ខេត្តសៀមរាប ៖ កាលពី ព្រឹកថ្ងៃទី០១ វិច្ឆិកា ២០១៦ ក្នុងពិធីបើកបវេសនកាលឆ្នាំ សិក្សាថ្មី ២០១៦-២០១៧ និងសម្ពោធដាក់ឱ្យប្រើប្រាស់ ជាផ្លូវការនូវអាហារដ្ឋាន០១ កន្លែង របស់វិទ្យាល័យ ១០ មករា ១៩៧៩ ក្រុងសៀមរាប ក្រោមអធិបតីភាព ឯកឧត្តម ហ៊ុន ម៉ាណែត តំណាងដ៏ខ្ពង់ ខ្ពស់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណា ចក្រកម្ពុជា ។
សមាសភាពមានការ អញ្ជើញចូលរួមពី ឯកឧត្តម វង្សី វិស្សុត រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ នាយឧត្តមសេនីយ៍ គីម ប៊ុនថាន អគ្គមេបញ្ជាការរងនៃខ.ភ.ម នាយឧត្តមសេនីយ៍ ខេង សុមេធ អគ្គស្នងរងនគរបាលជាតិនិង ជាប្រធានគណៈបញ្ជាការ នគរបាលជាតិប្រចាំទិសភូមិ ភាគទី៤ ទី៥ ឯកឧត្តម ឃឹម ប៊ុនសុង អភិបាល នៃគណៈអភិបាលខេត្តសៀមរាប ព្រម ទាំងមន្ត្រីរាជការជុំវិញខេត្ត លោកគ្រូអ្នកគ្រូសិស្សានុសិស្ស ក្នុងវិទ្យាល័យ ១០ មករា ១៩៧៩ ទាំងមូលផងដែរ ។
ឯកឧត្តម ហ៊ុន ម៉ាណែត បានអបអរសាទរជោគជ័យ លទ្ធផលការសិក្សាកាលពីឆ្នាំ កន្លងទៅ និងអបអរសាទរ ជាមួយនឹងលោកគ្រូ-អ្នកគ្រូ អាណាព្យាបាលនិងសិស្សានុ សិស្សក្នុងឱកាសបវេសនកាល ឆ្នាំសិក្សា២០១៦-២០១៧ និងការកសាងនូវសមិទ្ធផល នានានៅក្នុងវិទ្យាល័យនេះ។
លោកបន្តថា វាលំបាក ណាស់ដែលយើងខិតខំកសាង ប្រទេសឡើងវិញ ពីបាតដៃ ទទេក្រោយសង្គ្រាម ហើយ ខិតខំអភិវឌ្ឍវិស័យអប់រំដូច សព្វថ្ងៃនេះ ។ ក្រោមម្លប់សន្តិ ភាពរាជរដ្ឋាភិបាលបានកសាង សាលារៀនជាច្រើនដល់មូល ដ្ឋានដើម្បីឱ្យកូនចៅប្រជាពល រដ្ឋទទួលបានឱកាសរៀនសូត្រ។
របត់របស់សិស្សានុសិស្ស កំណែទម្រង់ប្រព័ន្ធអប់រំ គោលនយោបាយរបស់រាជ-រដ្ឋាភិបាល បានធ្វើឱ្យសិស្ស និស្សិតកម្ពុជារៀនឈ្នះសិស្ស និស្សិតជនជាតិដទៃ ដែលនេះ គឺជាមោទនៈភាពនៃវិស័យ អប់រំ ។
ឯកឧត្តម ហ៊ុន ម៉ាណែត អះអាងថាថ្វីបើសេដ្ឋកិច្ចរបស់ ប្រទេសមួយៗអាចមានគម្លាត គ្នា ប៉ុន្តែខួរក្បាលរបស់មនុស្ស មិនមានគម្លាតគ្នាទេ ឱ្យតែ មានឱកាសរៀនសូត្រ ហេតុ នេះហើយរាជរដ្ឋាភិបាលបាន ផ្តល់ឱកាសឱ្យសិស្សនិស្សិត រៀនសូត្រ គ្រប់ទីកន្លែង ។
ជាមួយគ្នានេះ ឯកឧត្តម បានផ្តល់ដំបូន្មានល្អៗឱ្យសិស្សា នុសិស្សគោរពវិន័យ និងមាន គុណធម៌ សីលធម៌ រៀនសូត្រ ឱ្យបានពូកែត្រូវជួយគ្នាទៅវិញ ទៅមកជៀសវាងការប្រព្រឹត្តិ អំពើអបាយមុខផ្សេងៗ ដែល បំផ្លាញខ្លួនឯង គ្រួសារនិង សង្គម ព្រោះរាជរដ្ឋាភិបាល បានស្វែងរកសន្តិភាពខិតខំ កសាងសាលារៀនឪពុកម្តាយ ខិតខំចិញ្ចឹមបីបាច់ថែរក្សា លោកគ្រូ-អ្នកគ្រូ ខិតខំបង្រៀន អស់ពីកម្លាំងកាយចិត្ត ។ ដូច្នេះ ជោគជ័យមិនជោគជ័យ គឺ អាស្រ័យលើខ្លួនឯង ។
នៅក្នុងឱកាសនោះដែរ ឯកឧត្តម ហ៊ុន ម៉ាណែត បាន ថតរូបអនុស្សាវរីយ៍និងពិសាមី ជាមួយនឹងលោកគ្រូអ្នកគ្រូ សិស្សានុសិស្សប្រកបដោយ ភាពស្និទ្ធស្នាល ព្រមទាំងជា មួយបងប្រុសបងស្រីអ្នកលក់ ដូរប្រកបបរិយាកាសសោមន ស្សរីករាយនិងភាពភ្ញាក់ផ្អើល ក្រៃលែងបន្ទាប់ពិធីកាត់ខ្សែបូសម្ពោធអាហារដ្ឋាននៅក្នុង វិទ្យាល័យ១០ មករា ក្នុងក្រុង សៀមរាប ។
សូមបញ្ជាក់ថាក្នុងឱកាស នោះឯកឧត្តម ហ៊ុន ម៉ាណែត បាននាំយកនូវសម្ភារៈអំណោយ សម្តេចតេជោមួយចំនួនទៅ ឧបត្ថម្ភជូនលោកគ្រូ-អ្នកគ្រូ ១៧៣នាក់ក្នុងម្នាក់ៗ ទទួល បានថវិកាចំនួន ៥ម៉ឺនរៀល និងសម្លៀកបំពាក់ ២កំប្លេ សិស្សានុសិស្ស ៤០៥០នាក់ ក្នុងម្នាក់ទទួលបានសៀវភៅ ០២ក្បាល ប៊ិច០១ដើម និង ថវិកា៣ពាន់រៀល លោកគ្រូ អ្នកគ្រូចូលនិវត្តន៍ចំនួន ៦នាក់ ម្នាក់ៗ ទទួលបានម៉ូតូហុងដា ០១គ្រឿង កាកបាទក្រហម ចំនួន២០នាក់ សិស្សកាយរិទ្ធ ចំនួន ២០នាក់ ក្រុមយុវជន ស.ស.យ.ក ២៥ នាក់យុវជន អ.ម.ត ៥០នាក់ សរុប ១១៥ នាក់ ម្នាក់ៗទទួលបានថវិកា ១ម៉ឺនរៀល និងបានឧបត្ថម្ភ ក្នុងកម្មវិធីនូវថវិកា ៤លានរៀល ៕
