ខេត្តសៀមរាប ៖ កិច្ចប្រតិបត្តិការចុះត្រួតពិនិត្យកន្លែងលក់ឳសថស្ថាន ហួសកាលបរិច្ឆេទ មួយកន្លែងមានយីហោឈ្មោះ សារាវន្ត១ ស្ថិតនៅក្នុងភូមិវត្តដំណក់ សង្កាត់សាលាកំរើក ក្រុង-ខេត្តសៀមរាប ដោយកម្លាំងសមត្ថកិច្ចខេត្តបានទទួលពត៌មានពី អតិថិជនដែលបានទៅទិញឳសថនៅទីតាំងខាងលើនេះ បានរាយការជូនសមត្ថកិច្ច បន្ទប់មកលោកវរសេនីយ៍ឯក សឿន សេន នាយការិយាល័យនគរបាលប្រឆាំងបទល្មើសសេដ្ឋកិច្ច និងជាតំណាងលោក( អ៊ុំ អមរ៉ា) ស្នងការរងនិងជាប្រធានការិយាល័យកណ្តាលប្រឆាំងបទល្មើស នៃស្នងការដ្ឋាននគរបាលខេត្តសៀមរាប ដោយមានការសហការណ៍ពីមន្ត្រី មន្ទីសុខាភិបាលខេត្ត នៅវេលាម៉ោង១២ និង៤៥នាទីថ្ងៃទី០៦ ខែមិនា ឆ្នាំ២០១៦ បានដឹកនាំកម្លាំងចុះត្រួតពិនិត្យ ហើយឈានទៅដល់ធ្វើការដកហូតបានឳសថផុតថ្ងៃកំណត់ប្រើប្រាស់ចំនួន១៥មុខ ស្មើនិង៧៧០គ្រប់ ថ្នាំទីប០១ទីប និងថ្នាំដបចំនួន០២ដបតូច ហើយបានធ្វើការប្រគល់ជូនទៅមន្ត្រី សុខាភិបាលខេត្ត ចំពោះម្ចាស់ទីតាំងត្រូវបានកម្លាំងសមត្ថកិច្ចនាំមកធ្វើការសាកសួរនៅការិយាល័យនគរបាលប្រឆាំងបទល្មើសសេដ្ឋកិច្ច។
លោក(សឿន សេន) នាយការិយាល័យបានឲ្យដឹងថា ដោយផ្អែកទៅតាមការសាកសួររបស់សមត្ថកិច្ច ម្ចាស់ទីតាំងខាងលើបានឆ្លើយបំភ្លឺជូនដល់កម្លាំងសមត្ថកិច្ចយើងថា ទីតាំងរបស់គាត់បានបើកលក់ឳសថបានជាង០៣ឆ្នាំមកហើយ ដោយមានលិខិតអនុញ្ញាត់ពីក្រសួងសុខាភិបាលត្រឹមត្រូវប៉ុន្តែទីតាំងលក់ឳសថនេះមិននបានយកវិជ្ជាជីវៈដែលក្រសួងផ្តល់អោយទៅបំពេញវិជ្ជាជិវៈរបស់ខ្លួនអោយបានត្រឹមត្រូវនោះទេ ។
បច្ចុប្បន្នម្ចាស់ទីតាំងលក់ឳសថនេះត្រូវបានកម្លាំងសមត្ថកិច្ចធ្វើកិច្ចសន្យាអប់រំ និងធ្វើការផាកពិន័យអន្តរកាលចំពោះទីតាំងកម្លាំងសមត្ថកិច្ចមិនបានធ្វើការបិទទេដោយម្ចាស់ទីតាំងលក់ឳសថបានទទួលយកនូវការផាកពិន័យ និងព្រមធ្វើកិច្ចសន្យាបញ្ឈប់ការលក់ឳសថហូសកាលបរិច្ឆេទ តទៅទៀត ៕
ដោយ ៖ លុច ណាម
