បាត់ដំបង៖ ពិធីបុណ្យចេញព្រះវស្សាប្រណាំងទូក ចាប់ពីថ្ងៃទី១៥ តុលា ២០១៦វេលាម៉ោ២រសៀល តទៅក្នុងបវេណក្រុងបាត់ដំបងតាមបណ្តោយដងស្ទឹងសង្កែ មានពិធីប្រណាំងទូកឆ្នាំនេះ គឺជាការរៀបចំ លើកទី១៦ដែលគណៈកម្មាធិការៀបចំពិធីប្រណាំងទូកបានរៀបចំមិនខុសពីឆ្នាំមុនៗ គឺរៀបចំឲ្យត្រូវ នឹង ថ្ងៃចេញព្រះវស្សាគឺជាថ្ងៃ ១៤-១៥កើតខែអស្សុជដោយផ្សារភ្ជាប់ទៅតាមទំនៀមទំលាប់ជាប្រពៃណីជាតិ និងវប្បធម៍របស់បងប្អូនប្រជាពលរដ្ឋក្នុងខេត្តបាត់ដំបងហើយបានប្រារព្វឡើងជាប្រចាំឆ្នាំនិងជាប្រពៃណីជាតិដោយរដ្ឋបាលខេត្តបានរៀបចំឡើងរៀងរាល់ឆ្នាំក្រោមអធិបតីភាព។
ឯ.ឧ ចន្ទ សុផល អភិបាល នៃគណៈអភិបាលខេត្តព្រមទាំងឯកឧត្តម លោកឧកញា លោកជំទាវ លោក លោកស្រីភ្ញាវជាតិ អន្តជាតិ និងភ្ញាវកិត្តិយសបងប្អូនប្រជាពលរដ្ឋបានចូលរួមក្នុងពិធីចេញព្រះវស្សា និង ប្រណាំងទូកនាឱកាសនោះ ដែលមានទូកចំនួន២៦ ទូកខ្លីខ្នាតអន្តជាតិ បុរស៧ទូក ទូកខ្នាតខ្លីអន្តជាតិនារី៣ទូក និងទូកខ្លីប្រពៃណី ៩ទូក ទូកវែងប្រពៃណី ៣ទូកនិងទូកបើកឆាក ៤ទូក និងកីឡាករចំនួន៨៩៤នាក់និងកីឡាបំរុង២៥៩នាក់ ក្នុងនោះមានកីឡាករការិនី ៩០ នាក់ បំរុង ២៤នាក់ ។
ការរៀបចំពិធីនេះឡើងគឺបានធ្វើជាប្រចាំឆ្នាំ ដើម្បីរំលឹកអំពីគំរូវីរភាពដ៍អង់អាចក្លាហ៊ានរបស់កងទ័ពជើងទឹកនិងគោករបស់បុព្វបុរសនិងបង្ហាញពីការសាមគ្គីភាពមិត្តភាពរបស់ស្ថាប័ននានានិងប្រជាពលរដ្ឋគ្រប់មជ្ឈដ្ឋានឲ្យមានស្មារតីផុសផុលឡើងចូលរួមចំណែកលើកស្ទួយរក្សានូវវប្បធម៍ប្រពៃណីជូនដូនតារបស់ខ្មែរយើងតាំងពីបរមកាលតរៀងមក ម្យ៉ាងវិញទៀតដើម្បីបង្កភាពសប្បាយរីករាយជូនបងប្អូនប្រជាពលរដ្ឋ ។
គណៈកម្មាធិការជាតិរៀបចំបុណ្យជាតិអន្តជាតិដើម្បីជ្រើសរើសទូកដែលជាប់ចំណាត់ថ្នាក់ ទៅចូលរួមប្រណាំងនៅរាជធានីភ្នំពេញ ក្នុងព្រះរាជពិធីបុណ្យអុំទូកបណ្តែតប្រទីបសំពះព្រះខែ អកអំបុកឆ្នាំនេះនាពេលខាងមុខនេះផងដែរ ៕
ជាលទ្ធផលក្នុងការប្រលងប្រណាំងទូក ( ង )ប្រពៃណីនិងខ្នាតអន្តរជាតិ លើកទី១៦ឆ្នាំ២០១៦ លេខ១ ខ្នាតប្រពៃណី បានទៅលើ. ទូកធនាគាស្រូវ ,លេខ២ទូក.ហង្សទេព្យមានជយ័ ,ទូកលេខ៣ម៉ោងឬស្សីបារមីដំបងដែក និងទូកខ្នាតអន្តរជាតិ ចំណុះ២២នាក់វិលជុំ បានទៅលើទូកសាធារណការ សជយ័បារមីកចាយមារ ,ទូកលេខ២សជ័យបាមីគង្គា(ស ស យ ក) ,ទូកលេខ៣ផ្សោតមានជយ័ដែនដីសុវណ្ណ។ ទូកងខ្នាតអន្តរជាតិ ផ្នែកនារី លេខ១បានទៅលើ ទូកនារីសង្កមកិច្ច , ទូកលេខ២ អប់រំសែនជយ័ ទូកលេខ៣ នារីរតនះមានជយ័។ ទូកងប្រពៃណី នារីលេខ១ទូកភ័ត្រា លេខ២ទូកនរិន្ធ និលេខ៣ ទូកព្រែកលួងសជ័យ ៕
