ត្បូងឃ្មុំ ៖ រថយន្តដឹកឈើប្រណឹតមួយគ្រឿងម៉ាកកាម៉ា រីគូថស្វិតពណ៌ក្រហមបានដឹកឈើ ប្រណឹតពីខេត្តក្រចេះឆ្លងកាត់ខេត្តត្បូងឃ្មុំ ត្រូវកំលាំងប៉ូលិសសេដ្ឋកិច្ចក្រសួង ស្ទាក់ចាប់បាន ។
ហេតុការណ៍នេះបានកើតឡើងនៅវេលាម៉ោង ១២ និង ១២ នាទី ថ្ងៃទី ១២ កញ្ញា២០១៦ នេះនៅចំណុចភូមិក្ដុល ឃុំទន្លូង ស្រុកមេមត់ ខេត្តត្បូងឃ្មុំ ។
តាមប្រភពពីកន្លែងកើតហេតុបានអោយដឹងថា នៅវេលាម៉ោងខាងលើស្រាប់តែមានរថយន្ត ២ គ្រឿង ១ ម៉ាកកាម៉ារីឆ្លាមពណ៌ខ្មៅដេញរថយន្តម៉ាកកាម៉ារីស្វិតពណ៌ក្រហម តែរថយន្តពណ៌ក្រហមជារថយន្តបទល្មើសដឹកឈើប្រណឹតមិនព្រមឈប់ ទើបរថយន្តសមត្តកិច្ចបើកវ៉ាមកឈប់កណ្ដាលផ្លូវពាំងអោយរថយន្តបទល្មើសបុកចំពាក់កណ្ដាលរថយន្តសមត្តកិច្ចតែម្ដង បណ្ដាលអោយអ្នកបើកបររថយន្តបទល្មើសរងរពួសបាក់ជើងទាំងសងខាង ។
បើតាមប្រភពពីលោកអធិការស្រុមេមត់បានអោយដឹងថា ទាំងឈើទាំងរថយន្តត្រូវយកទៅរក្សាទុកនៅខ័ណ្ឌរដ្ឋបាលព្រៃឈើមេមត់ដើម្បីចាត់ការតាមច្បាប់ ។
