ខេត្តស្វាយរៀង ភាស៊ីជជុះដុះស្លែរាប់សិបឆ្នាំ របស់លោកស្រីដ៏មានឥទ្ធិពលម្នាក់ ស្ថិតក្នុងឃុំសំរោងស្រុកចន្ទ្រា កើបលុយរាប់រាយលានរៀលក្នុងមួយៗឆ្នាំ កំពុងមានអំណាចយ៉ាងខ្លាំងនៅតាមច្រកព្រំដែននៃស្រុកចន្ទ្រានិងក្រុងបាវិតហើយក្រុមអាជីវករនិងប្រជាពលរដ្ឋមួយចំនួនបាននាំគ្នារអ៊ូរទាំចំពោះការជំរិតអោយបង់លុយឆៅៗពីក្រុមភាស៊ីគ្មានឯកសណ្ឋាននេះយ៉ាងអាណាធិបតេយ្យ។
ប្រភពពីប្រជាពលរដ្ឋនៅស្រុកចន្ទ្រាបានអោយដឹងថា ក្រុមភាស៊ីរបស់លោកស្រីដ៏មានអំណាចនេះ នៅចំណុចតាដែវឃុំសំរោងនេះមានជាច្រើនឆ្នាំមកហើយដោយមានសង់តូបប្រក់ស្លឹកចាំយកលុយយ៉ាងចំហរសូម្បីសត្វកណ្តុលមួយក្បាលក៏មិនអាចរំលងបាននោះដែរ ជាពិសេសនោះកាន់តែធ្វើអោយក្រុមភាស៊ីសើមមាត់សើមកររកចំណូលបានច្រើន គឺមានរថយន្តដឹកបារីហេរ៉ូលោតឆត្រ័ដង្ហែរដូចអង្គកឋិន ។ មិនដឹងថា បានបង់ពន្ធចូលរដ្ឋយ៉ាងនោះទេ ឃើញតែមានសមត្ថកិច្ចជាច្រើនបានលាភសក្ការៈពីរថយន្តដឹកបារីនេះ ។
ដោយឡែក បើតាមប្រភពពីសមត្ថកិច្ចមួយចំនួនបានលួចបង្ហើបអោយដឹងថា ភាស៊ីរបស់គាត់អាចដំណើរការបាន គឺគាត់យកចំណូលមួយបានមកពីភាស៊ីនេះទៅបង់ទៅអោយខេត្ត ហើយសល់ប៉ុន្មានជួលកូនចៅនិងចូលហោប៉ៅគាត់តែម្តងធ្វើអោយគាត់ក្លាយជាអ្នកមានដ៏ស្តុកស្តំនៅអាណាចក្រក្រុងបាវិត ។
ប្រភពដដែលបានបន្តទៀតថា ភាស៊ីរបស់លោកស្រីម្នាក់នេះដែលតែងតែធ្វើអោយក្រុមអាជីវករមួយចំនួនរអ៊ូរទាំពីការជំរិតអោយបង់លុយឆៅៗទៅតាមអំពើចិត្ត ដោយសារគាត់បានលក់ទៅអោយកូនចៅបន្ត ទើបកូនចៅត្រូវបង្ខំចិត្តធ្វើយ៉ាងណាត្រូវរកចំណូលអោយបានគ្រប់ចំនួន ដើម្បីបានលុយបង់ទៅអោយគាត់និងរកចំណូលខ្លួនឯងផងទើបកូនចៅត្រូវប្រើរបៀបជាន់ករដកស្លាបហូតភាស៊ីមិនអោយខ្វះមួយកាក់មួយសេនឡើយ ។
ពាក់ព័ន្ធនិងភាស៊ីនៅតាមព្រំដែននៃខេត្តស្វាយរៀងនេះ ប្រភពមួយបានទំលាយថា ថវិកាដែលគេប្រមូលបានពីភាស៊ីតាមព្រំដែននេះ គេយកទៅបង់អោយសាលាខេត្ត ហើយចាត់ទុក្ខជាថវិការគុណប្រយោជន៍ខេត្តក្នុងការកែលំអរហេដ្ឋារចនាសម្ពន្ធ័ ក្នុងខេត្ត តែធាតុពិតថវិការនេះច្រើនណាស់ក្នុងមួយៗឆ្នាំដោយខេត្ត ពុំសូវធ្វើធ្វើអ្វីជាដុំកំភូននោះទេ និយាយពីផ្លូវខូចចង់អស់ទៅហើយមិនដឹងថា ថវិការទាំងនេះធ្លាក់ទៅណាទៀតទេ សង្ស័យស៊ីតាមលេខរៀងហើយមើលទៅ ។
ពាក់ពន្ធ័នឹងរឿងរ៉ាវភាស៊ីនេះ សារព័ត៌មានយើងមិនអាចរកបំភ្លឺពីស្ថាបន័ដែលពាក់ពន្ធ័នៅខេត្តស្វាយរៀងនេះបានទេ នៅថ្ងៃទី២ ខែវិច្ឆិការនេះ ៕
