ខេត្តកែប ៖ លោក នួន សេង ប្រធានមន្ទីរពេទ្យបង្អែកខេត្តកែប បានឱ្យដឹងថា ឆ្នាំ២០១៦កន្លងមក នេះការពិនិត្យ និងព្យាបាល អ្នកជំងឺ មានចំនួន ៧៦៤៤នាក់, សម្រាក ព្យាបាលចំនួន ១០២៤នាក់, អត្រា អ្នកប្រើប្រាស់គ្រែមានចំនួន ៦៧% ជំងឺដែលដើរតួ ជាងគេមានដូចជា ជំងឺផ្លូវដង្ហើម, ជំងឺពោះវៀន, ក្រពះ ជាដើម ។
នៅក្នុងមន្ទីរពេទ្យមានអគារ ជំងឺទូទៅ, អគារភ្នែកសម្ភព, អគារ ឡាបូ និងឱសថ និងអគាររដ្ឋបាល ជាដើម ។ ចំនួនបុគ្គលិកពេទ្យទាំង អស់មាន ៤៣នាក់ ស្រី ១៨នាក់ លោកប្រធានមន្ទីរពេទ្យតែងតែបាន យកចិត្តទុកដាក់ ក្នុងការអប់រំណែ នាំដល់បុគ្គលិកបំរើការងារក្នុងមន្ទីរ ពេទ្យជាបន្តបន្ទាប់ ឱ្យយកចិត្តទុក ដាក់ក្នុងការពិនិត្យនិងព្យាបាលអ្នក ជំងឺ ប្រើពាក្យសំដីសុភាពរាបសារ មិនឱ្យទារប្រាក់ពីអ្នកជំងឺផ្ទុយពី តារាងកំណត់របស់ក្រសួងសុខាភិបាលដែលបានកំណត់ ៘
លោកប្រធានមន្ទីរពេទ្យឱ្យដឹង ថា ក្រសួងសុខាភិបាលក៏បានជួយ កសាងអគារថ្មីសម្រាប់ព្យាបាល អ្នកជំងឺមាន ២ជាន់ ១៦បន្ទប់ ធ្វើ ពីបេតុងប្រក់ក្ប្រឿងបានសាងសង់ រួចជាស្ថាពរ ។ ក្រសួងសុខាភិបាល នេះដែរក៏បានជួយសាងសង់អគារ សាល ប្រជុំ ១ខ្នង មាន១ជាន់ កំពុងដំណើរការសាងសង់ ។ ទាំង អស់នេះគឺជាការយកចិត្តទុកដាក់ របស់មន្ទីរពេទ្យបង្អែកខេត្ត និង ក្រសួងសុខាភិបាលក្នុងការពង្រឹង និងពង្រីកលើវិស័យសុខាភិបាល ៕
