គណ:បញ្ជាការឯកភាពខណ្ឌដូនពេញបានចុះបង្ក្រាបទីតាំងណេតបង្កប់បើកល្បែងស៊ីសងដោយខុសច្បាប់តាមប្រព័ន្ធអនឡាញ

(ភ្នំពេញ)៖ នៅថ្ងៃពុធ ៨កើត ខែមាឃ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី០៩ ខែកុម្ភៈ ឆ្នាំ២០២២ លោក សុខ ពេញវុធ អភិបាល នៃគណៈអភិបាលខណ្ឌដូនពេញ បានចាត់ឲ្យ លោក ចាប ឌីណា នាយករដ្ឋបាលខណ្ឌដូនពេញ
ដឹកនាំកម្លាំងចម្រុះ ចុះបង្ក្រាប ទីតាំង អ៉ីនធើណេត បង្កប់ល្បែងស៊ីសងចំនួន ០១ទីតាំងស្ថិតនៅផ្ទះលេខ ២១៥២ ផ្លូវលេខ៧២ សង្កាត់ស្រះចក ខណ្ឌដូនពេញ។

ពេលចុះបង្ក្រាបនោះក្រុមការងារពិនិត្យឃើញមានមនុស្សចំនួន ០២នាក់ និងមានសំភារៈមួយចំនួន ដែលជាសំភារៈ ប្រព្រឹត្ត ល្បែងស៊ីសង។ ហើយក្រុមការងារខណ្ឌដូនពេញ សម្រេចបិទនិងអប់រំណែនាំអ្នកមើលការទីតាំងឲ្យត្រឡប់ទៅវិញ ដោយផ្តិតមេដៃ មិនបម្រើការអាជីវកម្មនេះបន្តទៀតឡើយ។

ដកហូត៖កុំព្យូទ័រចំនួន ០៣គ្រឿង ទូរទស្សន៍០១គ្រឿង ម៉ាស៊ីនព្រីនបុងបាល់ចំនួន ០១គ្រឿង និង កៅអីចំនួន០៥ យកមករក្សាទុកនៅរដ្ឋបាលខណ្ឌដូនពេញ៕