ខេត្តឧត្តរមានជ័យ ៖ លោកវរសេនីយ៍ត្រី កុល វិបុល ប្រធានការិយាល័យប្រឆាំងបទល្មើសសេដ្ឋកិច្ច នៃស្នងការនគបាលខេត្តឧត្តរមានជ័ កំពុងតែជាប់ងារកំពូលអ្នកប្រម៉ាញ់បង្ក្រាបបទល្មើសឈើប្រណីតឆ្លងដែន គ្មានពីរនៅក្នុងខេត្តឧត្តមានជ័យ ។
ជាក់ស្ដែង លោកវរសេនីយ៍ត្រី កុល វិបុល បានដឹកនាំមន្ត្រីក្រោមឱវាទចុះយុទ្ធនាការដ៏ក្ដៅគគុកទាំងថ្ងៃប្រយុទ្ធប្រឆាំងចរាចរណ៍ឈើក្រញូងឆ្លងដែនមកពីប្រទេសថៃ នៅតាមបន្ទាត់ព្រំដែនស្រុកអន្លង់វែង និងស្រុកត្រពាំងប្រសាទ ។ ដោយការចុះយុទ្ធនាការមិនដល់១០ថ្ងៃផង បានកំណត់មុខសញ្ញាបង្ក្រាប និងអូសរឹបឈើក្រញូងបាន៤ករណីជាប់ៗគ្នា និងរឹបអូសឈើក្រញូងបានយ៉ាងសន្ធឹកសន្ធាប់ប្រគល់អោយជុំនាញរក្សាទុក ។ នៅថ្ងៃទី២៧ ខែធ្នូ ឆ្នាំ២០១៦ នេះក៏បានបង្ក្រាបនិងរឹបអូសឈើក្រញូងលាក់ទុកនៅនិងផ្ទះពលរដ្ឋចំនួន៩០ដុំស្មើនិង៤៦០គីឡូក្រាម ស្ថិតនៅភូមិទួលចារ ឃុំទំនប់ដាច់ ស្រុកត្រពាំងប្រសាទ ខេត្តឧត្តមានជ័យ ។
ដោយមានកំលាំងសហការមានមន្ដ្រីជុំនាញរដ្ឋបាលព្រៃឈើនិងកងកំលាំងអាវុធហត្ថស្រុកត្រពាំងប្រាសាទ ។ ក្រោយពីធ្វើការរឹអូសវត្ថុតាងឈើក្រញូងទាំង៩០ដុំខាងលើ ក៏បានធ្វើការថ្លឹងនិងរក្សាទុកនៅសង្កាត់រដ្ឋបាលព្រៃឈើស្រុកត្រពាំងប្រាសាទ ៕
