ខេត្តរតនគិរី ៖ ប្រភពបានរាយការណ៏ឲ្យដឹងថា មន្ត្រីផ្នែករដ្ឋបាលព្រៃឈើលំផាត់និងសមត្ថកិច្ចនៅក្នុងស្រុកលំផាត់ ក្នុងឳកាសពិធីបុណ្យ អ៊ុំទូក អកអំបុក បណ្តែតប្រទីប និងសំពះព្រះខែ បានបើកដៃឲ្យឈ្មួញដឹកឈើយីឌុបឆ្លងកាត់ចំណុចអូររវ៉ាក់ ស្រុកលំផាត់ឆ្ពោះទៅប្រទេសវៀតណាមតាមច្រកអូរយ៉ាដាវ ។
ប្រភពរាយការណ៏បន្តថារថយន្តនេះត្រូវបានគេស្គាល់ជារថយន្តរបស់ឈ្មួញរកស៊ីឈើដុះស្លែនៅក្នុងខេត្តរតនៈគិរីឈ្មោះ មករា ដោយមានការត្រូវរ៉ូវគ្នាជាមួយជំនាញ និងសមត្ថកិច្ចនៅក្នុងស្រុកលំផាត់ ជាពិសេសលោកអភិបាលស្រុកលំផាត់តែម្តង។ហើយឈ្មួញដុះស្លែឈ្មោះ មករា នេះបានរកស៊ីដឹកឈើខុសច្បាប់យូរយារមកហើយ មិនដែលឃើញអស់លោកសមត្ថកិច្ច និងជំនាញ ព្រមទាំងលោកអភិបាលស្រុកចុះចាប់បង្ក្រាបម្តងណាឡើយ។ប្រភពរាយការណ៏បន្តទៀតថា មេឈ្មួញដុះស្លែ មករា នេះរកស៊ីដឹកឈើខុសច្បាប់តាំងពីដឹកតាមរថយន្តកាមរី បាឡែន លុចស៊ីសនិងឡង់គ្រីស័រឥឡូវរហូតមកបំលែងដឹកតាមរថយន្តយីឌុបវិញ ។
ជាងនេះទៅទៀតនេះពលរដ្ឋនិយាយថា ឈ្មួញរកស៊ីឈើឈ្មោះមករាដុះស្លែម្នាក់នេះ រកស៊ីដឹកឈើទៅបានដោយរលូន ខណៈមានខ្នងបង្អែកមានសាច់ញាតិជាអ្នកធ្វើការធំនៅក្នុងខេត្តរតនគិរី និងដើរបង់លុយឲ្យសមត្ថកិច្ចជំនាញផងដែរ ដើម្បីជាថ្នូរនឹងយ៉ាងរលូនទៅស្រុកយួន។
ពាក់ព័ន្ធព័ត៌មានខាងលើ សារព័ត៌មានយើងរង់ចាំបកស្រាយរាល់ធើ្វការ៕
