រថយន្តធុនយក្ស ប្រភេទវេអង បានបង្រួមខ្លួនយ៉ាងតូច ដឹកឈើខុសច្បាប់ ចេញក្រោមឃ្លៀកសមត្ថកិច្ចបរិស្ថាននៃស្នាក់ការអូងាវ ដោយប្រើរូបភាពបន្លំភ្នែកសមត្ថកិច្ច ដាក់ឈើថ្មី ពីក្រោម ទិញឈើចាស់ៗដាក់គ្របពីលើ ដើម្បី បំភ័ន្តភ្នែកសមត្ថកិច្ច តែចៃដន្យសំណាងអាក្រក់ ត្រូវបានជាប់អន្ទាក់សមត្ថកិច្ចមេព្រៃ នៃអធិការខាងជើងបឹងទន្លេសាប។
តាមប្រភពព័ត៌មាន រាយការណ៍ ថាតាមពិត រូបភាពនេះគឺក្រុមឈ្មួញបានរកស៊ីកាក់កប ជាច្រើនឆ្នាំមកហើយ ដោយគេត្រូវ រ៉ូវជាមួយនឹងសមត្ថកិច្ច មួយចំនួនតូចនៅមូលដ្ឋាន រួចហើយធ្វើចរាចរណ៍ បានយ៉ាងរលូន ដោយក្រុមឈ្មួញបានទិញឈើពីអ្នកភូមិ ដែលបានចូលលួចទៅកាប់នៅក្នុងព្រៃឡង់ ហើយដឹកចូលមក អូងាវក្នុងភូមិសាស្ត្រដែនព្រៃឡង់និងការគ្រប់គ្រងយ៉ាងតឹងរ៉ឹងបំផុតពីសមត្ថកិច្ចបរិស្ថាន។
ក្នុងនោះមហាជនមានការងឿងឆ្ងល់យ៉ាងខ្លាំង ថាហេតុអ្វី បានជាសកម្មភាព ដឹកឈើដោយខុសច្បាប់ ដោយរូបភាព រថយន្តវេអងដឹកចេញបានយ៉ាងរលូនដូច្នេះទៅវិញ ឬសមត្ថកិច្ចពាក់ព័ន្ធ មានការត្រូវរ៉ូវគ្នាអស់ហើយ បានជាសកម្មភាព ដឹកឈើដោយខុសច្បាប់នេះ អាចចរាចរណ៍បានយ៉ាងស្រួល។
ប្រជាពលរដ្ឋមានការកោតសរសេីរដល់លោកហោ ភាជ នាយរងអធិការខាងជើងបឹងទន្លេសាប បានបញ្ជារឲ្យ កម្លាំងជំនាញ រដ្ឋបាលព្រៃឈើ ស្ទាក់ចាប់រថយន្តវេអងដែលបានដឹកឈើចេញពី តំបន់អូរងាវក្នុងដែនព្រៃឡង់ ចេញឆ្លងកាត់ ឃុំទំរីង ឆ្ពោះទៅដាក់ នៅឯខេត្តកំពត តែត្រូវបានបង្ក្រាបទាន់ពេលវេលា។
តាមប្រភពព័ត៌មានបានឲ្យដឹងថា ការដឹកជញ្ជូនឈើដោយខុសច្បាប់នេះ គឺមានឈ្មោះ លោក និត ដែលជាឈ្មួញខាងបំផ្លិចបំផ្លាញព្រៃឈើយ៉ាងសកម្ម ក្នុងការប្រមូលទិញឈើ ពី ប្រជាពលរដ្ឋ ដែលទៅលួចអារ នៅក្នុងដែនជម្រកព្រៃឡង់ បាន លាត់ដោះឲ្យសមត្ថកិច្ចម៉ឹម ជាថ្នូរនិងមិនចាប់ បង្កើត ជាយុទ្ធសាសន៍ នៃអំពើពុករលួយ បានចាប់ដៃគូរសហការ យ៉ាងល្អប្រសើរ ជាមួយនឹងសមត្ថកិច្ច ដែលពាក់ព័ន្ធនៅ តំបន់ខាងលើ ដើម្បី ធ្វើសកម្មភាពដឹកឈើទាំងអស់នេះទៅលក់នៅឯទីផ្សារក្នុងខេត្តកំពត។
គួរបញ្ជាក់ផងដែរថា ការបង្ក្រាបបទល្មើសព្រៃឈើនេះចាំមើល សមត្ថកិច្ច ឃាត់រថយន្ត បានប៉ុន្មានម៉ោង ប៉ុន្មានដង្ហើមចង្រិត ព្រោះមានប្រភពមួយទម្លាយថា ឈ្មួញឈើឈ្មោះនិត កំពុងតែ ដុតដៃដុតជើង ស្វះស្វែង អ្នកតូចអ្នកធំ ដើម្បីដោះលែងឡាន (លឺថាឈើថ្មីច្រើនហើយកំពុងត្រូវរត់ការពិន័យជាឈើថ្មីច្រើនគិប មកជាឈើតិចគិបវិញ មហាជនកំពុងតែចាំមើលតើកាពិន័យរបស់គេយ៉ាងណា) ។
ឈ្មោះ ត្រាជាម្ចាស់រថយន្តដែលសំគំនិតគ្នាជាមួយឈ្មោះនិត ហើយកំពុងរួមគ្នារត់ការពីឈើច្រើនមកឈើតិច ហើយឈើត្រានឹងក៏ជាឈ្មួយឈើដុសស្លែម្នាក់ដែរនៅស្រុកសណ្តាន់ ៕
