ភ្នំពេញ៖ មហាលាភឡូតូនៅព្រឹកថ្ងៃទី២៨ខែមេសា ឆ្នាំ២០១៧នេះបានធ្វើពិធីសម្ពោធឲ្យប្រើប្រាស់ជាផ្លូវការនូវ ឆ្នោតថ្មីរបស់ខ្លួនក្រោមវត្តមានលោក ផូង វ៉ាន់ហាច នាយផ្នែកប្រតិបតិ្តរបស់ក្រុមហ៊ុនមហាលាភឡូតូ នៃក្រុមហ៊ុនវីង ក្នុងប្រទេសកម្ពុជា។ពិធីនេះបានធ្វើឡើងនៅក្រុមហ៊ុនមហាលាភឡូតូដែលមានទីតាំងស្ថិតក្នុងសង្កាត់ទួលទំពូង១ ខណ្ឌចំការមន រាជធានីភ្នំពេញ និងមានការចូលរួមពីសំណាក់ក្រុមអតិថិជននិងមហាជនដ៏ច្រើនកុះករផងដែរ។
លោក ផូង វ៉ាន់ហាច បានមានប្រសាន៍ថា ឆ្នោតមហាលាភគឺជាប្រព័ន្ធឆ្នោតថ្មីដែលផ្តល់នូវភាពសុក្រឹតទៅកាន់ប្រជាជនកម្ពុជាទាំងអស់ក្នុងការឈ្នះដើម្បីមានឱកាសអាចផ្លាស់ប្តូរកំរិតជីវភាពរបស់ពួកគាត់ ។ ហើយការចាប់ឆ្នោតជាលើកដំបូងនឹងប្រព្រឹត្តទៅនៅម៉ោង៤និង៤៥នាទីរសៀលថ្ងៃទី២ខែឧសភា ជាមួយរង្វាន់ធំJackpotចំនួន3០០លានរៀលឬ$75,000។ជារៀងរាល់ថ្ងៃបើគ្មានអ្នកឈ្នះរង្វាន់ធំនេះនឹងបូកបញ្ចូលទៅថ្ងៃចាប់ឆ្នោតបន្ទាប់ទៀតជាមួយនឹងទឹកប្រាក់២លានរៀលឬ$500បន្ថែម។នាយផ្នែកប្រតិបតិ្តខាងលើបានឲ្យដឹងទៀតថា ក្រុមការងាររបស់លោកបានធ្វើការជាច្រើនខែមកហើយដោយចុះទៅស្រាវជ្រាវស្វែងយល់ពីមតិយោបល់អតិថិជនទាំងអស់ទូទាំងប្រទេស។
យើងទទួលស្គាល់ថាការលេងឆ្នោតពិតជាមានសន្ទុះខ្លាំងទាំងនៅទីក្រុងទាំងនៅទីជនបទវាបានទាក់ទាញចំពាប់អារម្មណ៍អ្នកលេងគ្រប់វ័យនិងគ្រប់ស្រទាប់វណ្ណៈ ប៉ុន្តែយើងបានរកឃើញថាទំនុកចិត្តនិងតម្លាភាពគឺជាបញ្ហាមួយដែលអតិថិជនលេងឆ្នោតចង់បាននូវភាពយុត្តិធម៌បំផុត ។ ដើម្បីដោះស្រាយរាល់កង្វល់ទាំងនេះមហាលាភបានប្រើបច្ចេកវិទ្យាថ្មីដើម្បីសុវត្ថិភាពរាល់ការចាប់ឆ្នោតទាំងអស់នឹងត្រូវផ្សាយផ្ទាល់តាមរយៈទូរទស្សន៍CTNជារៀងរាល់ថ្ងៃនៅវេលាម៉ោង៤និង៤៥នាទីរសៀលជាមួយគណៈកម្មាធិការចាប់ឆ្នោត ហើយអ្នកលេងឆ្នោតអាចលេងបាននៅគ្រប់សាខាវីងទាំងអស់ដែលមាន2500សាខាហើយឈានទៅដល់4800សាខាវីងទូទាំងប្រទេសរួមតែមួយនៅចុងខែឧសភាខាងមុខនេះពួកយើងនឹងផ្តល់សេវាកម្មជាច្រើនទៀតទៅលើឆ្នោតប្រកបដោយបច្ចេកវិទ្យាទំនើបដល់អតិថិជនទាំងអស់ ។
លោកបានសង្កត់ធ្ងន់ថា ឆ្នោតនេះងាយស្រួលលេងជាមួយតម្លៃល្អប្រសើរជាងមុន ដើម្បីឈ្នះឆ្នោតនេះអតិថិជនគ្រាន់តែចំណាយត្រឹមតែ1000រៀលក្នុងមួយខ្សែ។អតិថិជនមានជម្រើសក្នុងការជ្រើសរើសលេខរបស់ខ្លួនឬអាចឲ្យម៉ាសុីនជ្រើសរើសជំនួសក៏បានយើងមានវិធីច្រើនដើម្បីឈ្នះឆ្នោតនិងឈ្នះមហាសំណាងគឺJackpotដែលមានទឹកប្រាក់រហូតដល់ទៅ75,000$ឯណោះ។
ចំពោះព័ត៌មានបន្ថែមសូមចូលទៅកាន់គេហទំព័រwww.mohaleaplotto.com.kh ឬហៅទៅកាន់ការិយាល័យ ៖ 095 999 636 ៕
រុន សារ៉េត
