ភ្នំពេញ៖ នារសៀលថ្ងៃពុធ ទី៩ ខែកុម្ភៈ ឆ្នាំ២០២២ ឯកឧត្តម ហឿន សំនៀង នាយកវិទ្យាស្ថានតេជោសែនសាធារណការនិងដឹកជញ្ជូន បានអញ្ជើញដឹកនាំកិច្ចប្រជុំរួម ប្រចាំខែមករា ឆ្នាំ២០២២ របស់វិទ្យាស្ថាន ជាមួយថ្នាក់ដឹកនាំ តាមនាយកដ្ឋានទាំងអស់ ដើម្បីពិនិត្យ និងពិភាក្សាការងារមួយចំនួន និងដោះស្រាយបញ្ហាប្រឈមនានា។

នាឱកាសនោះ ឯកឧត្តមនាយកវិទ្យាស្ថាន បានអនុញ្ញាតិឲ្យលោក លោកស្រី ប្រធាននាយកដ្ឋាន ឡើងរាយការណ៍ជូនអង្គប្រជុំ ដើម្បីជ្រាបនូវសកម្មភាពដែលបានអនុវត្ត និងដោះស្រាយនៅបញ្ហាប្រឈមផ្សេងៗ។

គួរជម្រាបថា កិច្ចប្រជុំបានពិនិត្យ ពិភាក្សាលើលទ្ធផលសម្រេចបាន និងដោះស្រាយបញ្ហាមួយចំនួន ដែលដាក់ក្នុងរបៀបវារៈ កិច្ចប្រជុំប្រចាំខែរបស់វិទ្យាស្ថានផងដែរ៕