ខេត្តកំពត ÷ រាជរដ្ឋាភិបាល និងក្រសួងសុខាភិបាល បានអំពាវនាវឲ្យពលរដ្ឋទូទាំងប្រទេស ឲ្យអនុវត្ត បីកុំ បីការពារ និងចូលរួមលុបបំបាត់ជំងឺ កូវីដ-១៩,,បម្លែងថ្មី ប្រភេទ (អូមីក្រុង) ដែលកំពុងមានវត្តមាន ក្នុងប្រទេស កម្ពុជាយើង ដើម្បីឲ្យមានប្រសិទ្ធភាព ផ្ទុយទៅវិញទីតាំងសង្វៀនល្បែងសុីសងជល់មាន់និងអាប៉ោងខុសច្បាប់ មួយកន្លែងនៅចំណុចអូរតូច ស្ថិតក្នុងភូមិអណ្ដូងខ្មែរ សង្កាត់អណ្ដូងខ្មែរ ក្រុងកំពត ខេត្តកំពត កំពុងបើកការពពាក់ពពូនបានដោយរលូនជារៀងរាល់ថ្ងៃ បែរជាអាជ្ញាធរមានសមត្ថកិច្ចមូលដ្ឋាន គ្មានការទប់ស្កាត់ឬបង្ក្រាប!នោះឡើយ!

បើយោងតាមប្រភពច្បាស់ការណ៍ពីពលរដ្ឋរស់នៅក្នុងមូលដ្ឋាននោះបានឲ្យដឹងនៅរសៀលថ្ងៃទី០៣ ខែមិនា ឆ្នាំ ២០២២-នេះថា ÷ ទីតាំងល្បែងសុីសងខុសច្បាប់ខាងលើ កំពុងបើកដំណើរការឲ្យក្រុមញៀនល្បែងរាប់សិបនាក់នាំគ្នាចូលទៅលេងយ៉ាងពពាក់ពពូន ស្រែកហ៊ោកញ្ច្រៀវផ្អើលដល់ពលរដ្ឋរស់នៅជិតខាងមានការព្រួយបារម្ភបំផុតការឆ្លងរីករាលដាលជំងឺ កូវីដ-១៩,,បម្លែងថ្មីប្រភេទ(អូមីក្រុង)ចេញពីពូកអ្នកដែលមកលេងល្បែងនៅទីកន្លែងនេះតែម្ដងម្យ៉ាងមួយទៀតភ័យខ្លាចអំពីបញ្ហាអសន្តិសុខខ្លាចនិងបទល្មើសផ្សេងៗ
(ពោលគឺ)លួច ឆក់ ប្លន់ និងអំពើហិង្សាក្នុងគ្រួសារជាដើម។

សូមរំលឹកថាកន្លងមក សម្ដេច ក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ធ្លាប់ដាក់បទបញ្ជាឲ្យមន្រ្តីនគរបាលពាក់ព័ន្ធក្រោមឱវាទទូទាំងប្រទេស ត្រូវតែបង្រ្កាប!រាល់ល្បែងស៊ីសងខុសច្បាប់គ្រប់ប្រភេទ មិនត្រូវមានការយោគយល់ឡើយ!។
ផ្ទុយទៅវិញទីតាំងសង្វៀនល្បែងសុីសងជល់មាន់និងអាប៉ោងខុសច្បាប់ មួយកន្លែងក្នុង ក្រុងកំពត ខេត្តកំពត ពលរដ្ឋក៍មហាជន បានឃើញបើកលេងយ៉ាងគឃ្លើន ហាក់ដូចមិនខ្លាចញញើតនិងមិនគោរពតាមសារាចរណ៍ណែនាំរបស់ក្រសួងមហាផ្ទៃ នោះឡើយ.!

ដូច្នេះហើយបងប្អូនប្រជាពលរដ្ឋរស់នៅក្នុងមូលដ្ឋាននោះបាននាំគ្នាអំពាវនាវទៅដល់ លោក ម៉ៅ ធនិន អភិបាលនៃគណៈអភិបាលខេត្តកំពត សូមចុះត្រួតពិនិត្យភាពជាក់ស្ដែង និង លោក ម៉ៅ ច័ន្ទមធុរិទ្ឋ ស្នងការដ្ឋាននគរបាលខេត្តកំពត គួរតែចាត់កម្លាំងជំនាញក្រោមឱវាទ មានវិធានការទប់ស្កាត់ឬមួយធ្វើការបង្រ្កាប!ទីតាំងល្បែងសុីសងជល់មាន់និងអាប៉ោងខុសច្បាប់ បើកលេងនៅក្នុងមូលដ្ឋានខាងលើនេះ ដើម្បើរក្សាបាននូវសន្តិសុខសុវត្តិភាពឲ្យស្របតាមគោលនយោបាយភូមិ ឃុំ ទាំង៧ចំណុច របស់ក្រសួងមហាផ្ទៃ ផងទាន៕