ខេត្តសៀមរាប ៖ ឈ្មួញ្ញដឹក ជញ្ជួនឈើជើងខ្លាំង និងល្បី ឈ្មោះប្រចាំខេត្តសៀមរាប ម្នាក់ឈ្មោះ ធឹង លាងស្រេង បានធ្វើសកម្មភាពដឹកជញ្ជួន ឈើជារៀងរាល់ថ្ងៃឆ្លងកាត់ ស្នាក់ការរដ្ឋបាលព្រៃឈើជា ច្រើនកន្លែងនិងមន្ត្រីជំនាញ ស្ថាប័នពាក់ព័ន្ធជាច្រើនទៀត បានយ៉ាងរលូនដោយគ្មាន ឃើញសមត្ថកិច្ចពាក់ព័ន្ធណា ម្នាក់បង្ក្រាបឡើយ ។
តាមប្រភពច្បាស់ការណ៍ មួយបានឱ្យដឹងថា ឈ្មួញឈើ ដុះស្លែម្នាក់នេះឈ្មោះ ធឹង លាងស្រេង បានដឹកជញ្ជួន ឈើចេញពីភូមិសាស្ត្រខេត្ត ព្រះវិហារ ឆ្លងកាត់តាមស្រុក អន្លង់វែងយកទៅចែកចាយ នៅតាមដេប៉ូក្នុងក្រុងសៀមរាប ដែលភាគច្រើនប្រមូលទិញ កាត់ប៉េសេ ពីប្រជាពលរដ្ឋ និងកាត់ ប៉េសេ ពីក្រុមហ៊ុន ។
ប្រភពបានបន្តថា ឈ្មួញ ឈើឈ្មោះ ធឹង លាងស្រេង ធ្លាប់បានអះអាងថា ការដឹក ជញ្ជួនឈើរបស់គាត់ឆ្លងកាត់ ទីស្នាក់ការរដ្ឋបាលព្រៃឈើឬ ស្ថាប័នពាក់ព័ន្ធបានយ៉ាងរលូន នេះដោយសាឈើរបស់គាត់ មានច្បាប់ត្រឹមត្រូវនិងបានបង់ ពន្ធជូនរដ្ឋរួចរាល់ទើបគាត់ ហ៊ានរកស៊ី ។
គួរបញ្ជាក់ថា កាលពី ពេលកន្លងទៅនេះ មន្ត្រីរដ្ឋបាលព្រៃឈើម្នាក់បាននិយាយ ប្រាប់អ្នកយកព័ត៌មានថារាល់ ការដឹកជញ្ជូនឈើរបស់ឈ្មោះ ធឹង លាងស្រេង ខាងលើនេះ គឺគេមានច្បាប់ត្រឹមត្រូវដោយ តម្រូវទៅតាមម្ចាស់ដេប៉ូនី មួយៗនៅក្នុងក្រុងសៀមរាប ដែលបានកុម្មង់ទិញពីឈ្មួញ ឈ្មោះ ធឹង លាងស្រេង នោះ ។
មជ្ឈដ្ឋាននានានៅក្នុង ខេត្តសៀមរាបបានរិះគន់ទៅ លើមន្ត្រីរដ្ឋបាលព្រៃឈើនិង សមត្ថកិច្ចពាក់ព័ន្ធនៅតាមដង ផ្លូវខ្លះថាក្នុងបណ្ណប៉េសេមួយ សន្លឹកដែលក្រុមហ៊ុនបានកាត់ ចេញឱ្យឈ្មួញដឹកជញ្ជួនឈើ យកទៅលក់កន្លងទៅសម្រាប់ មួយជើងប៉ុណ្ណោះ ប៉ុន្តែឥឡូវ ប៉េសេមួយសន្លឹកឈ្មួញឈើ អាចដឹកជញ្ជួនបានជាង១០ ជើងឯណោះ ។ សកម្មភាព នេះប្រហែលជាមន្ត្រីពាក់ព័ន្ធ ទាំងនោះមិនបានជ្រាបទេ មើលទៅ ។
ជុំវិញករណីខាងលើនេះ អ្នកយកព័ត៌មានមិនអាចសុំ ការបំភ្លឺពីលោក ធឹង លាងស្រេងបានទេ កាលពីរសៀល ថ្ងៃទី០១ ខែធ្នូ ឆ្នាំ២០១៦ ដោយសារទូរស័ព្ទរបស់លោក នៅក្រៅតំបន់សេវា ។
ចំណែកលោក ទា គឹមសុទ្ធ នាយខណ្ឌរដ្ឋបាលព្រៃ ឈើខេត្តសៀមរាប អ្នកយក ព័ត៌មានយើងមិនអាចសុំការ ពន្យល់បានទេ នៅរសៀលថ្ងៃ ទី១ ខែធ្នូ ឆ្នាំ២០១៦ ដោយ សារទូរស័ព្ទរបស់លោកក៏ស្ថិត នៅក្រៅតំបន់សេវាដែរ ៕
