ខេត្តប៉ៃលិន ៖ តូបលក់ស្បែកជើង និងសំលៀកបំពាក់ចំនួន២កន្លែង នៅក្នុងផ្សារសាលាក្រៅ ក្នុងភូមិសាលាក្រៅ ឃុំសាលាក្រៅ ស្រុកសាលាក្រៅ ត្រូវបានក្រុមចោរហារយ ចួលគាស់សោទ្វារតូប ដែលម្ចាស់ចាក់សោ.ទុកចោលនៅពេលយប់ ខណៈអ្នកគ្រប់គ្រងផ្សារ ឬម្ចាស់ អត់មានជួលសន្តិសុខ ឬសមត្ថកិច្ចណាម្នាក់ឱ្យទៅយាមតូបក្នុងផ្សារ ទើបបណ្តាលឱ្យចោរសប្បាយនឹងលួចគាស់យកឥវ៉ាន់អស់ជាច្រើនរួចគេចខ្លួនយ៉ាងរលូនតែម្តង ។
រីឯម្ចាស់ផ្សារវិញ ពេលអាជីវករ ដែលត្រូវចោរចូលលួចយករបស់របរទៅសួរនាំ បែរខឹងសម្បារ ហើយស្តីបន្ទោសទៅលើជនរងគ្រោះស្ទើរងើបមុខ មិនរួចថែមទៀតផង ។
ហេតុការណ៍នេះ បានកើតឡើងប្រហែលម៉ោង១រំលងអធ្រាត្រឈានចូលថ្ងៃទី១៣ ខែកញ្ញា ឆ្នាំ២០១៦ លុះដល់វេលាម៉ោង៥ និង៥០នាទីព្រឹក ខណៈអាជីវករ និងម្ចាស់ដើរទៅបើកតូបលក់ដូរ ក៏ឃើញទ្វារតូបរបើក បង្កឱ្យមានការភ្ញាក់ផ្អើលតែម្តង ។
ប្រភពព័ត៌មានបានឱ្យដឹងថា ម្ចាស់តូបទី១ មានឈ្មោះ ជឹម វ៉ាន ភេទប្រុស អាយុ៣៧ឆ្នាំ ជាអាជីវករ មានប្រពន្ធ ឈ្មោះ សួង ដារី អាយុ៣៦ឆ្នាំ រស់នៅភូមិទួលខ្ពស់ ឃុំស្ទឹង ត្រង់ ស្រុកសាលាក្រៅ ត្រូវចោរលួចអស់ខោ ខាវប៊យប្រហែល៧០ខោ និងកន្សែងអស់ជាច្រើន ម្ចាស់តូបទី២. ឈ្មោះ ង៉ែត មុំ អាយុ៦៣ឆ្នាំ រស់នៅភូមិវាល ឃុំស្ទឹងត្រង់ ស្រុកសាលាក្រៅ ត្រូវចោរលួចអស់ខោអាវកីឡា ជាច្រើនកំប្លេ និងស្បែកជើងកីឡាមួយចំនួនផងដែរ ។
ប្រភពព័ត៌មានពីម្ចាស់តូបទាំងពីរខាងលើ បានឱ្យដឹងថា ជារៀងរាល់យប់ គាត់តែង តែចាក់សោ.តូប រួចនាំគ្នាត្រឡប់ទៅផ្ទះរៀងៗខ្លួន លុះដល់វេលាម៉ោង៥ព្រឹកថ្ងៃកើតហេតុ ខណៈអ្នកផ្សេងដើរទៅបើកតូបលក់ដូរ ស្រាប់តែឃើញតូបរបស់ពួកគាត់នៅក្បែរគ្នារបើកសោ.ទ្វារ ក៏ប្រាប់ម្ចាស់ឱ្យទៅមើលហើយឃើញបាត់អស់សំលៀកបំពាក់ និងស្បែកជើងតែម្តង ។
ពួកគាត់បន្តទៀតថា នៅក្នុងផ្សារសាលាក្រៅនេះ ជាផ្សារឯកជន ដែលមានម្ចាស់ឈ្មោះ វន ស៊ីថាន ភេទស្រី អាយុប្រហែល៦០ឆ្នាំ ហើយម្ចាស់ផ្សារអត់ធ្លាប់មានជួលសន្តិសុ ខ ឬអ្នកយាមឱ្យទៅចាំមើលផ្សារនៅពេលយប់នោះឡើយ ។ លើសពីនេះ បន្ទាប់ពីតូបរប ស់ពួកគាត់ ត្រូវចោរលួចគាស់យកឥវ៉ាន់ ហើយពួកគាត់ដើរទៅសួរនាំ ស្រាប់តែកូនម្ចាស់តូបស្តីបន្ទោសដល់ពួកកាត់ស្ទើរងើបមុខមិនរួច ដោយនិយាយថា ម្ចាស់ផ្សារមិនមែនជាអ្នកដេកចាំឥវ៉ាន់របស់អាជីវករឡើយ ការបាត់បង់នោះគឺតែទទួលខុសត្រូវដោយខ្លួនឯង ។ ម្យ៉ាងវិញទៀត ពួកគាត់ចង់ឱ្យម្ចាស់ផ្សារ រៃអង្គាសពីអាជីវករ ដើម្បីយកប្រាក់ទៅជួលសន្តិសុខឱ្យដើរយាមនៅពេលយប់ ដើម្បីរក្សាសន្តិសុខសណ្តាប់ធ្នាប់ក្នុងផ្សារផងដែរ ។
បន្ទាប់ពី ចោរចូលគាស់តូបដូច្នេះម្នាក់ៗមានការខ្លាចរអាយ៉ាងខ្លាំង ដោយសំណូមពរដល់អាជ្ញាធរមូ លដ្ឋានមេត្តាយកចិត្តទុកដាក់ចំពោះសន្តិសុខសណ្តាប់ធ្នាប់ប្រជាពលរដ្ឋផងដែរ ។
ពាក់ព័ន្ធទៅនឹងបញ្ហានេះ ភ្នាក់ងារយើងបានទាក់ទងទៅលោក ស្រីវន ស៊ីថាន ជាម្ចាស់ផ្សារខាងលើ ដើម្បីបំភ្លឺចំពោះករណីក្រុមចោរចូលគាស់តូបអាជីវករលួចយកអស់សម្ភារៈ និងឥវ៉ាន់ តែបិទទូរស័ព្ទមិនអាចទាក់ទងបានឡើយ ។
សូមបញ្ជាក់ផងដែរថា ផ្សារសាលាក្រៅ ធ្លាប់ត្រូវបានក្រុមចោរចូលទៅដាក់ថ្នាំសណ្តំ យកប្រាក់ពីអាជីវករអស់ជាច្រើនកាលពីប៉ុន្មានខែកន្លងទៅនេះ ខណៈផ្សារឯកជនមួយ នេះ អត់មានសមត្ថកិច្ចនគរបាលឬសន្តិសុខសូម្បីតែម្នាក់ឈរយាមរក្សាសន្តិសុខនោះឡើ យ ។ ម្យ៉ាងវិញទៀត នៅក្នុងផ្សារមួយនេះ ឱ្យតែមានក្រុមអ្នកដើរសុំទានប្រុសស្រីចូលជាញឹកញាប់ តែងតែមានករណីដូចខាងលើផងដែរ ៕
ដោយ ៖ នីយ៉ា
