(បន្ទាយមានជ័យ)៖ លោកជំទាវ ពុំ ចន្ទីនី អគ្គលេខាធិការកាកបាទក្រហមកម្ពុជា តំណាំងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន អញ្ជើញមកប្រកាសតែងតាំងឯកសួន បវរ ជាប្រធានកិត្តយសសាខាកាកបាទក្រហមកម្ពុជាសាខាខេត្តបន្ទាយមានជ័យ នារសៀលថ្ងៃទី៣ ខែតុលា ឆ្នាំ២០១៦ ។
ពិធីប្រកាសនេះអញ្ជើញចូលរួម លោកជំទាវ ឧកញ៉ាម៉ៅ ម៉ាល័យ កែគឹមយ៉ាន អនុប្រធានប្រធានគណៈកិត្តយសសាខាកាកបាទក្រហមកម្ពុជាខេត្ត លោកលី សារីប្រធានសាខាកាកបាទក្រហមកម្ពុជាសាខាខេត្ត និងមន្ត្រីពាក់ព័ន្ធ ជាពិសេសប្រជាពលរដ្ឋជាច្រើននាក់។
នាឱកាសនោះដែរ លោកជំទាវ ពុំ ចន្ទីនី អគ្គលេខាធិការកាកបាទក្រហមកម្ពុជាបានថ្លែងថា និងពាំនាំយកអនុសាស្ត្រសម្តេចតេជោ ហ៊ុន សែន និងសម្តេចកិត្តព្រឹទ្ធបណ្ឌិត ប៊ុន រ៉ានីហ៊ុនសែន និងផ្តាំផ្ញើគណៈអភិបាលគ្រប់ថ្នាក់ ដែលជាក្តីសង្ឃឹមរបស់សម្តេចកិត្តិព្រឹទ្ធបណ្ឌិតប្រធាន សូមមេត្តា បន្តរក្សាពង្រឹងសាមគ្គីភាពឲ្យបានជិតស្និត និងសុខដុមរមនីយ៍កម្មរវាងគណៈកិត្តយសសាខា អនុសាខា ជាមួយគណៈកម្មាធិការសាខា អនុសាខា និងក្រុមប្រតិបត្តិគ្រប់លំដាប់ថ្នាក់ ដើម្បីកៀរគរកម្លាំងសរុប និងមធ្យោបាយសរុប ដឹកនាំសាខាបន្តអនុវត្តសកម្មភាពស្របតាម បាវចនារបស់ចលនា “ ធ្វើអោយបានកាន់តែច្រើនជាងមុន ធ្វើអោយបានកាន់តែល្អជាមុន ធ្វើអោយបានកាន់តែស៊ីជម្រៅជាងមុន និងទៅអោយបានកាន់តែឆ្ងាយជាមុន ” ហើយសក្តិសមនិង ប្រធានបទប្រចាំឆ្នាំ២០១៦” កាកបាទក្រហមកម្ពុជាមានគ្រប់ទីកន្លែង សម្រាន់គ្រប់ៗគ្នា’’។
នាឱកាសនោះដែរលោក លី សារី ប្រធានសាខាកាកបាទក្រហមកម្ពុជាខេត្តបន្ទាយមានជ័យ បានថ្លែងថា ការធ្វើដំណើរបន្តពីដំណាក់កាលអនុវត្តយុទ្ធសាស្ត្រ២០១១-២០២០ ដែលជាមូលដ្ឋានគ្រិះ និងជាមេរៀនបទពិសោធន៍សម្រាប់ពង្រឹងពង្រីកសមត្ថភាពបំពេញការងារក្នុងតួនាទីជាជំនួយការឲ្យអាជ្ញាធរសាធារណៈក្នុងវិស័យមនុស្សធម៌ ហើយតួនាទីនេះកាន់តែមានការទទួលខុសត្រូវទ្វេរឡើងពី១ឆ្នាំទៅ១ឆ្នាំ ។
លោកបន្តថា ជាពិសេសដើម្បីឆ្លើយតប បញ្ហាគ្រោះមហន្តរាយដែលកាន់តែមានទំហំធំឡើងៗពី១ឆ្នាំ ទៅ១ឆ្នាំ គឺសាខាត្រូវរំពឹងលើការចូលរួមជាកម្លាំងមនុស្សធម៌ ពីសប្បុរសជននានា ពីសមាជិក ភាពគ្រប់ប្រភេទឲ្យកាន់តែច្រើនជាមុន និងប្រសិទ្ធភាពជាមុន ស័ក្តិសមជាអង្គការមនុស្សធម៌នាំមុខគេក្នុងខេត្ត ដើម្បីលើកកម្ពស់កិត្តនាម កិត្យានុភាព កាកបាទក្រហមកម្ពុជា ដឹកនាំដ៏ខ្ពងខ្ពស់ របស់សម្តេចកិត្តិព្រឹទ្ធបណ្ឌិត ប៊ុន រ៉ានីហ៊ុន សែន ជាប្រធាន ដែលមានបំណងធ្វើអោយមានការរីកចំរើនឈានទៅមុខជានិច្ច ដើម្បីក្លាយខ្លួនជាអ្នកដែលផ្តល់សេវាកម្មល្អ លើវិស័យមនុស្សធម៌ឈានមុខគេនៅប្រទេសកម្ពុជា។
នាពេលនោះលោកបានអំពាវនា និងស្នើសុំក្រសួងអប់រំ យុវជន និងកីឡា មេត្តាបញ្ជូលក្នុងកម្មវិធីសិក្សា និងសកម្មភាពរបស់កាកបាទក្រហមកម្ពុជា និងគោលការណ៍គ្រឹះចាប់ពីថ្នាក់បឋមសិក្សាឡើងទៅ។
សូមឲ្យគិតថា គ្រឿងញៀនបំផ្លាញរូបយើង គ្រួសារយើង សង្គមជាតិយើង ហេតុដូចនេះសំណូមពរ សូមយើងទាំងអស់គ្នា ជៀសឲ្យផុតពីគ្រឿងញៀន “ឆ្លើយទេចំពោះគ្រឿងញៀន’’។
ដោយគ្រោះថ្នាក់ចរាចណ៍ តែងតែកើតមានរាល់ថ្ងៃ ហេតុដូច្នេះ ផ្តើមចេញយើងទាំងអស់គ្នា សូមសំណូមពរ មេត្តាចូលរួមគោរពច្បាប់ចរាចរណ៍ទាំងអស់គ្នា។ ស្នើសុំ ឯកឧត្តម លោកឧញ៉ា លោកជំទាវ អស់លោក លោកស្រី នាងកញ្ញា ក្រុមហ៊ុន អង្គការជាតិ អន្តរជាតិ អាជីវករ គ្រប់មជ្ឈដ្ឋាន សូមមេត្តា បន្តការគាំទ្រ ឧត្ថម្ភដល់សាខាកាកបាទក្រហមកម្ពុជា ជារៀងរាល់រហូត ដើម្បីជួយដល់ជនរងគ្រោះ ដែលកំពុងដង្ហោយហៅយើងគ្រប់ពេលវេលា។
នាពេលនោះដែរ ឯកសួន បវរ ប្រធានកិត្តិយសសាខាកាកបាទក្រហមកម្ពុជា និងជាអភិបាលខេត្តបន្ទាយមានជ័យ បានថ្លែងថា ខ្ញុំសូមសម្តែងនូវការកោតសរសើរ និងវាយតម្លៃខ្ពស់ចំពោះការយកកម្លាំងកាយចិត្ត ប្រមូលផ្តុំនូវបញ្ញាញាណ សម្រេចបាននូវសកម្មភាពដ៏ឧត្តុងឧត្តម ប្រកបដោយជោគជ័យ ក្នុងអាណត្តទី៤ នេះ ជាពិសេសចំពោះការរៀបចំរចនាស័ម្ពន្ធដ៏រឹងមាំរបស់សាខា ថ្នាក់ខេត្តរហូតដល់សមាគមន៍ ដើម្បីអាចផ្តល់សេវាកម្មត្រៀមបង្ការ និងឆ្លើយតបគ្រោះមហន្តរាយ ជួយសម្រាលទុក្ខលំបាករបស់ជនរងគ្រោះ និងអ្នកងាយរងគ្រោះ ក្នុងរដ្ឋបាលរបស់ខេត្ត ប្រកបដោយប្រសិទ្ធភាព និងទាន់ពេលវេលា។
នាពេលលោកស្រី ពុំ ចន្ទីនី អគ្គលេខាធិការកាកបាទក្រហមកម្ពុជា តំណាំងសម្តេចកិត្តព្រឹទ្ធបណ្ឌិត ប៊ុន រ៉ានី ហ៊ុនសែន និងក្រុមការងារ បានចែកអំណោយដល់ប្រជាពលរដ្ឋកំពុងខ្វះខាត់ និងពលរដ្ឋរងគ្រោះចំនួន៥៦គ្រួសារ ទទួលបាន អង្ក ចំនួន៥០គីឡូក្រាម មី១កេស ត្រីខ ១យួរធំ ឃីត ១ឈុត និងថវិកាមួយចំនួន ៕
