ប៉ៃលិន៖ នៅបរិវេណវិមានឯករាជ្យខាងលិចសាលាខេត្ត បានរៀបចំទិវាខួបអនុស្សាវរីយ៍លើកទី៦៣បុណ្យឯករាជ្យជាតិ និងបុណ្យកំណើត កងយោធពលខេមរៈភូមិន្ទ (៩វិឆ្ឆិកា ១៩៥៣-និង៩វិឆ្ឆិកា ២០១៦) ក្រោមអធិបតីភាពឯកឧត្ដម កើត សុធា អភិបាលនៃគណៈអភិបាលខេត្ត ឯកឧត្តមឡី ចាន់ឆាយ ប្រធានក្រុមប្រឹក្សាខេត្តប៉ៃលិនចូលរួមមានឧុត្តនសេនីយ៍ទោឈានអ៊ិតមេបញ្ជារការរងទិសទី៥ប៉ៃលិន និងឧត្តមសេនីយ៍ត្រី ជា ចាន់ឌិន ស្នងការខេត្តមេបញ្ជាការរងកងកំលាំងប្រដាប់អាវុធគ្រប់ស្ថាប័ន លោកគ្រូ អ្នកគ្រូ សិស្សានុសិស្ស ព្រមទាំងពលរដ្ឋចូលរួមសរុបទាំងអស់២៤០០នាក់ផងដែរ ។
ក្នុងទិវាខួបអនុស្សាវរីយ៍ នៃបុណ្យឯករាជ្យជាតិ នេះផងដែរឯកឧត្ដម កើតសុធាអភិបាលនៃគណៈអភិបាលខេត្តប៉ៃលិនបានមានប្រសាសន៍ថា៖ ថ្ងៃនេះយើងបានរៀបចំទិវាខួបអនុស្សាវរីយ៍លើកទី៦៣(៩ វិច្ឆិកា ឆ្នាំ ១៩៥៣-និង៩ វិឆ្ឆិកា ២០១៦ ថ្ងៃកំណើតរបស់កងយោធពលខេមរភូមិន្ទ គឺជាថ្ងៃដែលប្រទេសកម្ពុជាយើងបានទទួលឯករាជ្យជាតិពេញបរិបូរណ៍ពីអាណានិគមបារាំង ហើយម្យ៉ាងវិញទៀត ក្នុងបច្ចប្បន្នប្រទេសកម្ពុជាយើងទទួលបាននូវសមិទ្ធផលជាច្រើនប្រកបដោយភាពដឹកនាំដ៏ឈ្លាស់វៃរបស់ប្រមុខរាជរដ្ឋាភិបាលកម្ពុជាសព្វថ្ងៃ ។ ក្រោយពីបានគោរពវិញ្ញាណក្ខ័ន្ធបុព្វបុរសបានពលីជីវិតក្នងបុព្វហេតុជាតិ ដែលមានកងកំលាំងប្រដាប់អាវុធគ្រប់ស្ថាប័នរួចមកក៍បានប្រលែងប៉ឺតប៉ោងជានិមិត្មរូបនៃសុខសន្តិភាពពេញបរិបូណ ៕
ស សារឿន
