ខេត្តបន្ទាយមានជ័យ ៖ អ្នកសារព័ត៌មាន នៅតំបន់ជាយដែន កម្ពុជា-ថៃ សូមគោរពសម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា មេត្តាជួយរកយុត្តិធម៌ ដល់ក្រុមអ្នកសារព័ត៌មាន ដែលត្រូវបុគ្គលយោធា ឈរជើង នៅច្រករបៀងណងចាន់ ភូមិជោគជ័យ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ណាហ៊ានបង្ក្រាប នូវអំពើយង់ខ្នងរបស់គាត់ឡើយ ។
សម្ដេចតេជោជាទីគោរព ដ៏ខ្ពង់ខ្ពស់បុគ្គលយោធានោះ ជាយោធា នៅវរល្បាតលេខ៥០៣ ចំណុះអោយ យោធភូមិភាគទី០៥ ដែលវរល្បាតនោះដឹកនាំ ដោយលោក ឃួន ជឿន ។
មន្ត្រីយោធា ចំណុះឲ្យអង្គភាព វរៈលេខ៥០៣ ចំណុះយោធិភូមិភាគទី៥ ដែលប្រចាំការ នៅច្រករបៀង ណងច័ន្ទ កូនចៅលោក ឃួន ជឿន បានធ្វើការ គំរាមសម្លាប់ អ្នកកាសែត ព្រះច័ន្ទកម្ពុជាចំនួន ២ នាក់ ខណះពេល ដែលពួកគេកំពុងតែ ផ្តិតយករូបភាព និងយកព័ត៌មាន នៅទីនោះ ពីការនាំពលករ រាប់រយនាក់ ចេញដោយខុសច្បាប់ ជាថ្នូរនិងលុយ យ៉ាងច្រើនសន្ធឹកសន្ធាប់ ។
ហេតុការណ៍ គំរាមបាញ់សម្លាប់ អ្នកកាសែតព្រះច័ន្ទកម្ពុជាទាំង ២ នាក់ធ្វើឡើង នៅព្រឹកថ្ងៃទី១៦ ខែកញ្ញា ឆ្នាំ២០១៦ នៅក្នុងភូមិជោគជ័យ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ។
លោក ប៉ាត សុខ ចាងហ្វាងកាសែត ព្រះច័ន្ទកម្ពុជា បានឲ្យដឹងថា ៖ ភ្នាក់ងារ យកព័ត៌មានកាសែត ព្រះច័ន្ទកម្ពុជា ចំនួន២នាក់ ត្រូវបានមន្ត្រីយោធា ប្រចាំការ នៅច្រករបៀងណងច័ន្ទ គំរាមសម្លាប់ចោល បន្ទាប់ពីពួកគេ បានទៅផ្តិត យករូបភាព និងយកព័ត៌មាន នៅទីនោះ ពីការនាំពលករ រាប់រយនាក់ចេញ ដោយខុសច្បាប់ ជាថ្នូរនឹងការលុយ យ៉ាងច្រើនសន្ធឹកសន្ធាប់ ។
លោកបន្តថា ៖ ការយកលុយនោះ គឺគេមានមេខ្យល់ ដែលជាអ្នកនាំផ្លូវ ហើយក្នុងម្នាក់ៗ ត្រូវបង់លុយ ឲ្យទៅច្រកនេះ ចំនួន១២០បាត (លុយថៃ) ។ លោកបញ្ជាក់ថា ករណីនេះ កូនចៅរបស់ លោកបានផ្ញើរ ឯកសារមក លោកដោយមានភ្ជាប់ មកនូវរូបភាព និងសម្លេងរួចហើយ ។ ដូច្នេះលោក សម្រេចដាក់ពាក្យ ប្តឹងមន្ត្រីច្រករបៀង ខាងលើនេះ ខាងមុខដ៏ខ្លីនេះ ។
ទាក់ទិនទៅនឹង ករណីនេះដែរ លោកវរសេនីយ៍ទោ អ៊ុន សុច័ន្ទ ប្រធានច្រក របៀង ណងច័ន ចំណុះភូមិភាគទី៥ មិនអាចស្វែងរកសុំការបំភ្លឺបានទេ នារសៀលថ្ងៃទី១៦ ខែកញ្ញានេះ កន្លងទៅ ។
ខាងលើជារឿងរាវមួយវគ្គហើយ ទើបតែថ្ងៃទី០៨ ខែធ្នូ ឆ្នាំ២០១៦ គឺថែមមួយឈុតទៀត ហើយដោយអស់ លោកក្រុមយោធាឈរជើង នៅភូមិជោគជ័យ បានគំរាមកំហែង ដល់ភ្ញាក់ងារ ទូរទស្សន៍នាគព័ន្ទ ដោយបានដកហូត យកបណ្ឌ័សំគាល់ខ្លួនរបស់លោក ព្រាប ឥន្ទវឌ្ឌ្យនះ អ្នកយកព័ត៌មានអោយទូរទស្សន៌នាគពន្ទ័ រួមទាំងមានស្ត្រីម្នាក់ទៀត តាមថតរូបអ្នកសារព័ត៌មានយ៉ាងសាហាវ ។ កាយវិការ ប្រៀបបានដូច ក្នុងរឿងហុងកុង ឈុតក្រុមពួកជួញដូរមនុស្សឆ្លងទ្វីបចឹង ។
ហេតុការណ៍ខាងលើនេះ កើតមាននៅចំនុច ភូមិជោគជ័យ ច្រករបៀង ណងចន្ទ័ ជាចំនុច ដែលយោធា វរល្បាតលេខ ៥០៣ ចំណុះអោយយោធិ ភូមិភាគ ដែលដឹកនាំ ដោយលោក ឃួន ជឿន តែលោក ឃួន ជឿន ពុំអាចសុំការបំភ្លឺ ពីហេតុការណ៍នេះបានទេ គឺទូរសព្ទ័តេចូល តែលោក មិនលើកតែម្ដង ។
គួរកត់សម្គាល់ថា នៅខេត្តបន្ទាយមានជ័យ មានច្រកបៀងជាច្រើនកន្លែង កំពុងសំរុកនាំពលករ ទៅប្រទេសថៃ យ៉ាងគំហុកក្នុងមួយថ្ងៃៗ ដោយមិនឃើញ មានសមត្ថកិច្ចខាងណា ចុះទប់ស្កាត់នោះទេ ដោយឃើញ តែអ្នកមកយកលុយ ៕
