ភ្នំពេញ៖ នៅថ្ងៃទី១ ខែឧសភាឆ្នាំ២០១៦ លោក ញឹម វណ្ណឌិន អភិបាលនៃគណៈអភិបាលស្រុកស្អាងបានដឹកនាំមន្ត្រីរាជការលោក នាយកសាលាវិទ្យាលយ័សម្តេច ហ៊ុន សែន ស្អាងបានអញ្ជើញចុះចែកសម្ភារៈច្រកទឹកស្អាត និងទឹក ជូនប្រជាពលរដ្ឋនៅភូមិទួលសុភីភូមិទួលខុមួញ ឃុំព្រែកគយ ស្រុកស្អាងខេត្តកណ្តាល។
លោក ព្រំ ឈឺន ប្រធានក្រុមប្រឹក្សារស្រុកស្អាងបានឱ្យដឹងថា៖ គ្រោះរាំងស្ងួត ខ្វះខាតទឹកប្រើប្រាស់នេះ បានកើតឡើងនៅទូទាំងប្រទេស ហើយសម្តេចអគ្គមហាសេនាបតីតេជោ ហ៊ុន សែន ក៏បានណែនាំដល់ថ្នាក់ដឹកនាំស្រុកខេត្ត និង អាជ្ញាធរគ្រាប់ជាន់ថ្នាក់ កងកំលាំងប្រដាប់អាវុធ មន្ត្រីរាជការ និងសប្បរសជន ត្រូវរួមគ្នាជួយដោះស្រាយការលំបាកនិង ដឹកទឹកចែកជូនអោយប្រជាពលរដ្ឋបានប្រើប្រាស់ទាន់ពេលវេលា។ ចុះពិនិត្យជាក់ស្តែងពី បីថ្ងៃកន្លងទៅនេះអាជ្ញាធរខេត្ត និងមន្ត្រីក្រោមឱវាទ បានដឹកទឹកសំរាប់ប្រើប្រាស់តាមបណ្តាលតំបន់ផ្សេងៗ។
ដោយឡែក ពេលនេះជាអំណោយរបស់ឯកឧត្តម គីម រិទ្ធី អភិបាលរងខេត្តកណ្តាបានផ្តល់ពីដុងទឹកចែកជូនប្រជាពលរដ្ឋនៅ
និងចុសួរសុខទុកផ្ទាល់ចំនួនពីភូមិទួលសុភីភូមិទួលខ្មួញដើម្បីជាមធ្យោបាយ
ដឹកជញ្ជូនទឹកពីវត្តធន់មន្តយកមកប្រើប្រាស់តាមផ្ទះយោងប្រជាពលរដ្ឋរស់នៅតំបន់នេះនៅជិតទន្លេរបាសាក់។
លោកបានអំពាវនាវដល់អាជ្ញាធរមូលដ្ឋានទាំងអស់ត្រូវសហការ និងធ្វើការរាយការណ៏ជាបន្ទាន់អំពីបញ្ហាការខ្វះខាតទឹកដើម្បីអោយថ្នាក់ដឹកនាំ និងក្រុមការងារចុះជួយបានដឹងនិងដោះស្រាយជូនអោយបានទាន់ពេលវេលា។ទន្ទឹមនឹងនេះ ប្រជាពលរដ្ឋទាំងអស់ត្រូវថែរក្សាសុខភាព អនាម័យ គឺហូបស្អាត រស់នៅស្អាត បើសិនកើតមានជំងឺអ្វីសូមទៅមណ្ឌលសុខភាពដែលជិតផ្ទះជាបន្ទាន់ដើម្បីអោយគ្រូពេទ្យពិនិត្យនិងព្យាបាលទាន់ពេលវេលា។
គួរបញ្ជាក់ថា ប្រជាពលរដ្ឋទាំង២ភូមិដែលបានទទួលពីដុងច្រកទឹក និងទឹកសុទ្ធនាពីអាជ្ញាធរខេត្តនាឱកាសនោះមានភូមិទួលសុភីចំនួន១២៩ គ្រួសារ ភូមិទួលខ្មួញពី ចំនួន១៤៥គ្រួសារ ៕
ដោយ ហុក វិបុល
