លោក នាក់ សុវណ្ណារី អភិបាលស្រុកទឹកឈូឱ្យលោកអធិការស្រុកចុះទៅពិនិត្យធ្វើការទប់ស្កាត់វង់ល្បែងល្មើសច្បាប់របស់ឈ្មោះ នី នៅឃុំស្ទឹងកែវ ស្រាប់តែពេលនេះបើកលេងចាក់ភ្នាល់លុយ យ៉ាងគគ្រឹក គគ្រេង សម្បើមជាងមុន
ខេត្តកំពត: ក្រុមប្រជាពលរដ្ឋបានលើកឡើងថា បនល្បែងស៊ីសងរបស់ឈ្មោះ នី ក្រោយលោក នាក់ សុវណ្ណារី អភិបាលស្រុកទឹកឈូ ឲ្យបញ្ជាឲ្យកម្លាំងអធិការនគរបាលស្រុកចុះទៅធ្វើការត្រួតពិនិត្យនៅទីតាំង វង់ល្បែងសង្វៀនមាន់ជល់ អាប៉ោងខុសច្បាប់ នៅចំណុចភូមិកំពង់ចិន ឃុំស្ទឹងកែវ ស្រុកទឹកឈូ ខេត្តកំពតបច្ចុប្បន្នគេបានពង្រើកទ្រង់ទ្រាយបនល្បែងធំជាងមុន។
ប្រជាពលរដ្ឋក្នុងឃុំស្ទឹងកែវបានឲ្យដឹងទៀតថា ពាក់ព័ន្ធការពង្រើកទ្រង់ទ្រាយទីតាំងបនល្បែង សង្វៀនមាន់ជល់ អាប៉ោង ល្មើសច្បាប់ នៅក្នុងឃុំស្ទឹងកែវ ស្រុកទឹកឈូ ខាងលើនេះថា ដោយសារឈ្មោះនី គេពង្រើកវង់ល្បែងនេះបានហើយមិនរំខានដល់សមត្ថកិច្ច និងអាជ្ញាធរស្រុកទឹកឈូនោះ ព្រោះគេបានរត់ការបង់លុយ ពីសម្ថកិច្ចក្នុងស្រុកដល់អាជ្ញាធរខេត្តកំពតអស់ហើយ។
ជាក់ស្តែង នៅវេលាម៉ោងជិត១២ព្រឹក ថ្ងៃទី១០ កុម្ភៈ ២០២២នេះ ត្រូវគេគេឃើញមានមនុស្សចូលទៅលេងនៅបនល្បែងខាងលើនេះ យ៉ាងគគ្រឹក គគ្រេង ដោយមិនមានការទប់ស្កាត់ពីសំណាក់ អាជ្ញាធរស្រុក រឺកម្លាំងអធិការនគរបាលស្រុកទឹកឈូនោះទេ។
ពលរដ្ឋក្នុងឃុំស្ទឹងកែវបានបង្ហើបទៀតថា ទីតាំងវង់ល្បែងស៊ីសងក្នុងស្រុកមួយនេះ ត្រូវគេបានរៀបចំរួចជាស្រេច ដើម្បើត្រៀមធ្វើការបំឡាស់គោលដៅ ពីកន្លែងមួយទៅកន្លែងមួយទៀត ដោយមានការជួយសម្របសម្រួលបិទបាំងពី លោក សូ ប៊ុនធឿន អធិការនគរបាលស្រុកទឹកឈូ។
យ៉ាងណាក៏ដោយ ពាក់ព័ន្ធវង់ល្បែងល្មើសច្បាប់របស់ឈ្មោះ នី ខាងលើនេះ កាលពីថ្ងៃទី០៨ កុម្ភៈ ២០២២ប៉ុន្មានថ្ងៃកន្លងថ្មីៗនេះ លោក នាក់ សុវណ្ណារី អភិបាលស្រុកទឹកឈូ លោកបានបញ្ជាក់ឲ្យដឹងតាមទូរស័ព្ទថា រឿងវង់ល្បែងល្មើសច្បាប់នៅចំណុចចំការក្រូច ស្ថិតនៅភូមិកំពង់ចិន ឃុំស្ទឹងកែវ ស្រុកទឹកឈូ នេះលោកនិងបញ្ជាលោក អធិការរដ្ឋាននគរបាលស្រុកទឹកឈូ ឲ្យចុះទៅត្រួតពិនិត្យទីតាំងវង់ល្បែងខាងលើនេះ ដើម្បីធ្វើការទប់ស្កាត់ មិនឲ្យបើកលេងទៀតនោះទេ។
បើទោះបីលោក នាក់ សុវណ្ណារី អភិបាលស្រុកទឹកឈូ បានមានប្រសាសន៍ បញ្ជាទៅកម្លាំងអធិការនគរបាលស្រុកទឹកឈូ ឲ្យចុះទៅធ្វើការពិនិត្យ និងហាមឃាតបញ្ឈប់ឲ្យមានទីតាំងល្បែង សង្វៀនមាន់ជល់ និងអាប៉ោង ក៏ដោយពេលនេះក៏នៅតែបើកលេងនៅទីតាំងចាស់បានដោយរលូន។
បើទោះជាដូចច្នេះក៏ដោយ ពលរដ្ឋរស់នៅក្នុងស្រុកទឹកឈូខេត្តកំពត កំពុងមានការបារម្មណ៍យ៉ាងខ្លាំង ពាក់ព័ន្ធវង់ល្បែងស៊ីសងរបស់ឈ្មោ នី ម្នាក់នេះ ពីរឿងភូមិ-ឃុំ សុវត្ថភាពនៅក្នុងស្រុក(ដោយសមត្ថកិច្ចនិងអាជ្ញាធរស្រុកមានការបណ្តែតបណ្តោយបែបនេះ) និងខ្លាចមានការកើតឡើងដូចជា អំពើរហិង្សារក្នុងគ្រួសារ ចោរលួចទ្រព្យសម្បត្តិតាមភូមិ និងតាម ឃុំ ក្នុងស្រុក ចោរភ្លន់ រួមទាំងគ្រឿងញៀន ជាដើម៕
