មណ្ឌលគិរី ៖ បុគ្គលិកក្រុមហ៊ុន metfone ម្នាក់រងរបួសក្រំក្នុងខ្លួនយ៉ាងធ្ងន់ធ្ងរ ត្រូវបានខាងក្រុមហ៊ុនបញ្ជូនទៅព្យាបាលភ្លាមៗនៅមន្ទីរពេទ្យ នៃប្រទេសវៀតណាម ដោយសារបុគ្គលិករូបនេះ បានបើករថយន្តម៉ាកHilux VIGO ព័ណទឹកប្រាក់ ពាក់ស្លាក់លេខៈភ្នំពេញ2K-5838 ចែងជាមួយនឹងរថយន្តមួយគ្រឿងទៀត ដោយមិនមានការប្រុងប្រយ័ត្នក្រឡាប់ផ្ងារជើង ។ករណីគ្រោះថ្នាក់ចរាចរណ៍នេះបានកើតឡើងនៅវេលាម៉ោង០២នឹង៤០នាទីរសៀលថ្ងៃទី១២ខែវិច្ឆិកានេះ នៅម្តុំសណ្ឋាគារពេជ្រទេវី ស្ថិតនៅក្នុងភូមិអូរស្ពាន សង្កាត់ស្ពានមានជ័យ ក្រុងសែនមនោរម្យ ខេត្តមណ្ឌលគិរី ។
បើតាមអ្នកដែលបានឃើញហេតុការណ៍នេះបានឲ្យដឹងថា រថយន្តខាងលើនេះ មុនកើតហេតុ បានបើកចែងនឹងរថយន្តមួយគ្រឿង ក្នុងល្បឿនលឿនដូចព្យុះដោយសារបួងចង្កូតមិនទាន់ រថយន្តនេះបានធ្លាក់ទៅក្នុងចង្អូលូបង្ហូរទឹកដងផ្លូវជាតិលេខ76A បណ្តាលឲ្យក្រឡាប់ផ្ងារជើងលាន់លឺសូរផាង់ ក្រោយមកអ្នកជិតខាងបានផ្អើលនាំគ្នាទៅមើលនឹងជួយសង្គ្រោះអ្នកនៅក្នុងរថយន្ត។
អ្នកដែលឃើញហេតុការណ៍នេះបានបន្តថា ចំពោះជនរងគ្រោះកុំបានពោងនៅក្នុងរថយន្តជួយកុំអីមិនដឹងជារងរបួសធ្ងន់ធ្ងរយ៉ាងណានោះទេរឺក៏អាចបណ្តាលឲ្យបាត់បង់ដល់អាយុជីវិតទៀតផង ពីព្រោះរថយន្តរងការខូចខាត់ទាំងស្រុងមួយកំណាត់មុខ ។
ពាក់ព័ន្ធទៅនឹងករណីគ្រោះថ្នាក់ចរាចរណ៍នេះ លោក យឹម ចិន្តា នាយរងការិយាល័យចរាចរណ៍ផ្លូវគោកនៃស្នងការរដ្ឋាននគរបាលខេត្តមណ្ឌលគិរី បានឲ្យដឹងថា ករណីគ្រោះថ្នាក់ចរចរណ៍នេះគឺបង្ករឡើងដោយខ្លួនឯង ដោយសារការបើកបរមិនមានការប្រុងប្រយ័ត្នជាមុន នៅពេលដែលកំពុងបើកបរចែងជាមួយនឹងរថយន្តដ៏ទៃទៀត នេះសំណាងហើយមានតែអ្នកបើកបរម្នាក់នៅក្នុងរថយន្ត។
លោកបន្តថា ជនរងគ្រោះឈ្មោះ សុខ សាន្ត ភេទប្រុស អាយុ ២៨ឆ្នាំ ជាជនជាតិវៀតណាម ធ្វើការងារនៅក្រុមហ៊ុនmetfone រស់នៅក្នុងភូមិពូតាង ឃុំពូជ្រៃស្រុកពេជ្រាដា ខេត្តមណ្ឌលគិរី ៕
