សៀមរៀប ៖ កាលពីថ្ងៃអាទិត្យទី៦ខែវិច្ឆិការឆ្នា២០១៦ត្រូវនិថ្ងៃ៧កើតខែកត្តឹកឆ្នាំវក លោកវេជ្ជៈ គីម សារ (ពេទ្យសារ) និងភរិយា ង៉ោ គីមស៊ន បានរៀបអាពាពិពាហ៍កូនប្រុសឈ្មោះលោក សារ បញ្ញារដ្ឋ មុខងារ(ឱសថស្ថានឧត្តម)ជាមួយកញ្ញា អាំង មួយគាំង ឲ្យទៅជាគូភរិយាតាមប្រពៃណីខ្មែរដែរមានឪពុក(….)ម្តាយឈ្មោះ អ្នកស្រី ង៉ោ សេងអាន (ម្តាយខាងកញ្ញា)
លោក សារ បញ្ញារដ្ឋ ជាគូរនិងកញ្ញា អាំង មួួយគាំង ។នៅក្នុងឱកាសរៀបអាពាពិពាហ៍មានកិតិ្តយសមន្ត្រីររាជការ
ឯកឧត្តម លោកឧញ៉ា លោកជំទាវ លោក លោកស្រី ចូលរួមជាភ្ញៀវកិត្តិយសដើម្បីប្រសិទ្ធពរជយ័សិរីសួស្តីជយ័មង្គលដល់កូនប្រុសកូនស្រី គូរស្វាមីភរិយា ជាច្រើនកុះករ និងពិសាភោជនាអាហារដែលប្រព្រឹត្តទៅនៅ ថ្ងៃអាទិត្យទី៦ខែវិច្ឆិការឆ្នា២០១៦ត្រូវនិថ្ងៃ៧កើតខែកត្តឹកឆ្នាំវកម៉ោង ១១:០០ នាទី ថ្ងៃត្រង់នៅភោនីដ្ឋានស្ពាននាគថ្មីស្ថិតនៅភូមិក្របីរៀលឃុំគោគធ្លកក្រោមស្រុកជីក្រែងខេត្តសៀមរាប។
*កម្មវិធីប្រពៃណីរៀបអាពាពិពាហ៍របស់ខ្មែរមានអ្វីខ្លះ?
បច្ចុប្បន្ននេះនៅកម្ពុជាការរៀបអាពាពិពាហ៍អាចធ្វើបានច្រើនបែបយ៉ាងច្រើនតាមតាមប្រពៃណីខ្មែរ ប៉ុន្តែមានការក្លាយឬលាយគ្នាខ្លះទៅតាមម្ចាស់ដើមការ ដូចជា អ្នកសែស្រឡាយចិន មានពិធីសែនកុងម៉ា និង អ្នកកាន់សាសនាគ្រឹះមានពិធីផ្សេងៗបន្ថែមទៀត ដែលធ្វើឲ្យពិបាកកំណត់ថាធ្វើបែបណាទើបត្រឹមត្រូវតាមទំនៀមទម្លាប់ខ្មែរបាន១០០ភាគរយនោះទេ។
ក្រោមនេះជាទំនៀមទម្លាប់របស់អ្នកស្រុកក្នុងតំបន់ឧទ្យានអង្គរ ដែលគេបានធ្វើពិធីរៀបការបានចំពោះតែកូនស្រីប្រុសទាំងឡាយណា ដែលបានចូលស្ដីដណ្ដឹងគ្នា តាមផ្លូវច្បាប់ដោយមានចាស់ទុំទាំងសងខាងធ្វើជាមេបាតែប៉ុណ្ណោះ។ ចំពោះអ្នកដែលបានបះពាល់គ្នាជាមុនដែលអ្នកស្រុក ហៅថាចាប់គ្នានោះ គេមិនអាចធ្វើពិធីរៀបការបានឡើយ ប្រសិនបើត្រូវរ៉ូវគ្នា គេអាចធ្វើពិធី សែនផ្ដាច់ខ្មោចតែប៉ុណ្ណោះ។ ដោយឡែកចំពោះពិធីរៀបការ គឺគេនៅប្រកាន់តាមទំនៀមបុរាណច្រើន ហើយទំនៀមនេះរមែងមានការខុសគ្នាពីតំបន់មួយទៅតំបន់មួយ ពោលគឺពិធីនេះមិនអាចសន្មតថាត្រូវតែធ្វើឲ្យដូចគ្នាទាំងស្រុងនោះទេ។ ចំពោះទំនៀមរបស់អ្នកភូមិប្រាសាទចារ កម្មវិធីសម្រាប់រៀបការមានដូចជា៖
ទី១. ពិធីក្រុងពាលី
ទី២. ពិធីកាត់សក់
ទី៣. ពិធីសូត្រមន្តចងដៃ
ទី៤. ពិធីសែនចងដៃ សែនមាកា និង សែនមេបា
ទី៥. ពិធីព្រាងកន្ទោង
ទី៦. ពិធីដេកអង្កររៀប
ទី៧. ពិធីបង្វិលពពិល
ទី៨. ពិធីបៀមថ្នាំតំណម
ទី៩. ពិធីរាវអង្កររៀប
ទី១០. ពិធីសំពះព្រះអាទិត្យនិងព្រះច័ន្ទ
ទី១១. ពិធីធ្វើធ្មេញ
ទី១២. ពិធីដើរស្លាកន្សែង
ទី១៣. ពិធីហែសំពៅ
ទី១៤. ពិធីផ្ទឹមចងដៃ
ទី១៥. ពិធីសារកន្ទេល និងរើព្រះភូមិ
ទី១៦. ពិធីស៊ីលាង-ស៊ីលាត
ទាំងនេះគ្រាន់តែជាទំនៀមទម្លាប់ និងប្រពៃណីរៀបការសម្រាប់តែតំបន់មួយប៉ុណ្ណោះ ដែលបានបង្ហាញឲ្យឃើញថា ប្រជាជនខ្មែរតាំងពីបរមបុរាណ គឺបានបង្កើតនូវច្បាប់អាពាហ៍ពិពាហ៍សម្រាប់ឲ្យកូនប្រុសស្រី ស្វែងយល់គោរពនិងអនុវត្តតាម ដើម្បីរក្សានូវភាពបរិសុទ្ធជូនមនុស្សជាទីស្រលាញ់ ជាពិសេសមាតាបិតា ដែលបានខំចិញ្ចឹមមើលថែរហូតធំដឹងក្ដី និងមានសមត្ថភាពអាចបង្កើតគ្រួសារមួយដោយខ្លួនឯង ៕
ដោយ ហុក វិបុល
