កម្លាំងកងរាជអាវុធ ហត្ថណ្ឌជ្រោយ ចង្វាឃាត់ខ្លួនជន សង្ស័យ៤នាក់ ពាក់ព័ន្ធចែកចាយ និងប្រើប្រាស់ គ្រឿងញៀន
(ភ្នំពេញ)៖ កម្លាំងប្រឆាំងបទ ល្មើសគ្រឿងញៀន នៃកងរាជអាវុធហត្ថ ខណ្ឌជ្រោយចង្វា បានចុះបង្ក្រាបករណី គ្រឿងញៀនមួយ កន្លែននិងឃាត់ខ្លួនបាន ជនសង្ស័យ៤នាក់កាលពី ថ្ងៃទី០៥ខែ មិនាឆ្នាំ២០២២ វេលាម៉ោង១២ និង២០នាទី នៅចំណុចផ្លូវលំ មួយកន្លែងស្ថិត ក្នុងភូមិខ្ទរ សង្កាត់ព្រែកលៀប ខណ្ឌជ្រោយចង្វា រាជធានីភ្នំពេញ។
អាវុធហត្ថខណ្ឌជ្រោយចង្វា បានប្រាប់អោយដឹងថា ជង្ស័យទាំង៤នាក់ ដែលកម្លាំងជំនាញ ឃាត់ខ្លួនបាន ទី១ឈ្មោះឌុច មួក ភេទប្រុស អាយុ ៣៧ឆ្នាំ មុខរបរកម្មករ សំណង់ ជនជាតិខ្មែរ ទីលំនៅបច្ចុប្បន្ន ស្ថិតនៅភូមិអ្នកតាទ្វា ឃុំប្រធាតុ ស្រុកអូររាំងឱ ខេត្តត្បូងឃ្មុំ, ទី ២.ឈ្មោះ ថា វ៉ាន់ ភេទប្រុស អាយុ ២៦ឆ្នាំ មុខរបរលក់ គ្រឿងញៀន ទីលំនៅមិន ពិតប្រាកដ, ទី៣.ឈ្មោះ អុឹម ថា ភេទប្រុស អាយុ ២២ឆ្នាំ មុខរបរកម្មករសំណង់ ទីលំនៅបច្ចុប្បន្ន ស្ថិតនៅភូមិពយស្វាយ ឃុំតាក្រៀម ស្រុកបាណន់ ខេត្តបាត់ដំបង, ទី ៤.ឈ្មោះ ណិ ទិត្យ ភេទប្រុស អាយុ២៩ឆ្នាំ មុខរបរកម្មករសំណង់ ទីលំនៅបច្ចប្បន្នស្ថិ តនៅភូមិឡូ១១ ស្រុកកំរៀង ខេត្តបាត់ដំបង។
ក្រោយពីឃាត់ខ្លួន ជនសង្ស័យខាងលើ កម្លាំងជំនាញឆែកឆេរ និងដកហូតបានវត្ថុតាង រួមមានម្សៅក្រាម សថ្លាចំនួន ០៦កញ្ចប់តូច និងសម្ភារ:សម្រាប់ប្រាស់ គ្រឿងញៀនមួយចំនួន។
បច្ចុប្បន្នជនសង្ស័យ ទាំង៤នាក់ខាងលើ រួមទាំងវត្ថុតាងត្រូវបាន កម្លាំងអាវុធហត្ថ ខណ្ឌជ្រោយចង្វា កសាងសំណុំរឿងបញ្ជូនខ្លួនទៅកាន់ ការិយាល័យប្រឆាំង បទល្មើសគ្រឿងញៀន នៃកងរាជអាវុធហត្ថ រាធានីភ្នំពេញ ដើម្បីចាត់ការបន្តរ ទៅតាមនីតិវិធីច្បាប់៕
