បន្ទាយមានជ័យ ៖ នៅក្នុង ភូមិរហាល ស្រុកព្រះនេត្រព្រះ ខេត្តបន្ទាយមានជ័យ បានធ្វើ ពិធីប្រកាសកំណត់តំបន់វិនិច្ឆ័យលើការចុះបញ្ជីដីធ្លីមាន លក្ខណៈជាប្រព័ន្ធកាលពីព្រឹក ថ្ងៃទី២៥ ខែតុលា ឆ្នាំ២០១៦ កន្លងទៅនេះ ។ ពិធីនេះមាន ការចូលរួមឯកឧត្តម លី សារី អភិបាលរងខេត្តបន្ទាយមានជ័យ មន្ត្រីសូរិយោដី និងមន្ត្រី អ្នកមុខអ្នកការជាច្រើននាក់ ទៀត ។
ក្នុងពិធីនេះ ឯកឧត្តម លី សារី បានមានប្រសាសន៍ថា ការចុះបញ្ជីដីធ្លីមានលក្ខណៈជាប្រព័ន្ធនេះប្រជាពលរដ្ឋបាន ចូលរួមចំណែកក្នុងការធ្វើ ឡើងនូវសុវត្ថិភាពនៃការកាន់ កាប់ដីធ្លីកាត់បន្ថយបញ្ហា ទំនាស់និងជំរុញអភិវឌ្ឍន៍ ទីផ្សារដីធ្លីប្រកបដោយប្រសិទ្ធ ភាពខ្ពស់កាត់បន្ថយភាពក្រីក្រ ស្ថេរភាពសង្គមនិងការអភិវឌ្ឍន៍សេដ្ឋកិច្ចឱ្យកាន់តែប្រសើរ ឡើងស្របតាមគោលនយោ បាយរបស់រាជរដ្ឋាភិបាល ដែលមានសម្តេចអគ្គមហាសេ នាបតីតេជោ ហ៊ុន សែន ជា នាយករដ្ឋមន្ត្រីអាណត្តិទី ០៥ នេះ ។
ឯកឧត្តម លី សារី បាន បញ្ជាក់បន្តទៀតថា ក្រោម ការដឹកនាំដ៏ឈ្លាសវៃរបស់ សម្តេចអគ្គមហាសេនាបតីតេ ជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ដោយទឹកចិត្តស្រលាញ់ប្រជា ពលរដ្ឋក្នុងនាមរាជរដ្ឋាភិបាល សម្តេចបានដាក់ចេញនូវបទ បញ្ជាលេខ០១បបក្នុងគោល បំណងការពារប្រយោជន៍ របស់ប្រជាពលរដ្ឋហើយថែម ទាំងបានបង្កើតចេញនូវយុទ្ធនា ការចុះវាស់វែងដីជូនប្រជាពលរដ្ឋដែលអនុវត្តដោយក្រុម មន្ត្រីបច្ចេកទេសនិងក្មួយៗវីរៈ យុវជនស្ម័គ្រចិត្តសម្តេចតេជោ នៅក្នុងយុទ្ធនាការនេះសម្តេច បានយកថវិកាផ្ទាល់របស់ សម្តេចនិងថវិការបស់គណបក្សប្រជាជនកម្ពុជា ឧបត្ថម្ភ ដល់ក្មួយៗវីរៈយុវជនស្ម័គ្រចិត្ត ដោយពុំបានប៉ះពាល់ដល់ថវិកា ជាតិ ។
ឯកឧត្តម លី សារី បាន បន្ថែមទៀតថាកន្លងមកខេត្ត បន្ទាយមានជ័យជាខេត្តមួយ ដែលមានបញ្ហាវិវាទដីធ្លីជា ច្រើនកើតមានឡើងបញ្ហា វិវាទទាំងនេះកើតឡើងដោយ សារតែដីធ្លីទាំងអស់នេះ មិន ទាន់បានចុះបញ្ជី មិនមានប័ណ្ណ កម្មសិទ្ធិនៅឡើយ ។ ដោយ ឡែកបច្ចុប្បន្នបញ្ហាវិវាទដីធ្លីគឺ មានការថយចុះជាច្រើនដោយ សារតែមានការចុះបញ្ជីដីធ្លី ជូនបងប្អូនប្រជាពលរដ្ឋ ជា ពិសេសការចុះបញ្ជីដីធ្លីមាន លក្ខណៈជាប្រព័ន្ធរបស់កម្មវិធី អនុវិស័យរដ្ឋបាលដីធ្លីសរុបមក ការចុះបញ្ជីដីធ្លី គឺមានសារៈ សំខាន់ណាស់ដែលអាចកាត់ បន្ថយនូវបញ្ហាទំនាស់អាច ធានាបាននូវសុវត្ថិភាពពីការ ក្លែងបន្លំពីសំណាក់ជនខិលខូច មួយចំនួនមិនតែប៉ុណ្ណោះ ក្រោយពីធ្វើការចុះបញ្ជីធ្វើ ប័ណ្ណកម្មសិទ្ធិនេះហើយម្ចាស់ កម្មសិទ្ធិអាចយកទៅប្រើប្រាស់ ឬដាក់បញ្ចាំនៅតាមធនាគារ និងតាមគ្រឹះស្ថានមីក្រូហិរញ្ញ វត្ថុនានាបានតាមសេចក្តីត្រូវ ការ ។
ឆ្លៀតក្នុងឱកាសនេះដែរ ឯកឧត្តម លី សារី សូមឱ្យបង ប្អូនជួយផ្សព្វផ្សាយបន្តដល់ ប្រជាពលរដ្ឋផ្សេងឱ្យបានយល់ ដឹង និងសូមសំណូមពរដល់ អាជ្ញាធរគ្រប់ជាន់ថ្នាក់ស្ថាប័ន ពាក់ព័ន្ធរួមទាំងប្រជាពលរដ្ឋ ទាំងអស់ ដែលជាអ្នកកាន់ កាប់ដីនៅក្នុងតំបន់វិនិច្ឆ័យ ផ្តល់ភាពងាយស្រួល និងចូល រួមសហការឱ្យបានល្អជាមួយ មន្ត្រីចុះបញ្ជីដីធ្លីដើម្បីឱ្យការ អនុវត្តន៍នីតិវិធីនៃការចុះបញ្ជី ដីធ្លីប្រព្រឹត្តទៅប្រកបដោយ ជោគជ័យផង ៕
