ខេត្តប៉ៃលិន ៖ រហូតមកដល់ពេលនេះ នៅតែមានសេចក្តីរាយការណ៍ថា នគរបាលការពារព្រំដែន បង្គោលសីម៉ា លេខ៦៨ បានឃិបឃិតជាមួយឈ្មួញ ជួលឱ្យកម្មករខ្មែរ ចូលទៅលីសែងឈើក្នុងទឹកដីថៃយ៉ាងគគ្រឹកគគ្រេងដដែល ។ ការឆ្លងដែនខុសច្បាប់នេះ អស់រយៈពេលជាយូរមកហើយ ដោយយកឈើទៅដាក់ស្តុកទុកនៅខាងក្រោយបន្ទាយ វរព្រំដែនលេខ៨២១ ប៉ុស្តិ៍ការពារព្រំដែនគោកលេខ៦៨ ស្ថិតនៅភូមិបហ៊ុយត្បូង សង្កាត់បយ៉ាខា ក្រុងប៉ៃលិន លុះពេលមានឱកាសល្អ គេដឹកតាមរថយន្តយកទៅក្រុងប៉ៃលិន ។
ប្រជាពលរដ្ឋបានឱ្យដឹងថា នគរបាលប៉ុស្តិ៍ការព្រំដែនគោកលេខ៦៨ បានរកស៊ីជាមួ យ មេការម្នាក់ឈ្មោះ អឿន រស់នៅក្រុងប៉ៃលិន ដោយជួលកម្មករខ្មែរ ឱ្យចូលទៅលីសែងឈើប្រណិតរាល់ថ្ងៃដូចជាបេង នាងនួន ធ្នង់ គ្រញូង នៅក្នុងព្រៃទឹកថៃ ជាយូរមកហើយ ។ តែអត់មានការបង្ក្រាបពីសមត្ថកិច្ចណាមួយនោះឡើយព្រោះគេបានបែងចែកលុយកាក់ឱ្យ គ្នាស្ទើរគ្រប់កន្លែងទាំងអស់ ណាមួយគេមានខ្នងធំថែមទៀតផង ។ តាំងពីយូររហូតមកដល់ ពេលឥឡូវនេះ នគរបាលវរព្រំដែន កាន់តែរកស៊ីឈើជាមួយឈ្មួញដឹកតាមរថយន្តទាំងក ណ្តាលថ្ងៃ ក៏មិនខ្លាចដែរ ព្រោះមានអ្នកបើកដៃឱ្យធ្វើបែបនេះ ។
ពួកគាត់ពិតជាមានការព្រួយបារម្ភយ៉ាងខ្លាំងចំពោះសុវត្ថិភាពកម្មករ ព្រោះធ្លាប់លេច ចេញនូវព័ត៌មានថា កាលយូរមកហើយ មានទាហានថៃបាញ់កម្មករខ្មែរមួយចំនួនស្លាប់នៅក្នុងព្រៃ មិនដឹងជាកូនចៅនរណានោះឡើយ ហើយក៏ត្រូវបានគេលាក់ជិតឈឹងតែម្តង ។
ពាក់ព័ន្ធទៅនឹងបញ្ហាខាងលើនេះ ភ្នាក់ងារយើងបានទាក់ទងទៅលោក ស្រី សុខ នា យប៉ុស្តិ៍បង្គោលព្រំដែនលេខ៦៨ ដើម្បីបំភ្លឺដែរ តែទូរស័ព្ទចូលជាច្រើនដង អត់មានអ្នកទទួ លឡើយ ។
លោក ម៉ៅ វឿន នាយករងការពារតំបន់ប្រើប្រាស់ច្រើនយ៉ាងសំឡូតប៉ៃលិន បានឱ្យដឹងថា ខាងលោកដឹងរឿងនេះដែរ តែមិនមែនជាតួនាទីខាងមន្ត្រីបរិស្ថានឡើយ គឺជាតួនាទីរបស់នគរបាលវរព្រំដែន ។ លោកពិតជាព្រួយបារម្ភយ៉ាងខ្លាំង ចំពោះសុវត្ថិភាពកម្មករទាំង នោះ ព្រោះថ្ងៃណាមួយនឹងទទួលរងគ្រោះថ្នាក់ដល់អាយុជីវិត បើសិនជាទាហានថៃឃើញ ឬចាប់ពួកគេទាំងនោះបាន ។
ខាងភ្នាក់ងារ យើងបានបន្តទាក់ទងទៅលោក អ៊ុម ណូន ប្រធានវរការពារព្រំដែនគោកលេខ៨២១ ដើម្បីបំភ្លឺឱ្យអស់មន្ទិលដែរ តែលោកបែរជាឱ្យអ្នកផ្សេងទទួលទូរស័ព្ទជំនួ សទៅវិញ ដោយគេប្រាប់ថា គាត់ជាប់រវល់ទៅមើលចម្ការបាត់ហើយ ។
ចំណែក លោក ថុល គឹមហ៊ឹង ព្រះរាជអាជ្ញារងអមសាលាដំបូងខេត្តបានឱ្យដឹងថា ពាក់ព័ន្ធទៅនឹងបញ្ហាកម្មករខ្មែរឆ្លងដែនខុសច្បាប់តាមច្រកខាងលើ ទៅលីឈើនៅក្នុងទឹកដី ថៃ ខាងលោកអត់បានដឹងរឿងនេះទេ ។ តែនៅពេលក្រោយ បើទទួលបានព័ត៌មានណាមួ យខាងលោកនឹងបញ្ជាកម្លាំងឱ្យចុះទៅបង្ក្រាបតែម្តង ៕
ដោយ ៖ នីយ៉ា
