(ភ្នំពេញ)៖ នារសៀលថ្ងៃចន្ទ ០៣កើត ខែកត្ដិក ឆ្នាំជូត ទោស័ក ព.ស.២៥៦៤ ត្រូវនឹងថ្ងែទី១៩ ខែតុលា ឆ្នាំ២០២០នេះ ឯកឧត្ដម ឃួង ស្រេង អភិបាល នៃគណៈអភិបាលរាជធានីភ្នំពេញ បានដឹកនាំមន្ដ្រីជំនាញមន្ទីរសាធារណការ និងដឹកជញ្ជូនរាជធានីភ្នំពេញ និងមន្ដ្រីរាជការរដ្ឋបាលរាជធានីភ្នំពេញចុះពិនិត្យការកាយប្រឡាយបើកមុខទឹកក្នុងភូមិសាស្ត្រខណ្ឌដង្កោ និងខណ្ឌពោធិ៍សែនជ័យ រាជធានីភ្នំពេញ។
ចំពោះភូមិត្រពាំងថ្លឹង សង្កាត់ចោមចៅទី១ ខណ្ឌពោធិ៍សែនជ័យ ដែលរងការជន់លិចដោយជំនន់ទឹកភ្លៀង ជាដំណោះស្រាយជំហានដំបូងឯកឧត្ដមអភិបាលរាជធានីភ្នំពេញ បានឱ្យមន្ទីរសាធារណការ និងដឹកជញ្ជូនរាជធានីភ្នំពេញ ដាក់រថយន្តបូមទឹកចេញពីតំបន់នេះ៕
