ខេត្តរតនគីរី ៖ រថយន្តយីឌុបជិត១០០គ្រឿងកកស្ទះរាប់ម៉ោងនៅចំណុចស្ថានីយ៍ជញ្ជីងថ្លឹងរថយន្តអូរពងមាន់ក្នុងទឹកដីខេត្តស្ទឹងត្រែង។ ការកកស្ទះរថយន្តជិត១០០គ្រឿងនេះនៅវេលាម៉ោង០៤ទាបភ្លឺថ្ងៃទី០៦ខែមីនាឆ្នាំ២០១៦ត្រង់ចំណុចស្ថានីយ៍ជញ្ជីងថ្លឹងរថយន្តអូរពងមាន់ស្ថិតក្នុងភូមិរាជានុកោលសង្កាត់ស្ទឹងត្រែងក្រុងស្ទឹងត្រែងខេត្តស្ទឹងត្រែងដោយសាររថយន្តយ៉ីឌុបដឹកដំឡូងមីលើសទម្ងន់បានឈប់លើផ្លូវជាតិលេខ៧Aធ្វើឲ្យមានកកស្ទះរាប់ម៉ោង។
តាមប្រភពផ្តល់ព័ត៌ពីអ្នកបើកបររថយន្តម្នាក់បាននិយាយថាករណីរថយន្តស្ទះនេះព្រោះពួកគាត់ខ្លាចស្ថានីយផាកពិន័យក្រោមតោនក៍បង់គ្រប់តោនក៍បង់។លើសតោនពិន័យគិតក្នុងមួយតោន៣០.០០០០រៀលទៅតាមកាកំណត់រថយន្តតូចធំរបស់ក្រសួងសាធារណះការនឹងដឹកជញ្ចូន។
តាមការឲ្យដឹងពីប្រជាពលរដ្ឋម្នាក់និយាយថា គាត់បានឃើញរថយន្តដឹកដំឡូងធំៗនេះឃើញឈប់តាំងពីរម៉ោង១និង១០នាទីជាបន្តបន្ទាប់រហូតដល់ម៉ោង៤ទាបភ្លឺទើបបានផ្ទុះពាក្យសម្ដីរវាងប្រ៉ូតៃកុងជាង១០០នាក់ជាមួយនឹងក្រុមការងារជញ្ចីង។
ការផ្ទុះពាក្យសំដីយ៉ាងតឹងសសៃកដាក់គ្នានោះមន្ត្រីនគបាលចរាចរណ៍ម្នាក់ដែលនៅសហការជាមួយក្រុមការងារស្ថានីយ៍ជញ្ចីងបានរៀបរាប់ថាក្នុងរថយន្ត៦៩គ្រឿងមានរថយន្តរបស់លោកជំទាវម្នាក់មិនស្គាល់ឈ្មោះចំនួនបួនគ្រឿងផងដែរ។
រថយន្ត១គ្រឿងដោយការអនុញ្ញាត្តឲ្យទៅរីឯ២គ្រឿងសុទ្ទតែលើសទម្ងន់ទាំងអស់ក្រោយមករថយន្តមួយដោះស្លាកលេខចេញបានបុកផ្តាច់ការរារាំងរបស់មន្ត្រីជញ្ចីងនឹងសមត្ថកិច្ចតែម្តង។នៅម៉ោង០៦និង១០នាទីរហូតដល់ម៉ោង០៦.៣៥នាទីទើបអស់ ។ ចំណែកឯរថយន្តរបស់លោកជំទាវមិនស្កាល់ឈ្មោះមួយគ្រឿងទៀតបានចេញក្រោយគេបង្អស់គ្មានការរំខានឡើយ។
នៅវេលាម៉ោង៨និង១៥នាទីលោកជំទាវម្នាក់នោះបានជិះរថយន្តឆ្លាមពណ៍ខ្មៅជាមួយនឹងតៃកុងបានមកស្ថានិយថ្លឹងរថយន្ត ដើម្បីបញ្ចេញកំហឹងដាក់ប្រធានជញ្ចីង លោក ប្រាក់ សោភណ្ឌ័ រឿងករណីហ៊ានឃាត់រថយន្តរបស់គាត់តែសំណាងល្អលោកប្រធានជញ្ចីងមិននៅ។ នៅតែកូនចៅគាត់ប៉ុណ្ណោះតែទោះបីយ៉ាងណាក៍ដោយកលោកជំទាវនៅតែមានប្រតិកម្មទៅលើកូនចៅរបស់លោកថាហេតុអីបានជាឃាត់រថយន្តគាត់ក្រែងអស់លោកស្គាល់ហើយតើរថយន្តគាត់។
លោកជំទាវបានបន្តទៀតថា គាត់បានខលទៅលោក ឌៀប ចន្ធី ស្នងការរងខេត្តនឹងលោកអភិបាលខេត្ត តែលោកអភិបាលខេត្តជាប់រវល់ទៅសៀមប៉ាងលោកជំទាវនិយាយថាគាត់រកស៊ីដឹកទំនិញជុំវិញប្រទេសខ្មែរមិនដឹកអ្វីខុសច្បាប់នោះទេ ។
គាត់បន្តទៀតថា រថយន្តបួនគ្រឿងនោះផាក៨០០.០០០រៀលគាត់បានប្រាប់កូនចៅគាត់ឲ្យបង់ទៅ ហើយថតរូបអ្នកទទួលលុយនោះឲ្យគាត់ផង គាត់នឹងយកទៅឲ្យសម្តេចមើល ។ នេះជាសម្តីរបស់លោកជំទាវ បាននិយាយនៅមុខក្រុមការងារជញ្ចីងនឹងអ្នកសារព័ត៌មានយើង៕
សន ចាន់ឌី
