ភ្នំពេញ ៖ នាព្រឹកថ្ងៃសៅរ៍ ទី ២៧ ខែសីហា ឆ្នាំ២០១៦ វេលាម៉ោង ៨៖០៥ នាទី ឯកឧត្តម ឧត្តមសេនីយ៍ឯក រ័ត្ន ស្រ៊ាង មេបញ្ជាការកងរាជអាវុធហត្ថរាជធានីភ្នំពេញ និងជាប្រធានក្រុមការងារចុះជួយសង្កាត់ព្រែកកំពឹស ខណ្ឌដង្កោ រាជធានីភ្នំពេញ បានអញ្ជើញនាំយកអំណោយសម្តេចអគ្គមហាសេនាបតីតេជោ ហ៊ុន សែន ទៅចែកប្រជាពលរដ្ឋក្រីក្រ ទុរគតជន ចំនួន ៥ភូមិ ក្នុងសង្កាត់ព្រែកកំពឹស ។
ភ្ញៀវរួមដំណើរមាន លោក ជ គឹមស៊ អភិបាលរងខណ្ឌដង្កោ, លោក កន សុរកន ចៅរងសង្កាត់ ព្រែកកំពឹស ព្រម ទាំងឯកឧត្តម អស់លោក ក្រុមយុវជនកាកបាទក្រហមកម្ពុជា ខណ្ឌដង្កោជាច្រើនរូបទៀតបានអញ្ជើញចូលរួម ។
ឯកឧត្តម បានអញ្ជើញទៅកាន់ភូមិដំណាក់សង្កែ ដែលមានជនទុរគតក្រីក្រ ដែលមានកូនក្រមុំមួយវិកលចារឹកត្រូវបានជនអន្ធពាលចាប់ រំលោភ បានកូនបួននាក់មិនដឹងជាឪពុកមួយណាស្ត្រីមេម៉ាយឈ្មោះ ពុំ សុផល អតីតជាគ្រូបង្រៀនដែលរស់នៅក្នុងខ្ទមកំសត់ លេចលើលេចក្រោម គួរឱ្យអនិច្ចារ្យ ឯកឧត្តម ក៏បានជួយផ្តល់ថវិកាចំនួន ២០ម៉ឺនរៀល សម្ភារៈរួមមាន ៖ អង្ករ ៣បាវ ទឹកសុទ្ធ ២កេស ទឹកស៊ីអ៊ីវ ២យួរ ទឹកត្រីខ ២យួរ នំប៉័ង-នំប៉ាវ ៣កញ្ចប់ ។ ហើយឯកឧត្តមសន្យាថា និងជួយសាងសង់ផ្ទះឱ្យ បានស្អាតជូនលោកយាយ និងជូនថវិកាប្រចាំជារៀងរាល់ខែចំនួន ២០ម៉ឺនរៀល ។ បន្ទាប់មកទៀត ឯកឧត្តម ប្រធានក្រុម ការងារបានអញ្ជើញទៅកាន់ផ្ទះលោកយាយ ម៉ៅ អឿង និងកូនឆ្មោះ អុន សុខុម នៅក្នុងភូមិដំណាក់សង្កែ ដោយបានចែក ជូនសម្ភារៈ អង្ករ ២បាវ និងថវិកា ២០ម៉ឺនរៀលផងដែរ ។
ឯកឧត្តម បន្តទៅកាន់ផ្ទះបងស្រី ឡង់ ស៊ីនួន ភេទស្រី នៅក្នុងភូមិព្រែករទាំង ដែលក្រីក្ររស់ក្នុងខ្ទមជរាជួយស្តារ ប្រឡាយមុខផ្ទះ កុំឱ្យទឹកហូរចូលផ្ទះ និងចែកសម្ភារៈ និងថវិកាដូចៗគ្នា បន្ទាប់ចេញពីផ្ទះបងស្រី ឡង់ ស៊ីនួន ។
ឯកឧត្តម បន្តទៅកាន់ផ្ទះបងស្រី ប្រាជ្ញ ចែម អាយុ ៥៩ឆ្នាំ នៅក្នុងុភូមិព្រែករទាំងដែរ ដោយបានប្រគល់សម្ភារៈ និងថវិកាដូចៗគ្នាផងដែរ ។ ចូលដល់ភូមិស្រីស្នំ លោកតា លោកយាយចាស់ជរា ពីរនាក់ប្តី-ប្រពន្ធ នូវថវិកានឹងសម្ភារៈដូចៗគ្នា ។
នៅចុងបញ្ចប់ឯកឧត្តម បានអញ្ជើញទៅចូលរួមបុណ្យសពដែលស្ថិតនៅក្នុងភូមិព្រែកកំពឹស សង្កាត់ព្រែកកំពឹស ដោយបានចូលបុណ្យសពចំនួន ៨០ម៉ឺនរៀល និងថែមថវិកាផ្ទាល់ខ្លួន ១០០ដុល្លារបន្ថែមទៀត លោក ជ គឹមស៊ អភិបាលរង ខណ្ឌដង្កោ ៤០ដុល្លារ និងហូបបាយរួមដោយភាពរីករាយ ៕
