(បាត់ដំបង) ÷ ថ្ងៃទី04.7.2021 វេលាម៉ោង9:30នាទី នៅភូមិកម្មករ សង្កាត់ស្វាយប៉ោ ក្រុងបាត់ដំបង អនុវត្តតាមបទបញ្ជា ឯកឧត្តម ឧត្តមសេនីយ៍ទោ សាត គឹមសាន ស្នងការ នៃស្នងការដ្ឋាននគរបាលខេត្តបាត់ដំបង និងដោយបានការសម្របសម្រួលនីតិវិធី ពីឯកឧត្តម កែវ សុជាតិ ព្រះរាជអាជ្ញា អមសាលាដំបូងខេត្តបាត់ដំបង លោកវរសេនីយ៍ឯក ពេជ្រ សារ៉ែន អធិការ នៃអធិការដ្ឋាននគរបាលក្រុងបាត់ដំបង បានដឹកនាំកម្លាំងជំនាញ នៃអធិការដ្ឋាននគរបាលក្រុងបាត់ដំបង បានធ្វើការឃាត់ខ្លួនជនសង្ស័យឈ្មោះ យិន លីនហឺ ភេទប្រុស អាយុ26ឆ្នាំ មានទីលំនៅភូមិអូរតាគាំ2 សង្កាត់ទួលតាឯក ក្រុងបាត់ដំបង មកកាន់អធិការដ្ឋាននគរបាលក្រុងបាត់ដំបង ដើម្បីធ្វើការសាកសួរពាក់ព័ន្ធករណីលួចកាត់ខ្សែរភ្លើងរបស់ជនរងគ្រោះនៅភូមិអញ្ចាញ សង្កាត់អូរចារ ក្រុងបាត់ដំបង ។
ជនសង្ស័យបានសារភាពថាពិតជាបានធ្វើសកម្មភាពលួចកាត់ខ្សែរភ្លើងនៅភូមិ-សង្កាត់ខាងលើពិតប្រាកដមែន សមត្ថកិច្ចដកហូតបានកន្ត្រៃចំនួន 1 ផ្លែស្វានចំនួន 1 ដង្កាប់ចំនួន1 កាបូបស្ពាយពណ៌ខៀវចំនួន 1 និងសម្ភារៈមួយចំនួនទៀត ។
ជនសង្ស័យ និងវត្ថុតាង កម្លាំងជំនាញនៃអធិការដ្ឋាននគរបាលក្រុងបាត់ដំបង កំពុងរៀបចំសំណុំរឿងបញ្ជូនទៅការិយាល័យជំនាញ នៃស្នងការដ្ឋាននគរបាលខេត្តបាត់ដំបង ដើម្បីចាត់ការតាមនីតិវិធី ។
