ខេត្តបន្ទាយមានជ័យ៖ ភ្នាក់ងារយកព័ត៌មានប្រចាំខេត្តភាគខាងលិចបានទទួលពីប្រភពព័ត៌មាន ដើម្បីផ្សព្វផ្សាយអោយដឹងថាៈ កាលពីវេលាម៉ោង១១ថ្ងៃត្រង់ នៅថ្ងៃទី២២ ខែសីហា ឆ្នាំ២០១៦ មានករណីឈ្មួញនាំទំនិញគេចពន្ធពីប្រទេសថៃចូលមក កម្ពុជាយើងយ៉ាងរលូន តាមរយៈការបើកភ្លើងខៀវពីលោក ឡាយ ចន្ថា មេច្រកទ្វារអូរបីជាន់ ឋិតនៅភូមិក្បាលស្ពាន ក្រុងប៉ោយប៉ែត ខេត្តបន្ទាយមានជ័យ។
ទំនិញគេចពន្ធដែលជាការបើកដៃពីមេច្រកទ្វារអូរបីជាន់ឲ្យឈ្មួញនាំចូលនាពេលនោះ មានដូចជា មាន់ ជ្រូក ចំណីសត្វគ្រប់ប្រភេទ។ ជាការពិតណាស់នៅពេលដែលមានទំនិញគេចពន្ធចេះតែប្រព្រឹត្តទៅបានយ៉ាងនេះ គឺជាការខាតបង់ថវិការដ្ឋ គឺរដ្ឋមិនបានទទួលចំណូលនោះទេព្រោះលុយនោះបែរជាហូរចូលហោប៉ៅបុគ្គលទៅវិញ។ ម្យ៉ាងទៀតទង្វើរបស់លោកមេច្រកទ្វារអូរបីជាន់ ឈ្មោះ ឡាយ ចន្ថា នាពេលនេះក៏មានឈ្មោះថា ជាអំពើពុករលួយពិតប្រាកដ។
ជាចុងក្រោយ គេតែងធ្វើការសន្និដ្ឋានថា មេច្រកទា្វរព្រំដែន ឈ្មោះ ឡាយ ចន្ថា មិនបានធ្វើការបម្រើជាតិនោះទេ គឺបែរជាធ្វើការបម្រើតែបុគ្គលខ្លួនឯង តាមរយៈពាក្យស្លោកបុរាណពោលថា”ឃ្វាលគោជិះគោ ឃ្វាលក្របីជិះក្របី” ឬជាត្រីងៀតឆ្លៀតពងមែនហើយ ៕
