទៃផ្សេងទៀតដែលតែងតែគិតគូរចំពោះសុខទុក្ខ និងការរស់នៅរបស់សមាជិក-សមាជិកាគណបក្សប្រជាជនកម្ពុជារបស់យើង ។
ឯកឧត្តម ឧបនាយករដ្ឋមន្ត្រីបានមានប្រសាសន៍បន្តថាភាពជោគជ័យរបស់គណបក្សប្រជាជនកម្ពុជា ក្នុងការបោះឆ្នោតជ្រើសរើសក្រុមប្រឹក្សាឃុំ~សង្កាត់ និងបោះឆ្នោតជាតិ បានធ្វើអោយប្រជាពលរដ្ឋ មានបាន និងសុខសាន្តដូចសព្វថ្ងៃនេះ..!
មានតែគណបក្សប្រជាជនកម្ពុជាតែមួយគត់ដែល មានស្នាដៃ ធ្វើឱ្យប្រទេសជាតិមានសុខសន្តិភាពរឹងមាំ និងបានកសាងអភិវឌ្ឍន៍ រីកចំរើនលើគ្រប់វិស័យ ហើយបច្ចុប្បន្ននេះគ្មាន គណបក្សណាមានសមត្ថភាពដឹកនាំកាច់ចង្កូតនាវាកម្ពុជាជំនួស គណបក្សប្រជាជនកម្ពុជាបានឡើយ។
នៅក្នុង ពិធី ជួបសំណេះសំណាល និងប្រកាសជាផ្លូវការបញ្ចូលសមាជិក សមាជិកា ជាយុវជន គណបក្សប្រជាជនកម្ពុជា ទូទាំងខេត្ត មានចំនួនជិត៣០០០នាក់ ឯកឧត្តម បានអំពាវនាវជូនដល់ យុវជន ដែលជា សមាជិក-សមាជិកា យើងទាំងអស់ ពិសេស ក្មួយៗ ត្រូវបានទទួលភារកិច្ចដ៏ថ្លៃថ្លាពីគណបក្សប្រជាជនកម្ពុជាដែល មានទំនុកចិត្ត ធ្វើជាសិស្សល្អ កូនល្អ ជាយុវជនគំរូដល់យុវជនផ្សេងៗទៀតហើយក្មួយៗគឺជាទំពាំង ស្នងឫស្សី ក្នុងការទ្រទ្រង់វាសនាប្រទេសជាតិ របស់យើង ទៅថ្ងៃអនាគត ព្រមទាំងទទួលខុសត្រូវ តទៅជាយុវជនស្នងត្រកូលនៃគណបក្សប្រជាជន យើង និងអភិវឌ្ឍន៍ ជាតិយើងព្រមទាំង កសាងកំលាំងបក្ស ត្រូវអោយមានឆន្ទះតស៊ូ ពុះពារគ្រប់បែបយ៉ាង ក្នុងការកសាងជាតិ និងការពារជាតិ កុំចាញ់ការ ឃោសនា បោកប្រាស់ បញ្ឆោត ញុះញង់ជាតិ ចង្អៀតចង្អល់លាភពណ៌ និងការច្រណែន របស់យុវជនគណ បក្សផ្សេងៗដ៏ទៃទៀត ពិសេសគណបក្សCNRPដែលនៅតែបន្តគំនិតញុះញង់និងចង់បំផ្លាញគណបក្សប្រជាជន កម្ពុជា យើងជានិច្ច ។
ឯកឧត្តម មានប្រសាសន៍ បន្ថែមទៀត ថានៅក្នុងខេត្តបន្ទាយមានជ័យពីមួយអាណត្តិទៅមួយអាណត្តិ នៃការបោះឆ្នោតជាតិ និងទាំងការរបោះឆ្នោតក្រុមប្រឹក្សា ឃុំ~សង្កាត់ ប្រជាពលរដ្ឋនិង យុវជន សិស្ស-និស្សិតរបស់យើងដែលតែងតែផ្តល់ទំនុកចិត្តលើ គណបក្សប្រជាជនកម្ពុជា ដើម្បីដឹកនាំនាវាកម្ពុជា យើងទៅរកការអភិវឌ្ឍតាមមូលដ្ឋាន ឃុំ-សង្កាត់ ដែលពីមុនពុំធ្លាប់មានសោះឥឡូវមានផ្លូវ ស្ពាន សាលារៀន មណ្ឌលសុខភាព ប្រព័ន្ធ ទឹក ភ្លើង ប្រព័ន្ធហេដ្ឋារចនាសម្ព័ន្ធរីកឡើងស្គុះស្គាយ និងសមិទ្ធផលនានាជាច្រើនទៀតដែលបំរើឲ្យ ផលប្រយោជន៍ជាសាធារណៈនិងជាឯកជនរបស់ប្រជាពលរដ្ឋគ្រប់ស្រទាប់វណ្ណៈផងដែរ។
បោះឆ្នោតជូនគណបក្សប្រជាជន អនុញ្ញាតអោយបន្ត អនុវត្ត គោលនយោបាយ អភិវឌ្ឍន៍ ភូមិ ឃុំ ហើយការអភិវឌ្ឍនេះគឺជាផលប្រយោជន៍រួមរបស់ប្រជាជន យើងទាំងអស់គ្នា ។
ឯកឧត្តមសំណូមពរចុងក្រោយដល់សមាជិកសមាជិកាយើងចាប់ពីអាយុ១៨ឆ្នាំឡើងត្រូវទៅចូលរួមបោះឆ្នោត ឃុំ ~សង្កាត់ ទាំងអស់គ្នានិងបោះឆ្នោតជូនគណបក្សប្រជាជនកម្ពុជា ទាំងអស់គ្នាកុំបីខានឡើយគឺនៅថ្ងៃទី ៤ខែមិថុនាឆ្នាំ២០១៧ខាងមុខនេះ៕
