បាត់ដំបង៖ ល្បែងស៊ីសងប្រជល់មាន់មួយកន្លែងដែល មានម្ចាស់សៃវៀន ឈ្មោះ ម៉ៅបើកលេងយ៉ាងអណាធិបតេយ្យជាច្រើនថ្ងៃមកហើយ មិនមានអ្នកបង្ក្រាបដែលមានទីតាំងនៅភូមិតាណាក ឃុំគារ ស្រុកមោងឫស្សី ខេត្តបាត់ដំបងបង្ក រំខានដល់ការរស់នៅរបស់ប្រជាពលរដ្ឋនិងបង្កការភ័យខ្លាចកើតមានចោរលួច ឆក់ប្លន់ជាដើមចំណែកសមត្ថកិច្ចវិញមិនមានការទប់ស្កាត់ឬបង្ក្រាបឡើយ។
ប្រភពបានអោយដឹងទៀតថា៖ ក្នុងមួយថ្ងៃមួយថ្ងៃអ្នកមកលេងល្បែងប្រជល់មាន់ខាងលើសនេះ មិនតិចជាង២០០នាក់ទេហើយក្នុងនោះក៏មានមន្ត្រីនគរបាលយោធានិងPMផងដែរដែលបានមកលេងល្បែងមួយនេះនិងមានការស្រែកហូរកញ្ជ្រៀវរំខានដល់ការរស់នៅដល់អ្នកជិតខាងផងដែរ ។ ប្រភពបន្តទៀតថា៖ដោយសារមានការបើកលេងភ្នាល់ទាំងប្រជាពលរដ្ឋទាំងមន្ត្រីសមត្ថកិច្ចនេះហើយបានធ្វើអោយពួកគាត់ដែលរស់ក្បែរខាងក្នុងភូមិទាំងមូលមានការព្រួយបារមណ៍ខ្លាចកើតមាននូវចោរលួច ឆក់ ប្លន់ និងអំពើហឹង្សារលើគ្រួសារជាដើម ។
ក្នុងនោះដែរប្រជាពលរដ្ឋបានសំណូមពរអោយអាជ្ញាធរនិងសមត្ថកិច្ចពាក់ព័ន្ធជួយបង្ក្រាបនៅល្បែងស៊ីសងខាងលើនេះផងដើម្បីអោយពួកគាត់រស់នៅដោយមិនមានការភ័យខ្លាចនិងដើម្បីភូមិឃុំមានសុវត្ថភាព។
ពាក់ព័ន្ធទៅនិងការលើក លោក គិត ហៀង អធិការស្រុកមោងឬស្សីបានប្រាប់សារពត៌មាននៅព្រឹកថ្ងៃទី១៩ខែធ្នូឆ្នាំ២០១៦ថា៖ទីតាំងល្បែងប្រជល់មាន់ខាងលើនេះមិនមានការបើកលេងរាល់ថ្ងៃឬមនុស្សរាប់រយនាក់ដូចការលើកឡើងនោះទេគឺទើបតែបានបើកលេងមួយថ្ងៃទេ ហើយនៅព្រឹកនេះលោកបានហៅមេប៉ុស្តិ៍ និងម្ចាស់ទីតាំងមកអប់រំបញ្ឈប់ឲ្យលេងហើយ ៕
