ខេត្តកំពត ៖ យោងតាមរបាយ ការណ៍សង្ខេបរបស់លោក ចាន់ រិទ្ធិ ប្រធានមន្ទីរកសិកម្មខេត្តកំពត បានឱ្យដឹងថា ផ្ទៃដីសម្រាប់ការបង្ក បង្កើនផលសរុបមានចំនួន ១១៤. ៥០០ហិកតា ក្នុងស្រុក/ក្រុងចំនួន ៨ និងមានផែនការសរុបប្រចាំឆ្នាំ ចំនួន ១៣៣. ០០០ហិកតា ដែល ចែកចេញជា ៖ -ស្រូវរដូវវស្សា សរុបចំនួន ១២៦.០០០ហិកតា ស្រូវរដូវប្រាំងសរុបចំនួន៧.០០០ ហិកតា ដោយឡែកនៅសប្តាហ៍ទី៤ នៃខែមករា គិតត្រឹមថ្ងៃទី ២៣ ខែ មករា ឆ្នាំ២០១៧នេះ អាកាសធាតុ ទូទាំងខេត្តមានលក្ខណៈត្រជាក់ បង្គួរ ។ ក្នុងនោះការិយាល័យ ក្សេត្រសាស្ត្រនិងផលិតភាពកសិកម្ម បានសហការជាមួយមន្ត្រីកសិ កម្មស្រុក បានចុះជម្រុញ និងលើក ទឹកចិត្តប្រជាកសិករទូទាំងខេត្តឱ្យ ខិតខំធ្វើការងារបង្កបង្កើនផលស្រូវ រដូវប្រាំង, ការសន្សំជីធម្មជាតិ និង ដាំដុះដំណាំរូមផ្សំជៀសវាងទុកដីឱ្យ នៅទំនេរ ។
របាយការណ៍បានបញ្ជាក់ឱ្យ ដឹងថា ផែនការការងារបង្កបង្កើន ផលស្រូវរដូវប្រាំងឆ្នាំ២០១៦- ២០១៧ សរុបចំនួន ៧.០០០ ហិកតា ក្នុងនោះមានស្រុកចំនួន ៦ អាចអនុវត្តស្រូវរដូវប្រាំងបានដូចជា ស្រុកទឹកឈូ ផែនការអនុវត្ត ២០០ ហិកតា, ស្រុកកំពង់ត្រាច ផែនការ អនុវត្ត១០០០ហិកតា, ស្រុកបន្ទាយ មាស ផែនការអនុវត្ត ៤.៣៥០ ហិកតា, ស្រុកអង្គរជ័យ ផែនការ អនុវត្ត ១៥០ហិកតា, ស្រុកឈូក ផែនការអនុវត្ត ២០០ហិកតា និង ស្រុកជុំគីរី ផែនការអនុវត្ត ១១០០ ហិកតា,។
ការស្ទូង/ព្រោះ នៅក្នុងរដូវប្រាំងឆ្នាំ២០១៦-២០១៧ ប្រជា កសិករ បានខិតខំប្រឹងប្រែងធ្វើការ ដកស្ទូងនិងព្រោះស្រូវបានសរុបទូទាំងខេត្តចំនួន ៥.៧៧០ហិកតា ស្មើនឹង ៨២,៤៣ %នៃផែនការ ៧. ០០០ហិកតា បើប្រៀបធៀប នឹង ឆ្នាំមុនលឿនជាង ១.០៣០ហិកតា (ឆ្នាំ២០១៤-២០១៥)អនុវត្តបាន ចំនួន ៤.៧៤០ហិកតា ។ ស្រុកដែល អនុវត្តបានច្រើនជាងគេ គឺស្រុក បន្ទាយមាសអនុវត្តបាន ៥.៣២៧ ហិកតា ស្រុកកំពង់ត្រាច អនុវត្តបាន ២៧៥ហិកតា, ស្រុកអង្គរជ័យ អនុវត្តបាន ៩៧ហិកតា ស្រុកដែល អនុវត្តបានតិចជាងគេមាន ស្រុក ឈូក អនុវត្តនបាន ៤០ហិកតា, ស្រុកជុំគីរី អនុវត្តបាន ២០ហិកតា ស្រុកទឹកឈូ អនុវត្តបាន ១២ហិកតា។
ក្រៅពីនេះមានដំណាំរួមផ្សំ អនុវត្តបានចំនួន ៦៤៤ហិកតា, លឿនជាងឆ្នាំមុន ២០៦ហិកតា ក្នុងនោះពោតស អនុវត្ត បាន ៧០ ហិកតា, ដំឡូងមី អនុវត្តបាន ០៦ ហិកតា, ដំឡូងជ្វា អនុវត្តបាន ៣៧ ហិកតា ។ បន្លែគ្រប់មុខ ៣៨៤ ហិកតា សណ្តែក បាយចំនួន ១៤៧ ហិកតា និងដំណាំឧស្សាហកម្មរយៈ ពេលខ្លី អនុវត្តបាន ១១៥ហិកតា, យឺតជាងឆ្នាំមុនចំនួន ៣១ហិកតា ក្នុងនោះសណ្តែកដីអនុវត្តបាន ៥៧ ហិកតា, អំពៅអនុវត្តបាន ៥៨ ហិកតា ។
ទន្ទឹងនឹងការងារបង្កបង្កើន ផលរបស់ប្រជាកសិករនេះដែរ នៅមានបញ្ហាប្រឈមខ្លះៗដូចជា ការកង្វះទឹកស្រោចស្រពលើដំណាំ ស្រូវ(ស្រុកទឹកឈូ, ស្រុកឈូក និង ស្រុកជុំគីរី) ។ ការប្រើប្រាស់ថ្នាំ សម្លាប់ស្មៅលើសកម្រិត,កសិករ ប្រើប្រាស់ថ្នាំប៉ូវ(ថ្នាំជម្រុញ)លើ ដំណាំស្រូវលើសកម្រិតកសិករបាន កាត់បន្ថយការដាំដុះដំណាំរួមផ្សំ ។
ជាមួយគ្នានោះដែរ ការិយាល័យក្សេតសាស្ត្រនិងផលិតភាព កសិកម្មនៃមន្ទីរកសិកម្មខេត្តកំពត បានចុះសហការជាមួយការិយាល័យកសិកម្មតាមបណ្តាស្រុក ព្រម ទាំងអាជ្ញាធរមូលដ្ឋានបានផ្សព្វផ្សាយដល់កសិករក្នុងការដាំដុះ ដំណាំរួមផ្សំ, ការសន្សំជីធម្មជាតិ និងជម្រុញការបង្កបង្កើនផលស្រូវ រដូវប្រាំងជាដើម….ល។ ៕
