ខេត្តមណ្ឌលគីរី ៖ លោក កាន់ ពេញ អធិការក្រុងសែនមនោរម្យនៅបានអោយដឹងថា រោងសិប្បកម្មមួយកន្លែងដែលមានម្ចាស់ផ្ទះជាមន្ត្រីរដ្ឋបាលព្រៃឈើ ខេត្តមណ្ឌលគិរី បានជួលអោយជនជាតិវៀតណាមបើកសិប្បកម្មនឹងមានការសង្ស័យលួចប្រើប្រាស់គ្រឿងញៀននិងប្រព្រឹត្តបទល្មើសព្រៃឈើនោះកម្លាំងអធិការក្រុងសែនមនោរម្យបានបើកប្រត្តិបត្តការចូលឆែកឆេរ កាលពីថ្ងៃទី១២ សីហា២០១៦ ក្រោមការសំរបសំរួលពីព្រះរាជអជ្ញារងអមសាលាដំបូងខេត្តមណ្ឌលគិរី លោកសូ សុវិជ្ជា និងវរះ សេនីយ៍ ឯកម៉ី អាន ស្នងការរងទទូលផែនប្រឆាំងបទល្មើសសេដ្ឋកិច្ច។
ផ្ទះជួលដែលសមត្ថកិច្ចមូលដ្ឋានឆ្មក់ចូលឆែកឆេរជាកម្មសិទ្ធរបស់លោក សារ៉ូ រតនា នាយរងខណ្ឌរដ្ឋបាលព្រៃឈើ មណ្ឌលគិរី មានទីតាំងក្នុងភូមិដោះក្រមុំ សង្កាត់សុខដុម ក្រុងសែនមនោរម្យ សមត្ថកិច្ចបានរកឃើញជនអន្តោប្រវេសន៍ ជាជនជាតិវៀតណាមចំនួន០៥នាក់ ឧបករណ៍ជក់គ្រឿងញៀនមួយចំនួន រួម ទាំងឈើប្រណិតចំនួន១១១ដុំ ថែមទៀត។
អធិការនគរបាលក្រុងសែនមនោរម្យលោក កាន់ ពេញបានអោយដឹងនៅថ្ងៃសៅរ៍នេះថា ទីតាំងដែលសមត្ថកិច្ចចូល ឆែកឆេរជាកម្មសិទ្ធនាយរងខណ្ឌរដ្ឋបាលព្រៃឈើខេត្តម្នាក់នោះ ជំនាញបានចាប់ខ្លួនជនសង្ស័យ ដែលជាជនជាតិ វៀតណាម បានចំនួន០៥នាក់ ក្នុងនោះរួមមាន:១.ឈ្មោះ ង្វៀន វឹង ភេទប្រុស អាយុ៣០ឆ្នាំ ២.ឈ្មោះ វ៉ូ វ៉ាន់ជីង ភេទប្រុស អាយ៤០ឆ្នាំ ៣.ឈ្មោះ និញ កាស៊ី ភេទប្រុស អាយុ៤០ឆ្នាំ ៤.ឈ្មោះ ម៉េង ឡាយ ភេទប្រុស អាយុ៣៨ឆ្នាំ ៥. ឈ្មោះ ឃុំ ប៊ុនណាត ទាំង០៥នាក់ជាជនជាតិវៀតណាម ចំនែកឈ្មោះឃុំ ប៊ុនណាតជាជនជាតិវៀត ណាមនោះ ត្រូវគេស្គាល់ថា ទើបតែទិញឈ្មោះខ្មែរ ហើយមកដល់មណ្ឌលគិរីនេះក៏ត្រូវសមត្ថកិច្ចចាប់ ខ្លួនតែម្តង។
លោកអធិការបញ្ជាក់ថា ក្នុងការឃាត់ខ្លួននេះសមត្ថកិច្ចក៏បានរកឃើញ ថង់សម្រាប់វិចខ្ចប់ និងប្រើប្រាស់រួចចំនួន ១១ថង់ កន្ទោងអាលុយមីញ៉ូមសម្រាប់ប្រើប្រាស់ចំនួន០៣ ដែកកេះចំនួន០៣ ដបទឹកសម្រាប់ជក់ចំនួន០១ បង្កាន់ ដៃត្រួតពិនិត្យជនអន្តោប្រវេសន៍ រួមនឹងឈើប្រណិតចំនួន១១១ដុំ ផងដែរ ។ ក្រោយបញ្ចប់ការឆែកឆេរភ្លាម នគរបាល ក្រុងបានបញ្ជួនជនសង្ស័យទៅស្នងការដ្ឋាននគរបាលខេត្តមណ្ឌលគិរី ដើម្បីសួរនាំបន្ថែម។ចំណែកឈើ ប្រណិត ទាំងអស់ត្រូវបានប្រគល់អោយទៅកាន់ខណ្ឌរដ្ឋបាលព្រៃឈើ រឹបអូសយកទៅរក្សាទុកបន្ត។
លោក ឡែវ ប៉ុន នាយរងការិយាល័យបង្ក្រាបគ្រឿងញៀននៃស្នងការដ្ឋាន បានអោយដឹងថា សមត្ថកិច្ចបានធ្វើតេស្តទឹកនោមលើជនសង្ស័យទាំងនោះ រកឃើញថា ពួកគេបានសែបគ្រឿងញៀនពិតមែន និងបានបញ្ជួនទៅឃុំឃាំងនៅក្នុងបន្ទ ប់ឃុំឃាំងនៃស្នងការដ្ឋានចំនួន០៤នាក់ ត្រៀមបញ្ជួនទៅកាន់សាលាដំបូងនៅព្រឹកថ្ងៃអាទិត្យដើម្បីចាត់ការបន្ត ដោយឡែកឈ្មោះឃុំ ប៊ុនណាត ត្រូវបាន ជំនាញខណ្ឌរដ្ឋបាលព្រៃឈើនាំយកទៅសួរនាំពាក់ព័ន្ធជាមួយសិប្បកម្ម កែឆ្នៃ ឯខណ្ឌរដ្ឋបាលព្រៃឈើមណ្ឌលគិរី។
ពាក់ព័ន្ធជាមួយនិងការរឹបអូសឈើប្រណិតក្នុងករណីជាមួយគ្នានេះ លោកវង្ស សុកសេរី នាយខណ្ឌរដ្ឋបាលព្រៃឈើ មិនអាចទំនាក់ទំនងតាមរយះទូរស័ព្ទបាននោះទេ ។
ជាមួយគ្នានេះលោក សារ៉ូ រតនា ដែលគេអះអាងថាបានផ្តល់ទីតាំង អោយជនជាតិវៀតណាមនោះ បានត្រឹមឆ្លើយហេឡូ ហេឡូ ក្រោយភ្នាក់ងារយើងប្រាប់ថា ជាអ្នកកាសែតនោះក៏បិតទូរស័ព្ទចោល។
ដោយឡែក លោក សូ សុវិទ្យា ព្រះរាជអាជ្ញារងអមសាលាដំបូងខេត្តមណ្ឌលគិរី បាននិយាយថា លោកមិនប្រាកដថាទីតាំងខាងលើជាកម្មសិទ្ធរបស់អ្នកណានោះទេ កំពុងតែស្រាវជ្រាវ ហើយសមត្ថកិច្ចរកឃើញឈើជាង១០០កំណាត់តូច ចំណែកជនជាតិវៀតណាមទាំងនោះ ប្រគល់អោយប៉ូលិសសាលសួរបន្ថែមសិន ទើបធ្វើតាមនីតិវិធី ។
