ខេត្តរតនគិរី ៖ ដោយសារតែមួយរយ:កាលប៉ុន្មានខែចុងក្រោយនេះ សកម្មភាពចរាចរដឹកជញ្ជូនរបស់មេឈ្មួញធំដែលតែងតែធ្វើសកម្មភាព ដឹកជញ្ជូនតាមរថយន្តសេរីទំនើបៗ ឯមេឈ្មួញខ្លះ ដែលអាចប្រើទ្រុងទ្រាយធំៗឆ្លងដែនយកទៅលក់នៅប្រទេសវៀតណាម នាកន្លងមកនោះ ត្រូវកម្លាំងសមរ្ថកិច្ចជំនាញបានសហការជាមួយកម្លាំងកងរាជអាវុធហត្ថលើផ្ទៃប្រទេសធ្វើការបង្ក្រាបបានជាបន្តបន្ទាប់ ឃើញថាហាក់បីដូចជាមានសភាពស្ងប់ស្ងាត់ទាំងនៅក្នុងខេត្ត នឹងតាមបណ្តាយផ្លូវជាតិលេខ ៧៨ ច្រកព្រំដែន ។
ប៉ុន្តែដោយឡែកពេលនេះក្រុមឈ្មួញខ្លះបានផ្លាស់ប្តូររូបភាពពីការដឹកជញ្ជូនតាមរថយន្តមកដឹកជញ្ជូនតាមម៉ូតូវិញដោយធ្វើសកម្មភាពនៅឃុំញ៉ាងស្រអុកណ្តូងមាសដែលជាតំបន់មួយនៅឆ្ងាយដាច់ស្រយាលពីទីរួមខេត្តដែលសមត្ថកិច្ចពិបាកនឹងទៅដល់ណាស់។
បើតាមប្រភពពីប្រជាពលរដ្ឋរស់នៅឃុំញ៉ាងបានឲ្យដឹងថាមានមេឈ្មួញដែលមានឈ្មោះស្នាក់ឈ្មោះក្អជាដើមដែលក្រុមរបស់ពួកគេបានជួលម៉ូតូឲ្យដឹកក្នុងតម្លៃ១ជើងពី៦ម៉ឺនរៀលទៅ១០ម៉ឺនរៀលហើយមួយក្រុមមានម៉ូតូចាប់ពី១០គ្រឿងឡើងទៅ។ ដើម្បីធ្វើការដឹកជញ្ជូនយកទៅលក់ឲ្យមេឈ្មួញវៀតណាមឈ្មោះយាយគឺនឹងឈ្មោះគីនៅច្រករបៀងប៉ុស្ថ៍ អូសាថីលេខ៧០៥ ហៅប៉ុស្ថ៍ផាតាម នឹងប៉ុស្ថ៍ពាមអូសាថីលេខ៧០៧ ហៅប៉ុស្ថ៍ផាសាវ។
ប្រភពខាងលើបន្តឲ្យដឹងថាជារៀងរាល់ថ្ងៃមានម៉ូតូដឹកឈើប្រណិត.ដូចជាឈើធ្នង់និងកកោះជាដើមមិនតិចជា១០០ទៅ១៥០ម៉ូតូនោះទេ។
ក្រុមឈ្មួញនឹងសមត្ថកិច្ចនៅតំបន់នោះជាពិសេសសមត្ថកិច្ចច្រករបៀងខាងលើនេះបានសហការគ្នាយ៉ាងល្អជាមួយឈ្មួញព្រោះថាបើមានមនុស្សចំម្លែករឺគួរឲ្យសង្ស័យសមត្ថកិច្ចនោះគឺបានទូរស័ព្ទប្រាប់ឲ្យក្រុមឈ្មួញដឹកជញ្ជូនឈើយកទៅលាក់ទុកតាមព្រៃចំការស្វាយចន្ទីនិងចំការកៅស៊ូជាដើម.ដើម្បីបិតបាំងសកម្មភាពរបស់ពួកគេ៕
ដោយៈ ជីវ៉ា
