ឯកឧត្តម សុខ សំអុលនិងលោកជំទាវ ហ៊ី ម៉ារី ដែលជាមាតា បិតា របស់ឯកឧត្តម បណ្ឌិត សុខ ប្រសិទ្ធិរដ្ឋលេខាធិការក្រសួងព័ត៌មាននិងលោកជំទាវ គា ម៉ី រព្រមទាំងក្រុមគ្រួសារនិងសហការីបានអញ្ជើញចូលរួមកាន់បិណ្ឌវេនទី១០នៅវត្តអង្គជុំ ភ្នំចចកស្ថិតក្នុង ឃុំទ្រា ស្រុកកណ្តាលស្ទឹង ខេត្តកណ្តល នាថ្ងៃ សុក្រ ១០រោច ខែភទ្របទ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹង ថ្ងៃទី ០១ ខែ តុលា ឆ្នាំ២០២១. ។

នៅក្នុងពិធីកាន់បិណ្ឌវេនទី១០នេះ ឯកឧត្តមសុខ សំអុល និងលោកជំទាវរួមជាមួយឯកឧត្តមបណ្ឌិត សុខ ប្រសិទ្ធិនិងលោកជំទាវព្រមទាំងក្រុមគ្រួសារនិងសហការីសហការី បាននាំយកនូវទេយ្យវត្ថុ និងបច្ច័យមួយចំនួន ដើម្បីវេរប្រគេនដល់ព្រះសង្ឃគង់ចាំព្រះវស្សានៅវត្តអង្គជុំភ្នំចចករួមមាន អង្ករបួនបាវ -មី១០កេស -ទឹកសុទ្ធ១០កេស -ទឹកត្រី១០យួរ -ទឹកស៊ីវអ៉ីវ១០យួរ -ទឹកក្រូច ០៥កេស ព្រមទាំងបច្ច័យ១លានរៀល និង៤០០ដុល្លា សម្រាប់ ទុកកសាងសមិទ្ធផលនានាក្នុងវត្តអង្គជុំភ្នំចចកហើយបានវេរប្រគេនចង្ហាន់ និង ទេយ្យវត្ថុដល់ព្រះសង្ឃ និងរាប់បាត ដោយបានរក្សាគម្លាត និងគោរពរទៅតាមការណែនាំរបស់រាជរដ្ឋាភិបាលនិងក្រសួងសុខាភិបាលផងដែរ ។

បន្ទាប់មកឯកឧត្តម សុខ សំអុលនិងលោកជំទាវ និងឯកឧត្តមបណ្ឌិត សុខ ប្រសិទ្ធិរដ្ឋលេខាធិការក្រសួងព័ត៌មាននិងលោកជំទាវរួមជាមួយមាតា បិតាព្រមទាំងក្រុមគ្រួសារនិងសហការីបានអញ្ជើញបង្សុកូល ដើម្បីឧទ្ទិសដល់វិញ្ញាណក្ខន្ធបងប្អូនជីដូនជីតា និង ញាត្តិកាទាំង៧សន្តាន ដែលបានចែកឋានទៅ ឧទ្ទិសដល់វិញ្ញាណក្ខន្ធ យុទ្ធជន យុទ្ធនារី ដែលបានលះបង់ជីវិត ដើម្បីបុព្វហេតុជាតិមាតុភូមិ និងប្រជាពលរដ្ឋដែលបានបាត់បង់ជីវិត ក្នុងរបបប៉ុលពត និងសូមឲ្យមន្រ្តីរាជការ និងប្រជាពលរដ្ឋទាំងអស់ ត្រូវបន្តចូលរួមប្រុងប្រយ័ត្នខ្ពស់បន្តទៀតនិងធ្វើអនាម័យជាប់ជាប្រចាំ ដោយអនុវត្តតាមការណែនាំរបស់ក្រសួងសុខាភិបាលអោយបានត្រឹមត្រូវ និងអនុវត្តអោយបានម៉ឺងម៉ាត់នូវវិធានការ ៣ការពារ និង៣កុំ របស់សម្តេចតេជោនាយករដ្ឋមន្រ្តី ហ៊ុន សែន ជាប់ជាប្រចាំ ដើម្បីឈានទៅកាត់ផ្តាច់ឲ្យបាននូវឬសគល់ នៃជំងឺ កូវីដ-១៩ ដែលកំពុងតែឆ្លងរាលដាលចូលទៅក្នុងសហគមន៍យើង។

គួរបញ្ជាក់ផងដែរថា ភ្ជុំបិណ្ឌគឺជាពិធីបុណ្យ ដែលប្រជាជនខ្មែរចាត់ទុកថាធំជាងគេ ក្នុងចំណោមពិធីបុណ្យប្រពៃណីទាំងអស់របស់ខ្មែរ ព្រោះពិធីនេះ មានរយៈពេល១៥ថ្ងៃ គិតចាប់ពីថ្ងៃ០១រោច ដល់១៥រោចខែភទ្របទ។ ពីថ្ងៃ០១រោច ដល់១៤រោច គេហៅថា ថ្ងៃដាក់បិណ្ឌ ឬថ្ងៃកាន់បិណ្ឌ ថ្ងៃ១៥រោច គេហៅថាថ្ងៃភ្ជុំបិណ្ឌ ឬភ្ជុំធំ ដែលមានន័យថា ជាថ្ងៃជួបជុំគ្នាចុងក្រោយនៃពិធីបុណ្យកាន់បិណ្ឌ៕ដោយ-រ៉ាវុធ