ខេត្តបាត់ដំបង ៖ ជាក់ស្តែង កាលពីថ្ងៃទី ២៥ ខែកញ្ញា ឆ្នាំ២០១៦ កន្លងទៅនេះប្រជា ពលរដ្ឋរស់នៅតាមដងទន្លេ-សាបស្ថិតនៅភូមិក្បាលតោល ឃុំកោះជីវាំង ស្រុកឯកភ្នំ បានឱ្យដឹងថា ឈ្មោះ អៀង បានប្រើឧបករណ៍នេសាទខុស ច្បាប់បំផ្លាញធនធានមច្ឆជាតិ នៅតែអាចធ្វើអ្វីៗ បានតាម អំពើចិត្ត ដោយគេសង្ស័យថា មានការបើកដៃពីក្រុមមន្ត្រី ជំនាញរដ្ឋបាលជលផល និង សមត្ថកិច្ចពាក់ព័ន្ធ ជាពិសេស លោក តោ ធារី នាយសង្កាត់ រដ្ឋបាលជលផលក្បលតោល។
សេចក្តីរាយការណ៍ពី ប្រជាពលរដ្ឋរស់នៅតំបន់បឹង ទន្លេសាប ក្នុងខេត្តបាត់ដំបង បានរាយការណ៍ថា ក្នុងមូល ដ្ឋានរបស់ពួកគាត់បទល្មើស នេសាទនៅតែកើតទ្បើងយ៉ាង បន្ទុកដដែលគ្រាដែលមន្ត្រី ជំនាញហាក់ព្រងើយកន្តើយ។
លើសនេះទៅទៀតសូម្បី តែនៅចំណុចល្បាប់ញុំដែល នៅមិនឆ្ងាយពីស្នាក់ការជល ផលនោះផងក៏មានបទល្មើស នេសាទកើតទ្បើងយ៉ាងពេញ បន្ទុកដែរដោយសារមន្ត្រីជល ផលនិងសមត្ថកិច្ចពាក់ព័ន្ធមិន ចាត់វិធានការបង្ក្រាបទ្បើយ ធ្វើឱ្យក្រុមជនល្មើសបានប្រើ សាច់អួនក្រឡាញឹកស្មេះមាន បណ្តាយរាប់រយម៉ែត្រសម្រាប់ ចាប់ត្រីខុសច្បាប់នៅតែបន្ត កើតទ្បើងទាំងយប់ទាំងថ្ងៃ ។
ប្រជាពលរដ្ឋក្នុងភូមិក្បាល តោលបានត្អូញត្អែរថាផលត្រី ក្នុងបឹងចេះតែថយចុះជាលំដាប់ ឈានទៅរកការរលាយផុត ពូជ ដោយសារតែបទល្មើស កើតទ្បើងឥតឈប់ឈរ ។
ជាងនេះប្រពលរដ្ឋដែល ប្រកបរបរនេសាទជាលក្ខណៈ គ្រួសារមិនអាចរកនេសាទត្រី ទៅលក់ដូរដោះស្រាយជីវភាពបានទៀតទេ មួយរយៈ ពេលចុងក្រោយនេះបទល្មើស នេសាទប្រើសាច់អួនក្រឡាញឹក បណ្តោយចាប់ពី៥០០ម៉ែត្រ ដល់ ១០០០ម៉ែត្រ និងបទ ល្មើសប្រើឧបករណ៍នេសាទ ឆក់កំពុងកើតទ្បើងយ៉ាងពេញ បន្ទុក ។ បទល្មើសនេសាទ ប្រើឧបករណ៍ខុសច្បាប់យ៉ាង អនាធិបតេយ្យនោះ កំពុងតែ ធ្វើឱ្យប៉ះពាល់យ៉ាងខ្លាំងដល់ ជីវភាពរស់នៅរបស់ប្រជាពលរដ្ឋដែលប្រកបរបរនេសាទ ជាលក្ខណៈគ្រួសារ ព្រោះពូជ ត្រីនៅក្នុងបឹងស្ទើរតែវិនាស សាបសូន្យអស់ទៅហើយពួក គាត់បានអំពាវនាវដល់រាជរដ្ឋាភិបាលក៏ដូចជា ក្រសួង និងស្ថាប័នពាក់ព័ន្ធជួយវិធាន ការបង្ក្រាបបទល្មើសនេសាទ ជាបន្ទាន់ ព្រោះពួកគាត់គ្មាន ជំនឿលើ លោក តោ ធារី នាយសង្កាត់រដ្ឋបាលជលផល ក្បាលតោលនោះទៀតហើយព្រោះនាយសង្កាត់ម្នាក់នេះ គិតតែផលប្រយោជន៍ផ្ទាល់ ខ្លួនតែប៉ុណ្ណោះ ។ ពេលឃើញ ជនល្មើសប្រើប្រាស់ឧបករណ៍ ខុសច្បាប់ ពួកគាត់តែងតែ រាយការណ៍ទៅមន្ត្រីជលផល រហូត ប៉ុន្តែនៅទីបំផុតក្រុម ជនល្មើសនៅតែអាចធ្វើអ្វីៗ តាមអំពើចិត្តដដែល ៕
ដោយ ៖ ពិសី និង ឈឹង
