ខេត្តប៉ៃលិន ៖ បន្ទាប់ពីប្រជាពលរដ្ឋរាយការណ៍ថា មានគំនរសម្រាមដ៏ធំ ស្អុយរលួ យ កំពុងជះក្លិនបង្កផលប៉ះពាល់យ៉ាងធ្ងន់ធ្ងរ ដល់ការស់នៅរបស់ពួកគាត់ជាច្រើនគ្រួសារជាយូរណាស់មកហើយ ។
តែគេមិនធ្លាប់ឃើញមានអាជ្ញាធរមូលដ្ឋាន ឬខាងមន្ទីរពាក់ព័ន្ធណាមួយ យកចិត្តទុកដាក់ ជាពិសេសខាងមន្ទីរបរិស្ថាន អត់បានចុះទៅរៀបចំឱ្យបានស្រួ លបួល ជូនពួកគាត់នោះឡើយ ខណៈខាងម្ចាស់ផ្សារបានឲ្យកម្មករប្រមូលសម្រាមទាំងនោះដឹកយកទៅចាក់ចោល បង្កផលប៉ះពាល់បែបនេះ ។
សូមបញ្ជាក់ថា គំនរសម្រាមស្អុយ ដែលបង្កផលប៉ះពាល់ ដល់សុខភាពប្រជាពលរដ្ឋ ស្ថិតនៅក្បែរខាងក្រោយផ្សារព្រំក្រោម ជាប់នឹងព្រំដែនអន្តរជាតិ កម្ពុជា-ថៃ ក្នុងភូមិផ្សារព្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន ។ នៅរដូវប្រាំង ខណៈគេដុតសំរាមទាំងនោះ ធ្វើឱ្យហុយផ្សែងចូលផ្ទះពួកគាត់ ឈួលឈ្លក់ស្ទើរពេញភូមិ និងនៅរដូវវស្សាមានសភាពស្អុ យរលួយ ជះក្លិនអាសោចិ៍ ពិបាកក្នុងការដកដង្ហើមខ្លាំងណាស់ ធ្វើឱ្យកូនតូចៗ របស់ពួកគាត់មានជម្ងឺផ្លូវដង្ហើមជាប្រចាំ ស្រាល និងធ្ងន់ធ្ងរផងដែរ ។
សូមបញ្ជាក់ផងដែរថា បន្ទាប់ពីសារព័ត៌មាន កាសែត ទូរទស្សន៍ ជាច្រើនស្ថាប័ន បា នចុះផ្សាយកាលពីថ្មីៗកន្លងទៅ ទើបនៅវេលាម៉ោង៨ និង៣០នាទីព្រឹកថ្ងៃទី១៨ ខែវិច្ឆិកា ឆ្នាំ២០១៦នេះ មន្ត្រីនៃមន្ទីរបរិស្ថានខេត្តប៉ៃលិន និងអាជ្ញាធរស្រុកសាលាក្រៅ ព្រមទាំងមេភូមិផ្សារព្រំ បានចុះទៅត្រួតពិនិត្យ និងណែនាំដល់មេការផ្សារឱ្យរៀបចំកាក សំណល់ទាំងនោះតាមរបៀបរៀបរយ មិនត្រូវបង្កផលប៉ះពាល់ដល់សុខការរស់នៅរបស់ប្រជាពលរដ្ឋថែ មទៀតឡើយ ។
លោក ណុប សាលុច ជាមន្ត្រីគ្រប់គ្រងផ្នែកផលប៉ះពាល់ដល់បរិស្ថាន នៃមន្ទីរបរិស្ថានខេត្តប៉ៃលិន បានឱ្យដឹងថា មេការផ្សារខាងលើ មាន ឈ្មោះ សេង ហ៊ុយ ហៅទី អាយុ៣៦ឆ្នាំ រស់នៅភូមិឃុំខាងលើ ។
លោកនិងក្រុមការងារបានជួបពិភាក្សាជាមួយបុរសរូបនេះរួច រាល់អស់ហើយ ដោយគេសន្យាថា នឹងរៀបចំរថយន្តយកទៅដឹកចាក់ចោលនៅទីលានចា ក់សម្រាមកន្លែងផ្សេងមួយទៀត នៅឆ្ងាយពីភូមិប្រជាពលរដ្ឋរស់នៅ ។
លោបន្តទៀតថា បើសិនជាអត់បានយកចេញទៅណាទេនោះ មេការផ្សារខាងលើ នឹងរៀបចំជីករណ្តៅឱ្យជ្រៅ រួចចាក់សម្រាមទាំងនោះចូលទៅក្នុងរណ្តៅ មិនឱ្យបន្តរាយប៉ាយនៅលើដីនាំឱ្យជះក្លិនស្អុ យ បង្កផលប៉ះពាល់ដល់ប្រជាពលរដ្ឋរស់នៅក្បែរនោះទៀតឡើយ ។
លោកបញ្ជាក់ទៀតថា បុរសខាងលើសន្យារយៈពេល៣ ទៅ៥ថ្ងៃ ដើម្បីឱ្យគេរៀបចំកន្លែងថ្មីរួចរាល់សិន ហើយម្យ៉ាងវិញទៀត ការចាក់សម្រាមដ៏ច្រើននេះ មិនមែនតែខាងផ្សារចាក់នោះទេ គឺប្រជាពល រដ្ឋដែលរស់នៅក្បែរៗ នោះ ក៏នាំគ្នាលួចយកទៅចាក់ជាមួយគ្នា ទើបបណ្តាលឱ្យមានចម្រា មច្រើន មានរុយរោមដូចហ្វូងឃ្មុំបែបនេះ ។
ទោះបីជាយ៉ាងណាក៏ដោយ ប្រជាពលរដ្ឋសុំឱ្យអាជ្ញាធរ និងមន្ទីរពាក់ព័ន្ធត្រូវតែយក ចិត្តទុកដាក់ចំពោះសុខភាពពួកគាត់ ដែលរស់នៅក្បែរគំនរសម្រាមនោះផងដែរ ព្រោះម្នាក់ ៗ ទទួលរងនូវការកើតជម្ងឺ គ្រុនរងារ ផ្តាសាយ រលាកបំពង់ក. និងជម្ងឺរ៉ាំរ៉ៃផងដែរ ជាពិសេ សកុមារតូចៗ ព្រោះក្លិនស្អុយខ្លាំងពេក ទ្រាំមិនបាននោះឡើយ ។ លើសពីនេះ បើនៅតែមា នសម្រាមច្រើនដដែលពួកគាត់នឹងនាំគ្នាឡើងទៅតវ៉ានៅសាលាខេត្តប៉ៃលិន ដើម្បីឱ្យអាជ្ញា ធរខេត្តជួយដោះស្រាយចំពោះបញ្ហាសម្រាមបែបនេះ ៕
ដោ យ ៖ នីយ៉ា
