(ភ្នំពេញ)៖ «បេះដូងអ្នកម្តាយ» ជាចម្រៀងមួយបទ ដែលបានបង្ហាញពីទឹកចិត្ដសប្បុរស សណ្ដោសប្រណី មេត្ដា ករុណា ប្រកបដោយព្រហ្មវិហារធម៌ របស់សម្ដេចកិត្ដិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ក្នុងការគិតគូរពុះពារ ទោះក្ដៅរងារ ទីឆ្ងាយឬជិត មិនខ្លាចនឿយហាត់ ចុះជួយសម្រាលការលំបាករបស់ប្រជាពលរដ្ឋរងគ្រោះ និងងាយរងគ្រោះបំផុត ភ្លាមៗទាន់ពេលវេលា។
ដោយសារទឹកចិត្ដដ៏សប្បុរសរបស់ អ្នកម្ដាយមនុស្សធម៌ សម្ដេចកិត្ដិព្រឹទ្ធបណ្ឌិត ប៊ុន រ៉ានី ហ៊ុនសែន, គណៈគ្រប់គ្រង សាស្ត្រាចារ្យ បុគ្គលិក សិស្ស និងនិស្សិត នៃវិទ្យាស្ថានវីឌីស៊ី កោតសរសើរ និងរំភើបចិត្ដយ៉ាងខ្លាំងនឹងសកម្មភាពរបស់អ្នកម្តាយមនុស្សធម៌ បានរួមគ្នានិពន្ធបទចម្រៀងថ្មីមួយបទ «បេះដូងអ្នកម្តាយ»៕
