មនុស្សយើងម្នាក់ៗមានស្មារតីចិត្តគំនិតផ្សេងៗគ្នា អ្នកខ្លះមានចិត្តស្លូតបូត ស្មោះត្រង់ខ្លះទៀត កាចសាហាវ យង់ឃ្នង គ្មានត្រាប្រណី គ្មានមេត្តា ចំពោះអ្នកមានឋានៈតូចតាចជាងខ្លួន អ្នកក្រីក្រស្លូតត្រង់យកអំណាចរបស់ខ្លួនមកគៀបសង្កត់ប្រជា ជន ប៉ុន្តែបុគ្គលខ្លះ ទោះបីជាខ្លួនមានឋានៈខ្ពង់ខ្ពស់ ជាអ្នកដែលមានទ្រព្យសម្បត្តិស្តុកស្តម្ភ ប៉ុន្តែចារិកកិរិយាមាយាទ ស្លូតបូត ដឹងខុសដឹងត្រូវ មានក្រមសីលធម៌ ស្អាតស្អំ ស្រឡាញ់អ្នកក្រីក្រ ជួយអ្នកក្រីក្រ ពេលមានអាសន្ន អន់ក្រមានទុក្ខធុរៈខ្វះខាត អង្ករ ម្ហូបអាហារ តែងតែផ្តល់ជូនជានិច្ចជាកាល ។
យើងក្រឡេកមើលវីរៈភាព សម្តេចតេជោ និងសម្តេចកិត្តិព្រឹទ្ធបណ្ឌិត ដែលលោកផុសចេញពីវណ្ណៈក្រីក្រ និងធ្វើជា កូនសិស្សលោក និងរស់នៅផ្ញើប្រាណ និងលោក រៀនសូត្រ ក្រោមឱវាទលោករហូតដល់សម្តេចមានប្រវត្តិតស៊ូរំដោះជាតិ មាតុភូមិ និងក្លាយជានាយករដ្ឋមន្ត្រីនៃព្រះរាជាណាចក្រកម្ពុជាទាំងមូល កសាងអភិវឌ្ឍន៍ប្រទេសជាតិ ស្តារសេដ្ឋកិច្ចជាតិឱ្យ ដំណើរការជឿនលឿនឥតគណនានេះ គឺដោយសារស្មារតី ទឹកចិត្តស្នេហាជាតិពិតៗ ។
យើងក្រឡេកមើលមកខេត្តប៉ៃលិនវិញម្តង គឺជាខេត្តមួយពោរពេញដោយសមរភូមិក្តៅស៊ីសាច់ហុតឈាម រវាងកងទ័ពខ្មែរក្រហម និងវីរៈកងទ័ពជាតិយើងដោយគតិបណ្ឌិតដ៏ឈ្លាសវៃរបស់សម្តេចតេជោ ហ៊ុន សែន លោកបានដោះ ស្រាយជាមួយកងទ័ពខ្មែរក្រហម ឱ្យចូលរួមរស់ជាមួយគ្នារួមសាមគ្គីគ្នាកសាងជាតិតែមួយ ។
ក្រោយសាមាហរណកម្មរួចយើងសង្កេតឃើញផ្លូវថ្នល់ ផ្លូវគ្រួសក្រហម…៘ ត្រូវបានក្រសួងគមនាគមន៍ សាធារណការ និងដឹកជញ្ជូនខេត្តប៉ៃលិន ដែលមានលោក ឌិន គឹម ជាប្រធាមមន្ទីរបានប្រឹងប្រែងតស៊ូពុះពារគ្រប់ឧបសគ្គ កសាងផ្លូវជាតិ ខ្វែងខ្វាត់ក្នុងខេត្តទៅច្រកព្រំ កម្ពុជាថៃឡង់ត៍ ផ្លូវជាតិលេខ ៥៧ គឺថែទាំជាប់ជាប្រចាំ តាំងពីព្រំប្រទល់ ខេត្តបាត់ដំបង រហូតដល់ខេត្ត លោកបានកសាងផ្លូវចាក់គ្រួសក្រហម ១៤គីឡូម៉ែត្រ នៅសង្កាត់ប៉ៃលិន ហើយសព្វថ្ងៃនេះ លោក ឌិន គឹម ទោះបីដឹងខ្លួនថានិងចូលនិវត្តន៍នៅខែ០១ ឆ្នាំ២០១៧ នេះ ក៏ដោយក៏រូបលោកនៅតែកសាង ស្ហាបនាជាតិ ស្រឡាញ់ជាតិ សព្វថ្ងៃលោកកំពុងតែជួយជីកអណ្តូងទឹកជូនប្រជាពលរដ្ឋ ដែលកំពុងតែខ្វះខាតទឹកនៅក្នុងរដូវក្តៅនេះ ហើយនៅក្នុងសង្កាត់បយ៉ាខា លោកបានធ្វើលូដាឡូ (លូប្រអប់)ស្ថិតក្នុងចំណុចផ្លូវ ១៥៧៩ធ អូស្ងួត រំដោះទឹកជូន ប្រជាពលរដ្ឋប្រើប្រាស់ឱ្យទាន់ពេលវេលា និងរៀបចំ គម្រោងកសាងផ្លូវបន្តទៀត រហូតដល់លោកចូលនិវត្តន៍ (រ៉ឺត្រែត) នេះជាវីរៈភាព ស្នេហាជាតិពិតៗ ៕
លឹម សារី
