ខេត្តក្រចេះ ៖ នៅវេលាម៉ោង១៥ និង៣០នាទីរសៀល ថ្ងៃទី១៥ ខែតុលា ឆ្នាំ២០១៦ កម្លាំងកងរាជអាវុធហត្ថលើផ្ទៃប្រទេស សហការជាមួយ កម្លាំងមូលដ្ឋានកងរាជអាវុធហត្ថស្រុកស្នួល បង្ក្រាបបទល្មើសព្រៃឈើ ខេត្តក្រចេះ ស្រុកស្នួល បានធ្វើការឃាត់រថយន្តដឹកឈើល្មើសច្បាប់ចំនួន០១គ្រឿង ស្ថិតនៅចំណុចភូមិក្រញួងសែនជ័យ ឃុំ២ធ្នួ ស្រុកស្នួល ខេត្តក្រចេះ ។
នេះបើយោងតាមប្រភពពត៌មានពី លោក ឧត្តមសេនីយ៍ត្រី សាន្ត ប៊ុនថាន មេបញ្ជាការ កងរាជអាវុធហត្ថខេត្តក្រចេះ បានថ្លែងប្រាប់ភ្នាក់ងារ ព័តិមាន ឱ្យដឹងថា ក្នុងប្រតិបត្តិការបង្ក្រាបនោះផងដែរ
កម្លាំងកងរាជអាវុធហត្ថ ក៏បានចាប់យកវត្ថុតាងមួយចំនួនរួមមាន ៖ ០១. រថយន្តកែឆ្នៃ ចំនួន០១គ្រឿង, ០២. កូនឈើក្រឡឹងប្រភេទលេខ១ (កកោះ) ដែលចំនួន៥៤ដុំ ស្មើ២.៥១២ម៉ែត្រគូប ។
វត្ថុតាង ត្រូវមន្ត្រីជំនាញកងរាជអាវុធហត្ថខេត្តក្រចេះ បានកសាងសំណុំរឿង ប្រគល់ជូនខណ្ឌរដ្ឋបាលព្រៃឈើ ដើម្បីចាត់ការបន្តតាមនិតិវិធី ៕
