ខេត្តមណ្ឌលគិរី ៖ នៅយប់ថ្ងៃទី១៥ វិឆ្ឆិកា ២០១៦ នៅចំណុចភូមិអូររណាម្តុំស្ពានអូរង៉ាន មានរយន្តដឹកឈើប្រណិតចំនួន ០២ គ្រឿងត្រូវចាប់បាន រថយន្តទីមួយរថយន្តម៉ាកកាមរីហើម ពណ៌ខ្មៅ គ្មានស្លាកលេខដឹកឈើកកោះ ០៦ សន្លឹក មួយគ្រឿងទៀត ម៉ាកលិចស៊ិសពណ៌ស្ក គ្មានស្លាកលេខ ដឹកឈើកកោះ១០សន្លឹក ឯម្ចាស់ត្រូវរត់ចូលព្រៃបាត់ បន្ទាប់មក ក៏មានម៉ូតូចំនួន១៥គ្រឿងផងដែលដឹកឈើសារុប៤៧ដុំ ។ ឈើទាំងនោះមានឈើបេង១៣ ដុំ ធ្នង់៣៤ បេងសន្លឹក០១សន្លឹក បង្ក្រាបបាននៅមុខស្នាក់ការមេព្រៃសង្កាត់ស្រែព្រះចុងផ្លាស់។
យុទ្ធនាការនោះ ដឹកនាំដោយលោក អ៊ូរ សុភក្តី មន្ត្រីមេព្រៃខណ្ឌមណ្ឌលគិរី កម្លាំងប៉េអឹមស្រុកកម្លាំងប៉េអឹម ស្នាក់ការ761 និងផ្នែករដ្ឋបាលព្រៃឈើកែវសីមា។
ប្រភពពីមន្ត្រីPMម្នាក់ដោយមិនចេញឈ្មោះបានបង្ហើបអោយដឹងថា រថយន្តដឹកឈើពីរគ្រឿងខាងលើនេះ គឺជារថយន្តរបស់លោក( ស៊ិន វណ្ណ រិន) ត្រូវជាប្អូនរបស់លោក(ស៊ិន វណ្ណវុឌ្ឍ)ដែរជាអភិបាលនៃអភិបាលស្រុកកែវសីមា ។ វត្ថុតាងទាំងអស់ ប្រគល់ឲ្យសង្កាត់ព្រៃឈើស្រែព្រះចុងផ្លាស់។
ប្រជាពលរដ្ឋ កំពុងចាំមើល ថា ចាប់បានលើកនេះ តើលោកអភិបាលស្រុកកែវសីមា អន្តរាគមន៍បានដែលឬ អត់ ?
