ខេត្តប៉ៃលិន ៖ ប្រជាកសិករម្នាក់ កំពុងកាក់កបនឹងរបរដាំបន្លែ ទំពាំងបារាំង នៅក្នុងចម្ការក្រោយផ្ទះរបស់ខ្លួន ដែលជាបន្លែអន្លក់ម្យ៉ាង ទើបនាំគ្រាប់ពូជចូលមកពីប្រទេសថៃ ហើយក្នុងមួយថ្ងៃៗ គាត់ដកខ្នែងទំពាំងនេះ លក់នៅក្នុងភូមិ និងតាមផ្សារ បានប្រាក់ចាប់ពី៤០ទៅ៥០ម៉ឺនរៀលឯណោះ ។ ដូច្នេះការដាំបន្លែនេះ បានជួយដោះស្រាយបញ្ហាជីវភាពក្រុមគ្រួសាររបស់គាត់ ខណៈដំណាំពោត និងដំឡូងមី មានរយៈពេលយូរ ទើបប្រមូលផលយកទៅលក់នៅតាមស្តង់ក្នុងក្រុងប៉ៃលិន ។
ជាក់ស្តែងកាលពីវេលាម៉ោង៣ និង៣០នាទីរសៀលថ្ងៃទី២៩ ខែសីហា ឆ្នាំ២០១៦ កន្លងទៅនេះ មានបុរសម្នាក់ឈ្មោះ វ៉ាន់ សុខម៉ៅ អាយុ៤៧ឆ្នាំ មានប្រពន្ធ ឈ្មោះ លឹម សុភាព អាយុ៤៧ឆ្នាំដូចគ្នា រស់នៅភូមិក្រចាប់ក្រោម សង្កាត់អូរតាវ៉ៅ ក្រុងប៉ៃលិន កំពុងប្រ មូលផលបន្លែអន្លក់ទំពាំងបារាំង ដែលខ្លួនដាំ៥ទៅ៦ពាន់គុម្ព ។
ប្រភពព័ត៌មានពីលោក វ៉ាន់ សុខម៉ៅ បានរៀបរាប់ឱ្យដឹងថា គាត់បានទទួលទិញពូជបន្លែអន្លក់ទំពាំងបារាំងនេះ ពីបុរសម្នាក់ ឈ្មោះ ញឹក សាន់ អាយុ៥០ឆ្នាំ រស់នៅក្រុងប៉ៃលិន ដោយនាំចូលមកពីប្រទេសថៃ ។ គាត់ទិញគ្រាប់ ក្នុង១គីឡូក្រាមតម្លៃ៨ពាន់បាត (ប្រាក់ថៃ) ជាង៨០ម៉ឺនរៀល ។ លោកបន្តទៀតថា ក្រោយពីទទួលពូជ និងមានការបង្រៀនពីអ្នកជំនា ញមកពីប្រទេសថៃ និងបុរសខាងលើ ឱ្យបណ្តុះគ្រាប់ រួចក៏ដកយកទៅដាំក្នុងចម្ការ ចន្លោះពី១ដើមទៅ១ដើម ប្រវែង៥តឹក និងវាស់រងឃ្លាតពីគ្នាប្រវែង១ម៉ែត្រកន្លះ ហើយបានរៀបទុយោ ស្រោចទឹកជារៀងរាល់ថ្ងៃ ។ បើគ្មានទឹកគ្រប់គ្រាន់ បន្លែអន្លក់ប្រភេទនេះ អាចប្រឈមនឹងក្រៀមស្វិតងាប់ ហើយមានខ្នែងមិនសូវធំល្អ ។
លោកបញ្ជាក់ទៀតថា ពេលនេះក្រុមគ្រួសាររបស់លោក លែងភ័យព្រួយខ្វះមុខខ្វះក្រោយទៀតហើយ ព្រោះទទួលបានប្រាក់ចំ ណូលប្រចាំថ្ងៃ ហើយមានប្រជាពលរដ្ឋធ្វើដំណើរមកតាំងពីភ្នំពេញ បាត់ដំបង និងនៅក្នុងខេត្តប៉ៃលិន ចូលទៅទិញបន្លែរបស់លោកដល់ផ្ទះតែម្តង ។ នៅថ្ងៃខ្លះដកខ្នែងទំពាំងពីរទៅ បីដង ដាក់លក់ស្ទើរតែមិនទាន់ ព្រោះគេចូលចិត្តហូបបន្លែប្រភេទនេះខ្លាំងណាស់ ។
ចំណែកលោក ញ៉ឹក សាន់ រស់នៅភូមិប៉ាហ៊ីជើង សង្កាត់ប៉ៃលិន ក្រុងប៉ៃលិន ជាឈ្មួ ញ នាំគ្រាប់ទំពាំងបារាំង ចូលទៅលក់ឱ្យកសិករដាំនៅក្នុងក្រុងប៉ៃលិន បានឱ្យដឹងថា ការដាំបន្លែទំពាំងបារាំងនេះ មានរយៈពេលចាប់ពី៤ ទៅ៥ខែ នោះអាចប្រមូលផលបាន ហើយ តាំងពីដាំរហូតដល់ដើមនោះងាប់ទៅវិញ មានរយៈពេល១០ឆ្នាំឯណោះ ។
លោកបន្តទៀតថា នៅប្រទេសថៃ គេដាំតែកន្លះហិកតា នោះអាចរកបានប្រាក់ចំណូលរាប់ពាន់បាត ក្នុងមួយថ្ងៃៗ ដោយគ្រាន់តែថែទាំដកស្មៅ និងស្រោចទឹកជាប្រចាំប៉ុណ្ណោះ មិនត្រូវការប្រើជីគីមីអ្វីនោះឡើយ គ្រាន់តែប្រើជីលាមកគោ ក្របី មាន់ទា ប៉ុណ្ណោះ ហើយបើប្រជាពលរដ្ឋនៅខេត្តប៉ៃលិន មានដីដាំដំឡូងមីច្រើនហិកតា សូមឱ្យទុកមួយចំនែកតូច ដើម្បីដាក់ដាំបន្លែទំពាំងបារាំង នោះនឹងមានលុយសល់ សម្រាប់ចាយវាយប្រចាំថ្ងៃចិញ្ចឹមក្រុមគ្រួសារជាក់ជាមិនខានឡើយ ។
ម្យ៉ាងវិញទៀត បើសិនជាគ្មានទីផ្សារលក់ដូរនោះទេ សូមប្រមូលផលយ កមកលក់ជូនលោកវិញ ដើម្បីឱ្យលោកនាំចេញទៅលក់នៅប្រទេសក្រៅដូចជាប្រទេសថៃ ចិន និងប្រទេសផ្សេងៗ ទៀតច្រើន ដោយក្នុង១គីឡូក្រាម ទទួលទិញតម្លៃ៤ពាន់រៀល ។ លោកបញ្ជាក់ទៀតថា នៅក្នុងខេត្តប៉ៃលិន ទើបតែមានកសិករម្នាក់ដាំបន្លែនេះ ហើយក៏ទ ទួលបានផលជាទីគាប់ចិត្ត ព្រោះបន្លែនេះអាចយកទៅធ្វើម្ហូប ដូចជាស្ងោរ ស្ល ហូបជាអន្លក់ក៏បានដែរ ។
បើចង់បានគ្រាប់ពូជបន្លែទំពាំងបារាំងប្រភេទថ្មីនេះយកទៅដាំសាកល្បងមើ ល សូមទាក់ទងតាមលេខទូរស័ព្ទ ០៩៧ ៧ ៨២ ៨៣ ៣៤ ៕
ដោយ ៖ នីយ៉ា
