នៅព្រឹកថ្ងៃទី៨ ខែវិច្ឆិកា ឆ្នាំ២០១៦នេះ នៅបរិវេណខាង មុខសាលាខេត្តបាត់ដំបង បានរៀបចំទិវាខួបអនុស្សាវរីយ៍លើកទី៦៣បុណ្យឯករាជ្យជាតិ និងបុណ្យកំណើត កងយោធពលខេមរៈភូមិន្ទ (៩វិឆ្ឆិកា ១៩៥៣-និង៩វិឆ្ឆិកា ២០១៦) ក្រោមអធិបតីភាពឯកឧត្ដម ចន្ទ័ សុផល អភិបាលនៃគណៈអភិបាលខេត្តបាត់ដំបង រួមនិងកងកម្លាំង សិស្សានុសិស្សលោកនឹងលោកស្រី អញ្ជើញមកពីមន្ទីរស្ថាប័ននានាជុំវិញខេត្តផងដែរ ។
ក្នុងទិវាខួបអនុស្សាវរីយ៍ នៃបុណ្យឯករាជ្យជាតិ នេះផងដែរឯកឧត្ដម ចន្ទ័ សុផលអភិបាលនៃគណៈអភិបាលខេត្តបាត់ដំបងបានមានប្រសាសន៍ថា៖ ថ្ងៃនេះយើងបានរៀបចំទិវាខួបអនុស្សាវរីយ៍លើកទី៦៣(៩វិច្ឆិកាឆ្នាំ១៩៥៣-និង៩វិឆ្ឆិកា ២០១៦) ថ្ងៃកំណើតរបស់កងយោធពលខេមរភូមិន្ទ នេះឡើងគឺជាថ្ងៃដែលប្រទេសកម្ពុជាបានទទួលឯករាជ្យជាតិ ពេញបរិបូរណ៍ពីអាណានិគមបារាំងសេស។ហើយម្យ៉ាងវិញទៀតក្នុងបច្ចប្បន្នប្រទេសកម្ពុជាយើងទទួលបាននូវសមិទ្ធផលជាច្រើនប្រកបដោយភាពដឹកនាំដ៏ឈ្លាស់វៃរបស់ប្រមុខរាជរដ្ឋាភិបាលកម្ពុជាស្របច្បាប់សព្វថ្ងៃ ៕
