ខេត្តប៉ៃលិន ៖ ប្រជាពលរដ្ឋក្រីក្រ ចំនួន៦គ្រួសារ រស់នៅភូមិបុស្អំ ភូមិអូរបេង ឃុំស្ទឹ ងកាច់ ស្រុកសាលាក្រៅ និងភូមិប៉ាហ៊ីជើង ភូមិវត្ត សង្កាត់ប៉ៃលិន ព្រមទាំង ភូមិអូរច្រាលើ សង្កាត់ទួលល្វា ក្រុងប៉ៃលិន បានទទួលអំណោយ ពីលោកជំទាវ បាន ស្រីមុំ អ្នកតំណាងរាស្ត្រមណ្ឌលប៉ៃលិន ។ ការចុះចែកអំណោយជូនប្រជាពលរដ្ឋក្រីក្រទាំងនេះ បានធ្វើឡើង កាលពីព្រឹកថ្ងៃទី២៦ ខែកញ្ញា ឆ្នាំ២០១៦ ដោយមានក្រុមការងារការិយាល័យតំណាងរាស្ត្រខេត្តប៉ៃលិន ជាច្រើននាក់ចូលរួមផងដែរ ។
ប្រភពព័ត៌មានបានឱ្យដឹងថា ការចុះសួរសុខទុក្ខ និងចែកអំណោយជូនប្រជាពលរដ្ឋក្រីក្រខាងលើនេះ មានដូចជា អង្ករទម្ងន់៥០គីឡូក្រាម១ការ៉ុង ត្រីខកំប៉ុង១យួរ ទឹកសុទ្ធម៉ា កអង្គរព្យូរ៉ូ២កេះ ស្ករស១គីឡូក្រាម ប៊ីចេង១ថង់ ទឹកត្រី១យួរ ទឹកស៊ីអ៊ីវ១យួរ មីខៀវ២កេះ ឃីដ១ (សារ៉ុង ក្រម៉ា ភួយ មុង) និងថវិកាចំនួន២០ម៉ឺនរៀល ដោយឡែកគ្រួសារមួយដែលប្រពន្ធកំពុងមានជម្ងឺធ្ងន់ធ្ងរ ទទួលបានថវិកាចំនួន៥០ម៉ឺនរៀល ។
ប្រភពបន្តទៀតថា បន្ទាប់ពីទទួលបានព័ត៌មានពីក្រុមការងារស្ម័គ្រចិត្តភូមិ និងលោកមេភូមិ បានរាយការណ៍ជូនទៅខាងការិយាល័យតំណាងរាស្ត្រមណ្ឌលប៉ៃលិនថា មានប្រជាពលរដ្ឋមួយចំនួនកំពុងទទួលរងការខ្វះខាត រកបានព្រឹក ខ្វះល្ងាច ហើយមានជម្ងឺផងនោះ ទើបលោកជំទាវ បាន ស្រីមុំ អ្នកតំណាងរាស្ត្រមណ្ឌលប៉ៃលិន ប្រញាប់ដឹកនាំក្រុមការងារចុះទៅចែកអំណោយជូនដល់ពួកគាត់ភ្លាមៗ តែម្តង ។
លោកជំទាវ បាន ស្រីមុំ ក៏បានជំរុញឱ្យប្រជាពលរដ្ឋ ដែលកំពុងជួបការលំបាក ដោ យខ្វះខាតស្បៀងអាហារ នាពេលនេះ ត្រូវតែខិតខំប្រឹងប្រែងធ្វើការរកស៊ីបន្ថែមទៀត ជាពិ សេសអំណោយដែលកំពុងចែកជូនទាំងនេះ គ្រាន់តែជួយដោះទ័លមួយគ្រា ខ្លីប៉ុណ្ណោះ ។
ម្យ៉ាងវិញទៀត បានលើកទឹកចិត្តឱ្យបងប្អូនប្រជាពលរដ្ឋទាំងអស់កុំភ្លេចទៅចុះឈ្មោះបោះឆ្នោតឃុំសង្កាត់ ។
ចំណែកប្រជាពលរដ្ឋ ដែលទទួលបានអំណោយទាំងអស់ខាងលើ បានថ្លែងអំណរ គុណយ៉ាងជ្រាលជ្រៅចំពោះលោកជំទាវ បាន ស្រីមុំ អ្នកតំណាងរាស្ត្រមណ្ឌលប៉ៃលិន ដែ លបានយកចិត្តទុកដាក់ នាំយកជំនួយចុះចែកជូនដល់ពួកគាត់ ដែលកំពុងតែមានការខ្វះខាត ។ ពួកគាត់ ក៏សូមជូនពរដល់លោកជំទាវ និងក្រុមការងារតំណាងរាស្ត្រទាំងអស់ ឱ្យជួបតែសេចក្តីសុខចម្រើន ក្នុងក្រុមគ្រួសារ ក៏ដូចជាទទួលបានជោគជ័យគ្រប់ភារកិច្ចផងដែរ ៕ ដោយ ៖ នីយ៉ា
