ខេត្តបាត់ដំបង ៖ ប៉ូលីស អន្តោប្រវេសន៏នៅច្រកអន្តរ-ជាតិដូង ក្រោមការគ្រប់គ្រង ដឹកនាំដោយលោក សៅ ប៊ុនរិទ្ធ បានយកលុយថ្លៃធ្វើប័ណ្ណឆ្លង ដែន (Border Pass) ក្នុងតម្លៃ យ៉ាងច្រើនលើសលប់ពីពលករ ចំណាកស្រុកក្នុងម្នាក់ៗពី ៧. ៣០០០រៀល (ប្រាំពីរម៉ឺន បីពាន់រៀល) ខណៈដែលរាជ រដ្ឋាភិបាល បានកំណត់ឱ្យយក តែ ២០០០០រៀល(ពីរម៉ឺន រៀល)ប៉ុណ្ណោះ ។
ប្រភពបានបញ្ជាក់ប្រាប់ ថា បច្ចុប្បន្នមានពលករខ្មែរ នៅតែមានឆ្លងដែន ក្នុងមួយ ថ្ងៃៗមិនតិចនាក់ទេ តែងធ្វើ ចំណាកស្រុកចាកចេញពី កម្ពុជា ទៅរកការងារធ្វើនៅ ប្រទេសថៃតាមច្រកអន្តរជាតិ ដូង ។ មុនពេលអាចមានសិទ្ធិ ឆ្លងដែនទៅបានពលករទាំង នោះ ត្រូវចំណាយលុយក្នុង ម្នាក់ៗចំនួន ៧៣០០០រៀល (ប្រាំពីរម៉ឺនបីពាន់រៀល)ដើម្បី ធ្វើប័ណ្ណឆ្លងដែន (Border Pass) ម្នាក់មួយសន្លឹកៗពីអស់ លោកមន្ត្រីៗប៉ូលិសអន្តោប្រវេសន៏ក្រោមការគ្រប់គ្រង ដោយលោក សៅ ប៊ុនរិទ្ធ ដ៏ មហិមា ។ នេះគេគ្រាន់តែ និយាយពីរឿងពលករឆ្លងដែន មួយមុខប៉ុណ្ណោះ ពោលគឺ មិនទាន់និយាយពីរឿងការ ឃុបឃិតគ្នាជាលក្ខណៈប្រព័ន្ធ បណ្តោយឱ្យកើតមានទំនិញ គេចពន្ធនានា ចេញ-ចូលឆ្លង កាត់តាមច្រកអន្តរជាតិដូង នោះផង ។
ព័ត៌មានទាំងនោះបានឱ្យ ដឹងទៀតថា មន្ត្រីៗប៉ូលិស អន្តោប្រវេសន៏ក្រោមការគ្រប់ គ្រងដោយលោក សៅ ប៊ុនរិទ្ធ តែងបានឃុបឃិតជាមួយក្រុម មេខ្យល់មួយចំនួន តាមរយៈ ការលួចបន្លំឈ្មោះដោយដាក់ ប្រជាពលរដ្ឋដែលធ្វើចំណាក ស្រុកមកពីបណ្តាខេត្តឆ្ងាយៗ ថាជាប្រជាពលរដ្ឋរស់នៅក្នុង មូលដ្ឋាន ជាប់ព្រំដែនខ្មែរ ថៃ ដើម្បីទទួលបានសិទ្ធិស្របច្បាប់ ក្នុងការធ្វើប័ណ្ណឆ្លងដែន ។ ប៉ុន្តែពួកគាត់(ប្រជាពលរដ្ឋ ឆ្ងាយៗ)ដែលចង់បានប័ណ្ណ ឆ្លងដែននោះ ត្រូវតែចំណាយ លុយចាប់ពី១០០០បាត (មួយពាន់បាត)ទៅ១២០០ បាត(មួយពាន់ពីររយបាត)ឬ ១៥០០បាត(មួយពាន់ប្រាំរយបាត)ក្នុងម្នាក់ៗ ទើបអាចធ្វើ បានដោយអត់មានបញ្ហា ឡើយ ។
ទង្វើនេះត្រូវប្រជាពលរដ្ឋ នាំគ្នានិយាយរិះគន់ថាជាទង្វើ ដ៏គឃ្លើនមួយប្រឆាំងទាំង ស្រុងទៅនឹងអនុក្រិត្យរបស់ ក្រសួងមហាផ្ទៃ…ព្រោះថា យោងតាមអនុក្រិត្យលេខ ៦៨ របស់ក្រសួងមហាផ្ទៃ បានកំណត់ឱ្យយកថ្លៃធ្វើប័ណ្ណ ឆ្លងដែន ពីប្រជាពលរដ្ឋខ្មែរ ក្នុងម្នាក់ៗត្រឹមតែ ២០០០០ រៀល(ពីរម៉ឺនរៀល)ប៉ុណ្ណោះ។
ផ្ទុយទៅវិញ ក្រុមប៉ូលិសអន្តោប្រវេសន៏ជាកូនចៅ របស់លោក សៅ ប៊ុនរិទ្ធ បែរ ជាយកថ្លៃហួសពីរដ្ឋបានកំណត់ ប្រៀបដូចសង្កត់កដកស្លាប ប្រជាពលរដ្ឋក្រីក្រអត់ឃ្លាន ទៅវិញ ។
សូមរម្លឹកឡើងវិញដែរថា កាលលោក សៅ ប៊ុនរិទ្ធ នៅ ធ្វើជាមេប៉ូលិសអន្តោប្រវេសន៏ ប្រចាំច្រកទ្វារអន្តរជាតិប៉ោយប៉ែត ខេត្តបន្ទាយមានជ័យមានបណ្តាញផ្សព្វផ្សាយ ជាច្រើនបាននាំគ្នាសរសេរចុះ ផ្សាយនិងបង្ហោះផ្សាយជាបន្ត បន្ទាប់ថា ក្នុងមួយថ្ងៃៗមាន ប្រជាពលរដ្ឋខ្មែរ ធ្វើចំណាក ស្រុកទៅធ្វើការនៅប្រទេស ថៃ ដែលត្រូវធ្វើប័ណ្ណឆ្លងដែន មានចំនួនរហូតដល់ទៅរាប់ រយពាន់នាក់ឯណោះ ។
ប្រជាពលករដែលធ្វើ ចំណាកស្រុកទៅរកការងារ ធ្វើនៅក្នុងប្រទេសថៃកាន់តែ ជួបការលំបាកខ្លាំងឡើងៗនិង សម្តែងការខឹងសម្បាខ្លាំង ឡើងៗដែរចំពោះក្រុមប៉ូលិស អន្តោប្រវេសន៏របស់លោក សៅ ប៊ុនរិទ្ធ ធ្វើឱ្យប៉ះពាល់ មិនតិចទេ ដល់កិត្តិយសរបស់ ថ្នាក់ដឹកនាំកំពូលៗ ក៏ដូចជា ថ្នាក់ដឹកនាំ ក្រសួងមហាផ្ទៃឬ អគ្គស្នងការនគរបាលជាតិផងដែរ ។
បងប្អូនប្រជាពលរដ្ឋបាន និយាយថា ឥឡូវនេះបន្ទាប់ពី លោក សៅ ប៊ុនរិទ្ធ ត្រូវបាន ថ្នាក់លើ ដកចេញពីមេប៉ូលិស អន្តោប្រវេសន៏ច្រកទ្វារអន្តរជាតិ-ប៉ោយប៉ែត ដោយតែង តាំងឱ្យទៅធ្វើជាមេប៉ូលីស អន្តោប្រវេសន៏ច្រកអន្តរជាតិ ដូង គេបានសង្កេតឃើញថា លោក សៅ ប៊ុនរិទ្ធ នៅតែ ប្រព្រឹត្តអំពើដដែលៗមិនសូវ ខុសពីមុននោះឡើយ។
ករណីនេះ សូមអោយ ឯកឧត្តម នាយឧត្តមសេនីយ៍ នេត សាវឿន អគ្គស្នងការនគរបាលជាតិ និងឯកឧត្តម នាយឧត្តមសេនីយ៍ សុខ ផល អគ្គនាយក នៃអគ្គនាយកដ្ឋាន អន្តោប្រវេសន៍ គួរតែមានការ ត្រួតពិនិត្យឱ្យបានម៉ត់ចត់ល្អិត ល្អន់បំផុត ដោយចៀសវាងកុំ ឱ្យពួកមន្ត្រីៗខិលខូចមួយក្តាប់ តូចនាំគ្នាប្រព្រឹត្តអំពើពុក រលួយធ្វើឱ្យប្រជាពលរដ្ឋខឹង សម្បាក្លាយទៅជារឿងខឹង គោវាយរទេះពិតប្រាកដ ។
ព័ត៌មានខាងលើនេះអ្នក សារព័ត៌មានយើងនៅមិន ទាន់បានទំនាក់ទំនងសុំការ បំភ្លឺពីលោក សៅ ប៊ុនរិទ្ធ បាន នៅឡើយទេ ៕
